ឈ្នះម្កុដមែន! តែ ផេន ខេក ទទួលរងការរិះគន់ពីមហាជនណាស់
- ភ្នំពេញ
រាជធានីភ្នំពេញ ៖ នៅទីបំផុត ម្ចាស់ម្កុដ Miss Queen Cambodia ២០២៥បានរកឃើញហើយ គឺបានទៅលើតារាភេទទី៣ ផេន…
រាជធានីភ្នំពេញ ៖ នៅទីបំផុត ម្ចាស់ម្កុដ Miss Queen Cambodia ២០២៥បានរកឃើញហើយ គឺបានទៅលើតារាភេទទី៣ ផេន ខេក នៅក្នុងការប្រកួតវគ្គផ្តាច់ព្រ័ត្តដែលបានធ្វើឡើងកាលពីថ្ងៃទី២២ ខែឧសភា ឆ្នាំ២០២៥ ។
យ៉ាងណា ទន្ទឹមនឹងការចូលរួមអបអរសាទរនៃជ័យជំនះរបស់ ផេន ខេក នាពេលនេះ គេក៏ឃើញមហាជនជាច្រើនទៀត បានធ្វើការរិះគន់មិនសម្ចៃមាត់ចំពោះការជ្រើសរើសតារាភេទទី៣រូបនេះជាអ្នកគ្រងម្កុដ ។
អ្នកខ្លះចាត់ទុកជ័យជំនះរបស់ ផេន ខេក នាពេលនេះ គឺមិនស័ក្តិសម ដ្បិតនាងមានរូបរាងធំខ្លាំង ហើយចំណេះរបស់នាងហាក់នៅមានកម្រិតនៅឡើយ ដែលទាំងនោះអាចនឹងមានការលំបាកសម្រាប់ការប្រកួតប្រជែងនៅលើឆាកអន្តរជាតិនាពេលខាងមុខ ។
ពួកគេបានលើកឡើងថា មិនដឹងយកអីស្អីមកគិត ។ កំរិតវប្បធម៌មិនមានផង ហើយរាង វិញចប់ ខ្មាស់បរទេស ចាំមើលទៅ ថៃចំអកឡកឡើយទៀតហើយ English មិនដឹងណាណីផង ត្រៀមទៅមិនចាំបាច់ចាំទេ ។
អ្នកខ្លះទៀត បានលើកឡើងថា មិនដឹងយកអ្វីមកនិយាយអោយសម មិនបានរើសអើងអ្វីទេ តែពាក្យថា តំណាងអោយប្រទេសទាំងមូល ត្រូវចាំថា ឆាកអន្តរជាតិ គឺបេក្ខភាពយកទៅប្រឡង គឺត្រូវតែមានសមត្ថភាព សម្រស់ មិនថា ផ្នែកនៃភាសានៅច្រើនទៀត… តែនេះ ? សួរថា តើយកទៅអោយប្រទេសជិតខាងគេនិយាយសើចចំអក ? ។
ការប្រលងភេទទីបីនឹងជាប់តាមខ្សែទេ ឆ្នាំណាក៏ដូចឆ្នាំណាដែរ ចាំមើលទៅហក់មួយបរទេសកើតអត់ គេចេញមកដើរឆ្វាចម៉ង ។
យ៉ាងណា ទន្ទឹមនឹងការរិះគន់ខាងលើនេះ គេក៏ឃើញមានអ្នកគាំទ្រមួយចំនួនក៏បានចេញមុខមកប្រឆាំងទាស់ចំពោះការរិះគន់ ដ្បិតពួកគេយល់ថា ការរិះគន់ទាំងនោះគឺមិនមានមូលដ្ឋានច្បាស់លាស់ និងមិនយល់ពីគោលបំណងរបស់កម្មវិធី ។
អ្នកគាំទ្រ ផេន ខេក បានលើកឡើងថា PanCake ឈ្នះមកុដ Miss Queen Cambodia 2025 មនុស្សគេវាស់គ្នាជាមួយអត្តចរិត ភាពម៉ត់ចត់នៃការងារ និងឆន្ទៈនៅក្នុងការប្រកួត គេមកប្រកួតព្រោះគេចង់លុបំបាត់ការរើសអើងទៅលើភេទទីបី និងលុបបំបាត់ការរើសអើងលើរូបរាងកាយ មានបានស្តាប់ចម្លើយគេឆ្លើយសំណួរ ឬអត់?
គេប្រលងមិនមែនប្រលងតែថ្ងៃផ្តាច់ព្រ័ត្រទេ គេប្រលងរាប់ខែ ចឹងអ្នកណាមានអត្តចរិតបែបណា កម្មវិធីគេដឹងច្បាស់ហើយ ។
អ្នកគួរតែអបអរគាត់ដែលអាចបំបែករនាំងឧបសគ្គនៃការរើសអើង កុំបានតែមាត់ថា លុបបំបាត់ ដល់ពេលគាត់ឈ្នះ មកនិយាយថា គាត់ជាប់មិនសម ព្រោះតែមានមាឌធំ? សម័យនេះ ប្រលងបវរកញ្ញាគេលែងខ្វល់ពីមាឌ ទំហំ ឬកម្ពស់ហើយ អ្នកមានសមត្ថភាព មានចរិតល្អ ងាយស្រួលធ្វើការ គេយកអ្នកហ្នឹងហើយ ។
មកុដមួយនេះ ពិតជាស័ក្ដិសមសម្រាប់គាត់ ព្រោះគាត់ប្រើបេះដូងមកប្រកួត គាត់សមនិងទទួលបានជាមួយនិងការលះបង់របស់គាត់ សម្រាប់មនុស្សដែលមានមាឌធំដូចគាត់ ចូរយកគាត់ធ្វើជាឧទាហរណ៍ ដើម្បីឈានទៅរកក្តីសុបិន្ត កុំអោយពាក្យសំដីនរណាម្នាក់មកធ្វើជារនាំងឧបសគ្គ មិនថា អ្នកមានរូបរាងបែបេណា ប្រសិនបើអ្នកមានមហិច្ឆតា មានឆន្ទៈ មានការព្យាយាមតស៊ូ អ្នកនិងពិតជាទទួលបានភាពជោគជ័យ ៕
ចែករំលែកព័តមាននេះ