រាជធានីភ្នំពេញ ៖ អតីតតារសម្តែងអ្នកនាង នៅ សូនីតា បានលេចមុខក្នុងភាពយន្តជាថ្មីម្តងទៀត ក្រោយខកខានពីអាជីពសិល្បៈនេះជាង១០ឆ្នាំ និងក្រោយពេលដែលនាងមានគ្រួសាររស់មានងារជាជំទាវនាពេលបច្ចុប្បន្ននេះ ។ ភាពថ្មីដែលអតីតតារាស្រីរូបនេះ…
រាជធានីភ្នំពេញ ៖ អតីតតារសម្តែងអ្នកនាង នៅ សូនីតា បានលេចមុខក្នុងភាពយន្តជាថ្មីម្តងទៀត ក្រោយខកខានពីអាជីពសិល្បៈនេះជាង១០ឆ្នាំ និងក្រោយពេលដែលនាងមានគ្រួសាររស់មានងារជាជំទាវនាពេលបច្ចុប្បន្ននេះ ។
ភាពថ្មីដែលអតីតតារាស្រីរូបនេះ បង្ហាញវត្តមានសម្តែងនោះ គឺជាខ្សែភាពយន្តនិងចាក់បញ្ចាំងក្នុងរោងភាពយន្ត ក្រោមការដឹកនាំ និងផលិតដោយផលិតកម្មមួយ ។ នៅសូនីតា បានបង្ហាញក្តីសប្បាយរីករាយយ៉ាងខ្លាំង ក្នុងពេលដែលនាងត្រូវបានម្ចាស់ផលិតកម្មផ្តល់ឱកាសឲ្យរូបនាងមានមុខសម្តែងភាពយន្តជាថ្មីនាពេលនេះ បន្ទាប់ពីនាងបានខកខានប្រមាណ១០ឆ្នាំមកនេះ ។
នៅ សូនីតា បានលើកឡើងថា ការដែលនាងអាចចូលរួមសម្តែងជាថ្មីនាពេលនេះ គឺជាការមើលរបស់ផលិតករដែលមើលឃើញអ្នកនាងពិតជាស័ក្តិសមជាតួឯកស្រីនៅក្នុងរឿងនេះ ។ នាងបញ្ជាក់ថា អ្នកនាងគឺជាតួអង្គដែលមានគត៌ មានស្វាមី និងចាំតែធ្វើការងារផ្ទះ ដោយមិនដឹងការងារប្តីខាងក្រៅជាអ្វីឡើយ ហើយលទ្ធផលចុងក្រោយ ដែលនាងទទួលបាននោះគឺភាពឈឺចាប់ និងភាពរង្គោះរង្គើលរបស់ស្វាមី ។
នាងថា នាងពិតជាមានចិត្តសប្បាយរីករាយយ៉ាងខ្លាំង នៅពេលដែលនាងបានឃើញរូបខ្លួនឯងនៅលើផ្ទាំងធំសម្រាប់ផ្សព្វផ្សាយភាពយន្ត ដោយសារតែអ្នកនាងខានឃើញរូបខ្លួនឯងបែបនេះជាង១០ឆ្នាំហើយ ។
បើតាមអ្នកនាង នៅ សូនីតា កន្លងមក នាងនៅក្នុងវិស័យភាពយន្តមែន ប៉ុន្តែនាងមិនសូវទទួលថតភាពយន្តឡើយ ដោយសារបញ្ហាសុខភាព ប៉ុន្តែលើកនេះ ពិតជាកិត្តិយសដែលផលិតករ ក៏ដូចជាម្ចាស់ផលិតកម្មដែលបានផ្តល់ឱកាសឲ្យរូបនាងជាថ្មី ។
គួរបញ្ជាក់ថា ក្រោយចាប់ឈោងភាពល្បីល្បាញនៅក្នុងវិស័យសិល្បៈអស់ពេលប៉ុន្មានឆ្នាំនោះ នៅ សូនីតា ក៏បានសម្រេចឃ្លាតឆ្ងាយពីអាជីពសម្តែងនេះ បន្ទាប់ពីនាងបានកសាងទំនាក់ទំនងជាមួយលោក ទិត្យ ថាវរិទ្ធ ជាអ្នកផលិតកម្មវិធីកំសាន្ត និងបច្ចុប្បន្នក៏មានតួនាទីជាអនុរដ្ឋលេខាធិការក្រសួងវប្បធម៌ និងវិចិត្រសិល្បៈ ។
បច្ចុប្បន្ន ចំណងស្នេហ៍របស់អ្នកនាងបានទទួលកូនប្រុសម្នាក់ហើយដែរ ។ យ៉ាងណា បើទោះបីជាដកឃ្លាពីការសម្តែងក៏ពិតមែន ប៉ុន្តែអ្នកនាង នៅ សូនីតា ក៏បានងាកទៅណាឆ្ងាយពីការងារសិល្បៈនោះឡើយ ពោលអ្នកនាងតែងតែបង្ហាញវត្តមានជាបន្តបន្ទាប់ក្នុងកម្មវិធីនានារបស់អ្នកសិល្បៈ ខណៈពេលដែលអ្នកនាងក៏មានតួនាទីមួយនៅក្នុងសមាគមសិល្បករខ្មែរនាអាណត្តិថ្មីនេះផង
ដែរ ៕
ចែករំលែកព័តមាននេះ