បន្ទាប់ពីររងការរិះគន់ស្ទើរទឹកបាក់ទំនប់ ក្រោយគ្រងម្កុដ Miss Queen Cambodia 2025 តារាសម្តែងភេទទី៣ ផេន ខេក បានស្នើទៅកាន់មហាជនដែលរិះគន់មកលើរូបនាង…
បន្ទាប់ពីររងការរិះគន់ស្ទើរទឹកបាក់ទំនប់ ក្រោយគ្រងម្កុដ Miss Queen Cambodia 2025 តារាសម្តែងភេទទី៣ ផេន ខេក បានស្នើទៅកាន់មហាជនដែលរិះគន់មកលើរូបនាង គួរសម្លឹងមើលពីការខិតខំប្រឹងប្រែង និងសមត្ថភាពរបស់ខ្លួនជាជាងមើលពីរូបរាង ។
មហាជនមួយចំនួនបានធ្វើការរិះគន់យ៉ាងខ្លាំងទៅកាន់ ផេក ខេក ថា មិនស័ក្តិសមគ្រងម្កុដកម្មវិធីខាងលើ ដោយសារតែនាងមានរូបរាងធាត់ខ្លាំង ក្នុងពេលដែលអ្នកខ្លះក៏បានធ្វើការចោទប្រកាន់ដោយមិនដ្ឋានច្បាស់លាស់ថា នាងជាប់ដោយសារមានខ្សែ ។
យ៉ាងណា ក្រោយឃើញការរិះគន់ខាងលើ ផេន ខេក ក៏បានចេញមុខឆ្លើយតបទៅកាន់អ្នករិះគន់ទាំងអស់នោះវិញថា នៅមុនពេលដែលនាងបានជាប់នាពេលនេះ គឺនាងមានការខិតខំខ្លាំងណាស់ទាំងសមត្ថភាព និងសកម្មភាពសប្បុរសធម៌នានា ។
តាមរយៈបទសម្ភាសន៍ជាមួយសារព័ត៌មានកាលពីពេលថ្មីៗនេះ ផេន ខេក បានលើកឡើងថា ក្រោយជាប់កម្មវិធីនាងបានឃើញមានមតិរិះគន់មួយចំនួនដែលបានធ្វើការ Bully មកកម្មវិធី និងរូបនាងផ្ទាល់រហូតថា កម្មវិធីនេះជាកម្មវិធី Miss Queen ឬកម្មវិធី Miss ជ្រូក អ្នកស្អាតច្រើនមិនអោយជាប់ បែរជាអោយអ្នកមានមាឌដូចជ្រូកជាប់វិញ ។
ត្រង់ចំណុចនេះ នាងចង់គូសបញ្ជាក់ថា អ្នករិះគន់ទាំងនោះបានដឹងពីសមត្ថភាព និងការខិតខំប្រឹងប្រែងរបស់នាងអត់ ។ នាងថា ពេលខ្លះ ខ្ញុំមិនស្អាតចំពោះពួកគាត់ទេ តែសួរថា ៦ខែនេះគាត់បានមកចូលរួមជាមួយខ្ញុំអត់ ខ្ញុំចុះគ្រប់កម្មវិធីដែលអ្នករៀបចំតម្រូវ ដោយខ្ញុំសុខចិត្តចោលការងារដែលទទួលបានកម្រៃរាប់ពាន់ដុល្លារ ដោយខ្ញុំចាត់ទុកខ្លួនឯងជាបេក្ខភាព ។
នាងបញ្ជាក់ថា ពួកគាត់ទាំងនោះបាន Bully ចំពោះអ្នកធាត់ នោះមានន័យថា អ្នកធាត់ទូទាំងប្រទេសមិនមានសិទ្ធិធ្វើអ្វី ឬក៏ជាប់ជាបវរកញ្ញឬយ៉ាងណា ខណៈពេលដែលអ្នកធាត់គឺស្អាតបែបធាត់ អ្នកស្គមស្អាតបែបស្គម ។
នាងបន្ថែមថា នាងចាត់ទុកខ្លួនឯងគឺជាផ្កាជ័រ ព្រោះផ្កាជ័យនៅពេលដែលវាជ្រុះប្រឡាក់ធូលីដីក៏ដោយ នៅពេលដែលយើងយកវាមកលាងទឹកជម្រះនោះវានៅតែស្រស់ស្អាតដដែល ខុសផ្កាកុលាបនៅពេលដែលយើងមិនទុកដាក់ថែរក្សានោះវានឹងឆាប់រោយ និងរលួយខ្ចេចតែម្តង ។
ទោះជាយ៉ាងណា បើតាម ផេន ខេក ចំពោះការរិះគន់ទាំងអស់នោះ គឺនាងមិនចង់តបតនាំឲ្យមានរឿងវែងឆ្ងាយនោះឡើយ ហើយនាងក៏មិនចង់ដឹង ចង់ឮ ឬចង់ឃើញនោះដែរ ដោយសារវានាំឲ្យប៉ះពាល់ផ្លូវអារម្មណ៍របស់នាង ៕
ចែករំលែកព័តមាននេះ