រាជធានីភ្នំពេញ ៖ តារាសម្តែង និងបង្ហាញម៉ូត រួមជាមួយមហាជនជាច្រើនបាននាំគ្នាចូលទៅធ្វើការរិះគន់ដូចទឹកបាក់ទំនប់ ទៅកាន់នារីម្នាក់ដែលស្លៀកពាក់ខោលអាវកីឡាបែបរឹបសិចស៊ី នៅពីមុខប្រាសាទអង្គរវត្ត ។

រូបភាពវីដេអូប្រមាណជា១០នារី ត្រូវបាននារីម្នាក់ដែលមានឈ្មោះតាមគណនេយ្យហ្វេសប៊ុកថា Nina daily បានបង្ហោះលើបណ្តាញសង្គមបង្ហាញពីសកម្មដើរបង្ហាញម៉ូតជាមួយនឹងការស្លៀករឹបសិចស៊ីខ្លាំងថតមុខប្រាសាទអង្គរវត្ត ។ ជាមួយរូបភាពវីដេអូ ខាងនារីរូបនេះបានភ្ជាប់ជាមួយនឹងសំណេរថា My body is temple គោលបំណងចង់ផ្សព្វផ្សាយអង្គរវត្ត ខោអាវហាត់ប្រាណ sportFit Daisy Cambodge ។

យ៉ាងណា បើទោះជានារីរូបនេះបានភ្ជាប់សំណេរពីគោលបំណងចង់ផ្សព្វផ្សាយពីប្រាសាទអង្គរវត្តខ្មែរក៏ដោយ ប៉ុន្តែគេឃើញមានមហាជនជាច្រើនសម្តែងការមិនពេញចិត្ត និងមិនគាំទ្រចំពោះរូបនាងដែលស្លៀកពាក់បែបនេះថតនៅមុខប្រាសាទបុរាណនោះឡើយ ។

តារាសម្តែងនាង ហ្វីយ៉ាតា ក៏បានសម្តែងការមិនគាំទ្រចំពោះទង្វើនារីនេះដែរ ខណៈពេលដែលយល់ថា ការផ្សព្វផ្សាយដោយស្លៀកបែបនេះ មិនគួរថតនៅមុខប្រាសាទបុរាណនោះឡើយ ។ នាងបានលើកឡើងតាមសំណេរបង្ហោះលើបណ្តាញសង្គមថា ពួកនារីផ្សេងៗ រួមទាំងខ្ញុំ ពាក់អាវចេញស្មារតិច គេមិនអោយចូលផង ខោរឹបគូទគេអោយទិញក្រមាពាក់ពីលើ ហើយឈុតនេះគួរតែថត promote នៅកន្លែងផ្សេងទៅ ព្រោះនៅអង្គវត្តគេមិនអោយថត promote ផលិតផលអ្វីទាំងអស់… ហើយឃើញក្បាលឡើងច្បាស់ .. មេត្តាមន្ត្រី អប្សរាជួយមើលម្នាក់នេះ.. ខ្ញុំនិយាយត្រង់ ភេទទី៣ខ្លះ គេតុបតែងខ្លួនដើរអង្គមានរបៀបជាងស្រីពិតយើងខ្លះផង..។

នាងបញ្ជាក់ថា ដូចខ្វះពេល ខ្វះកន្លែង sexy … ទៅ sexy នៅ pub street ទៅ.. គ្មានអ្នកទើសទេ .. អ្នកធ្វើនេះ លើសធ្ងន់ណាស់ ព្រោះនេះជាប្រាសាទអង្គរខ្មែរ ភេទទី៣ខ្លះ និងជនជាតិបរទេសគេផ្សេង គេតុបតែងខ្លួនទៅលេងអង្គរ ទៅផ្សព្វផ្សាយអង្គរមានរបៀបល្អជាងនាងជាស្រីខ្មែរពិតឆ្ងាយណាស់ ហើយក្បាល២ឡើងច្បាស់ ជីវិតចូលចិត្តបែប Europe យ៉ាងណាក៏មិនគួរពាក់ដល់ថ្នាក់នេះ ព្រោះសព្វយើងរស់លើដីខ្មែរ ។
អ្នកគេមានប្ដីជនជាតិគេខ្លះ គេមិនជ្រុល Europe ដល់អ្នកផង…គេតែងខ្លួនមើលគេ មើលឯង មើលទីកន្លែង ពេលវេលា..ហើយនាងជាអ្នករស់នៅទឹកដីសៀមរាបស្រាប់ ម៉េចធ្វើដូចមិនដឹងថា អ្វីគួរមិនគួរយ៉ាងនេះ..? ។

ដោយឡែក ពីក្រោមរូបភាពវីដេអូរបស់នារីខាងលើគេឃើញមានមហាជនជាច្រើនបានចូលទៅធ្វើការរិះគន់ ដោយម្នាក់សម្តែងការមិនពេញចិត្តចំពោះទង្វើមួយនេះឡើយ ។ ម្នាក់ៗបាននាំគ្នារិះគន់ថា ល្អផ្សព្វផ្សាយទៅខ្ញុំមិនគាំទ្រកាស្លៀកពាក់បែបនេះមកផ្សព្វផ្សាយក្នុងប្រាសាទឡើយ ។ ក្នុងប្រសាទអង្គរវត្តវាមិនសមរម្យទេបង យើងស្លៀកពាក់បែបនេះ ។ អ្នកខ្លះទៀត លើកឡើងថា កំពុងគិតស្អីនាង? នាងដឹងទេថា ប្រាសាទនេះសាងសង់ដើម្បីអី? ទង្វើនាងមិនខុសអីពីស្រា.តចូលវត្តទេ. ច.ង្រៃពេកហើយ ។ ស៊ីសខ្ញុំក៏ជាអ្នកគាំទ្រស៊ីសម្នាក់ដែរ ,តែការបង្ហាញបែបនេះមិនបានជួយលើកមុខមាត់ប្រទេសជាតិយើងទេ ផ្ទុយទៅវិញស៊ីសកំពុងតែជាន់ពន្លិចវប្បធម៌ដ៏ផូរផង់របស់ជាតិយើង ហើយតើស៊ីសដឹងទេ?

នេះជាមូលហេតុដែលយើងត្រូវតែរៀនសូត្រ ពេលយើងមានចំណេះ យើងនឹងដឹងថាអ្វីគួរ អ្វីមិនគួរ បើថតនៅកន្លែងផ្សេងមិនសូវប៉ះពាល់នោះទេ តែនេះមុខប្រាសាទអង្គរវត្តណាស៊ីស រិះគន់ក្នុងន័យស្ថាបនា មិនមែនជាន់ពន្លិចទេណា ព្រោះខ្ញុំក៏ជាស្ត្រីខ្មែរម្នាក់ដែរ ។
សូមបញ្ជាកថា យ៉ាងណា បន្ទាប់ពីមានការរិះគន់ពីមហាជនខាងលើនេះវីដេអូនោះក៏បានលុបចេញវិញហើយដែរ ។ ហើយបើតាមផេកNina daily បានបង្ហោះមុននេះថា ៖ ការ Post មួយនេះគ្រាន់តែចង់បង្ហាញ នឹងលើកតម្កើងវិសយ័កីឡាហាត់ប្រាណ នឹងកាយសម្បទាប៉ុណ្ណោះ ។ នាងខ្ញុំបានលុបវីដេអូនឹងតាមសំណូមពរបងប្អូនហើយ ៕
ចែករំលែកព័តមាននេះ