ADផ្ទាំងផ្សព្វផ្សាយពាណិជ្ជកម្ម

Picture

អឺរ៉ុប​ត្រៀម​ដាក់​ទណ្ឌ​កម្ម​អ៊ីរ៉ង់​ជា​ថ្មី​ពី​បទ​អភិ​វឌ្ឍ​កម្ម​វិធី​នុយ​ក្លេ​អ៊ែរ

18 ម៉ោង មុន

ទី​ក្រុង​ប្រ៊ុច​សែល៖ អឺរ៉ុប​ចាប់​ផ្ដើម​រៀប​ចំ​នីតិ​វិធី​ដើម្បី​ដាក់​ទណ្ឌ​កម្ម​ជា​ថ្មី​ទៅ​លើ​ប្រទេស​អ៊ីរ៉ង់​ពី​បទ​ចម្រាញ់​សារ​ធាតុ​វិទ្យុ​សកម្ម​។ ប្រទេស​បារាំង អាល្លឺម៉ង់ និង​អង់​គ្លេស​កំពុង​​​រៀប​ចំ​នីតិ​វិធី​​ដាក់​ទណ្ឌ​កម្ម​​​តាម​យន្ត​ការ​របស់​អង្គ​ការ​សហ​ប្រ​ជា​ជាតិ​ដោយ​សារ​​កម្ម​វិធី​នុយ​ក្លេអ៊ែរ​របស់​អ៊ីរ៉ង់​។ បើ​ដូច្នេះ​មែន​ អ៊ីរ៉ង់​អាច​នឹង​ត្រូវ​គេ​ដាក់​ឱ្យ​នៅ​ឯ​កា​បន្ថែម​ពី​លើ​សង្គ្រាម​រយៈ​ពេល​១២​ថ្ងៃ​រវាង​អ៊ីរ៉ង់ និង​អ៊ីស្រា​អែល​ដែល​ធ្វើ​ឱ្យ​ទី​តាំង​នុយ​ក្លេអ៊ែរ​របស់​អ៊ីរ៉ង់​រង​ការ​វាយ​ប្រហារ​យ៉ាង​ដំណំ​ពី​អ៊ីសា្រអែល​ និង​អាមេរិក​។ យោង​តាម​វិធាន​ការ​ដាក់​ទណ្ឌ​កម្ម​នេះ…

ទី​ក្រុង​ប្រ៊ុច​សែល៖ អឺរ៉ុប​ចាប់​ផ្ដើម​រៀប​ចំ​នីតិ​វិធី​ដើម្បី​ដាក់​ទណ្ឌ​កម្ម​ជា​ថ្មី​ទៅ​លើ​ប្រទេស​អ៊ីរ៉ង់​ពី​បទ​ចម្រាញ់​សារ​ធាតុ​វិទ្យុ​សកម្ម​។ ប្រទេស​បារាំង អាល្លឺម៉ង់ និង​អង់​គ្លេស​កំពុង​​​រៀប​ចំ​នីតិ​វិធី​​ដាក់​ទណ្ឌ​កម្ម​​​តាម​យន្ត​ការ​របស់​អង្គ​ការ​សហ​ប្រ​ជា​ជាតិ​ដោយ​សារ​​កម្ម​វិធី​នុយ​ក្លេអ៊ែរ​របស់​អ៊ីរ៉ង់​។ បើ​ដូច្នេះ​មែន​ អ៊ីរ៉ង់​អាច​នឹង​ត្រូវ​គេ​ដាក់​ឱ្យ​នៅ​ឯ​កា​បន្ថែម​ពី​លើ​សង្គ្រាម​រយៈ​ពេល​១២​ថ្ងៃ​រវាង​អ៊ីរ៉ង់ និង​អ៊ីស្រា​អែល​ដែល​ធ្វើ​ឱ្យ​ទី​តាំង​នុយ​ក្លេអ៊ែរ​របស់​អ៊ីរ៉ង់​រង​ការ​វាយ​ប្រហារ​យ៉ាង​ដំណំ​ពី​អ៊ីសា្រអែល​ និង​អាមេរិក​។

យោង​តាម​វិធាន​ការ​ដាក់​ទណ្ឌ​កម្ម​នេះ ទ្រព្យ​សម្បត្តិ​របស់​​​អ៊ីរ៉ង់​នៅ​បរទេស​នឹង​ត្រូវ​បង្កក​ទុក,​ ការ​ទិញ-​លក់​អាវុធ​ជា​មួយ​អ៊ីរ៉ង់​ដែល​បាន​ចុះ​កិច្ច​ព្រម​ព្រៀង​រួច​ហើយ​នឹង​ត្រូវ​ផ្អឹប​ទុក​។ បើ​សិន​អ៊ីរ៉ង់​​លួច​អភិ​វឌ្ឍ​កម្ម​វិធី​មីស៊ីល​ផ្លោង​ជា​បន្ត​ទៀត​ អ៊ីរ៉ង់​នឹង​ត្រូវ​រង​ទណ្ឌ​កម្ម​បន្ថែម​។ បើ​ដូច្នេះ​មែន​​មាន​ន័យ​ថា​ស្ថាន​ភាព​សេដ្ឋ​កិច្ច​អ៊ីរ៉ង់​ដែល​កំពុង​តែ​យ៉ាប់​​ស្រាប់​ទៅ​ហើយ​នោះ​នឹង​​​មាន​បញ្ហា​កាន់​តែ​ធ្ងន់​ធ្ងរ​។​

មុន​នឹង​ចាត់​វិធាន​ការ​ក្ដៅ ​​អឺរ៉ុប​ចង់​ទុក​ពេល​ឱ្យ​អ៊ីរ៉ង់​៣០​ថ្ងៃ​ដើម្បី​កែ​ខ្លួន​ឡើង​វិញ​។ គេ​គិត​ថា​នៅ​ក្នុង​អំឡុង​ពេល​នោះអ៊ីរ៉ង់​អាច​នឹងខិត​ខំ​ធ្វើ​នយោបាយ​ការ​ទូត​យ៉ាង​ខ្លាំង​ក្លា​បំផុត​​។ ​បញ្ហា​នេះ​បណ្ដាល​មក​ពី​អ៊ីរ៉ង់​ខ្លួន​ឯង​ទេ​។ អង្គ​ការ​សហ​ប្រជា​ជាតិ​ធ្លាប់​បញ្ជូន​ក្រុម​​​ការ​ងារ​​​​របស់​ទី​ភ្នាក់​ងារ​អាតូមិច​អន្តរ​ជាតិ​ (IAEA) ដើម្បី​ពិនិត្យ​​មើល​ទី​តាំង​នុយ​ក្លេអ៊ែរ ប៉ុន្តែ​ត្រូវ​អ៊ីរ៉ង់​បដិ​សេធ​។

បារាំង និង​អាល្លឺម៉ង់​ថ្លែងថាបើ​ពួក​គេ​មិន​ប្រើ​ធម៌​ក្ដៅ​ទេ ​អ៊ីរ៉ង់​មិន​ចូល​តុ​ចរចា​​។ ការ​ត្រៀម​ដាក់​ទណ្ឌ​កម្ម​សេដ្ឋ​កិច្ច​លើ​អ៊ីរ៉ង់​មិន​មែន​មាន​ន័យ​ថា​យើង​បិទ​ផ្លូវ​ចរ​ចា​នោះ​ទេ​។ យើង​នឹង​ខិត​ខំ​ឱ្យ​អស់​ពី​សមត្ថ​ភាព​ដើម្បី​ស្វែង​រក​ដំណោះ​ស្រាយ​។ រដ្ឋ​មន្ត្រី​ការ​បរទេស​អ៊ីរ៉ង់​ លោក​អាបាស់​ អារ៉ាក់​ជី (Abbas Araghchi) បាន​សរ​សេរ​រៀប​រាប់​នៅ​ក្នុង​ថ្លែង​ការណ៍​របស់​លោក​ថា​ការ​ព្រមាន​ដាក់​ទណ្ឌ​កម្ម​នេះជា​រឿង​មិន​សម​ហេតុ​ផល​, ខុស​ច្បាប់​ និង​ខ្វះ​មូល​ដ្ឋាន​គតិ​យុត្តិ​​។ ​លោក​ថ្លែង​ថា​អ៊ីរ៉ង់​នឹង​ចាត់​វិធាន​ការឆ្លើយ​តប​ដោយ​សមា​មាត្រ​ចំពោះ​វិធាន​ការ​របស់​អឺរ៉ុប។ ​ខាង​លើ​នេះ​ជា​ការ​ដក​ស្រង់​ប្រភព​ពី​ទី​ភ្នាក់​ងារ​ព័ត៌​មាន​អេភី (AP) និង​ប្រភព​ដទៃ​ទៀត​៕​

អត្ថបទសរសេរ ដោយ

កែសម្រួលដោយ