រាជធានីភ្នំពេញ ៖ គេនៅចាំបានថា នៅក្នុងអំឡុង យក់ ថិតរដ្ឋា បានវិលកាន់ក្បាលមេក្រូបកស្រាយចម្រៀងជាថ្មីឡើងវិញ ក្រោយបាត់មុខអស់ជាច្រើនឆ្នាំនោះ នាងត្រូវបានមហាជនមានការភ្ញាក់ផ្អើលយ៉ាងខ្លាំង ក្នុងពេលដែលគេរូបរាងរបស់នាងធាត់ខុសពីធម្មតា…
រាជធានីភ្នំពេញ ៖ គេនៅចាំបានថា នៅក្នុងអំឡុង យក់ ថិតរដ្ឋា បានវិលកាន់ក្បាលមេក្រូបកស្រាយចម្រៀងជាថ្មីឡើងវិញ ក្រោយបាត់មុខអស់ជាច្រើនឆ្នាំនោះ នាងត្រូវបានមហាជនមានការភ្ញាក់ផ្អើលយ៉ាងខ្លាំង ក្នុងពេលដែលគេរូបរាងរបស់នាងធាត់ខុសពីធម្មតា និងមិនដូចអំឡុងពេលនាងមានឈ្មោះល្បីនោះឡើយ ។ នាងក៏ត្រូវបានមហាជនខ្លះបានធ្វើការបង្អាប់ ធ្វើអោយប៉ះពាល់ផ្លូវចិត្តនាងយ៉ាងខ្លាំង រហូតទុកខ្លួនឯងចោល ។
តាមរយៈបទសម្ភាសន៍នៅក្នុងកម្មវិធីមួយ យក់ ថិតរដ្ឋា ទម្លាយរឿងរ៉ាវមួយនេះទាំងទឹកភ្នែក នៅពេលដែលនាងធ្លាប់ត្រូវបានគេបង្អាប់ជាបន្តបន្ទាប់ដោយសាររូបរាងនេះ ។ ជាមួយគ្នានឹងវីដេអូសម្ភាសន៍ខាងលើ យក់ ថិតរដ្ឋា បានភ្ជាប់ជាមួយសំណេរថា សូមអភ័យទោសពីបងប្អូនអ៊ំពូមីងទាំងអស់គ្នា រដ្ឋាមិនចង់យំសំរក់ទឹកភ្នែក អោយបងប្អូនអ៊ំពូមីងឃើញទេ ព្រោះរដ្ឋាតែងតែផ្តល់ស្នាមញញឹមនឹងភាពរីករាយទៅកាន់បងប្អូនអ៊ំពូមីងជានិច្ច ប៉ុន្តែរឿងខ្លះដែលបានលាក់កប់ក្នុងចិត្តមិនចង់អោយគេគ្រប់គ្នាបានឃើញភាពទន់ខ្សោយរបស់ខ្ញុំទេ តែវាត្រូវបានបញ្ចេញនៅពេលដែលបងពិធីករលើកជាសំណួរដែលធ្វើអោយខ្ញុំទប់អារម្មណ៍ខ្លួនឯងអត់បានពិតមែន ។
នាងថា បើទោះបីជាមានពាក្យខ្លះជាពាក្យតិះដៀលទាំងមើលងាយបន្ទោសបង្អាប់ពីបងប្អូនមួយចំនួនតូចមកលើរូបរាង ឬក៏សម្រស់របស់ខ្ញុំជាដើម ក៏ខ្ញុំមិនដែលមានអារម្មណ៍ថា ស្អប់នឹងខឹងពួកគាត់ឡើយ ។ នាងបញ្ជាក់ថា ខ្ញុំតែងតែគិតថា មកពីពួកគាត់គឺគ្រាន់តែចង់ឃើញ idol គាត់ល្អនឹងស្អាតដូចពីមុន បើទោះជាខ្ញុំមានកូនៗដល់ទៅបីនាក់ក៏ដោយ ប៉ុន្តែអ្វីៗគ្រប់យ៉ាងគឺវាស្ថិតនៅលើពេលវេលានឹងការតាំងចិត្តព្រមទាំងកំលាំងកាយនឹងចិត្តជាចំបងផងដែរ ! តែសំរាប់ចិត្តរបស់ខ្ញុំ គឺពិតជាមានពេលខ្លះក៏មានអារម្មណ៍ថា តូចចិត្តខូចចិត្តនឹងខ្លួនឯងខ្លាំងពិតមែន ទើបតែមួយរយៈក្រោយនេះ ខ្ញុំមានកំលាំងចិត្តសារជាថ្មីមកវិញ ហើយក៏មិនព្រមទុកខ្លួនឯងចោលទៀតដែរ ។
បើតាម យក់ ថិតរដ្ឋា កំលាំងចិត្តធំបំផុតនោះ គឺកូនៗនឹងប្តី ព្រមទាំងបងប្អូនមិត្តភ័ក្តិ និង FanFan ជាច្រើនដែលតែងតែបានផ្តល់កំលាំងចិត្តមកដល់ខ្ញុំរហូត តែអីលូវខ្ញុំពិតជាបានធ្វើវាបានសំរេចខ្លះៗហើយណាបងប្អូន ហើយក៏ត្រូវតែធ្វើដើម្បីភាពស្រស់ស្អាតរបស់ខ្លួនយើងតែម្តងណាបងប្អូនចា ៕
ចែករំលែកព័តមាននេះ