ខេត្តបន្ទាយមានជ័យ ៖ ខេត្តបន្ទាយមានជ័យមានអ្នកស្លាប់ដោយរញ្ជួយដីនៅប្រទេសថៃចំនួន៣នាក់ស្រី១នាក់និងរកឃើញសាកសពម្នាក់និង២នាក់ទៀតបាត់ខ្លួនមិនទាន់រកឃើញដែលបានព័ត៌មានពីអាជ្ញាធរស្រុក/ក្រុងនៅថ្ងៃទី៣០ ខែមីនា ឆ្នាំ២០២៥។
តាមព័ត៌មានទទួលបានពីរដ្ឋបាលខេត្តបន្ទាយមានជ័យថាមានពលករខ្មែរចំនួន៣នាក់ស្រី១នាក់ ដោយរញ្ជួយដីនៅប្រទេសថៃកាលពីថ្ងៃទី២៨ ខែមីនា ឆ្នាំ២០២៥ហើយទាន់បានទទួលព័ត៌អោយបានជាក់លាក់នៅឡើយទេតែដឹងបាត់ខ្លួនចំណុចបាក់អគារ២នាក់ប្តីប្រពន្ធនៅក្រុងសិរីសោភ័ណ និងម្នាក់ទៀតបានរកឃើញសាកសពហើយនៅស្រុកម៉ាឡៃ។
លោក ស្វាយ ជា អភិបាលស្រុកម៉ាឡៃបានប្រាប់ថា៖អាជ្ញាធរទទួលព័ត៌មានពីសាច់ញាតិនិងអគ្គកុងស៊ូលកម្ពុជាមានជនរងគ្រោះម្នាក់ឈ្មោះ មាស វ៉ាង ភេទប្រុសអាយុ២៥ឆ្នាំ(មុខរបរកម្មករសំណង់)រស់នៅភូមិបល្ល័ង្ក ឃុំតាគង់ ស្រុកម៉ាឡៃ បានស្លាប់ដោយរញ្ជួយដីនៅប្រទេសថៃបានរកឃើញសាកសពហើយអាចបញ្ជូនមកថ្ងៃច័ន្ទ ទី៣១ ខែមីនា ឆ្នាំ២០២៥ប្រគល់ជូនសាច់ញាតិទទួលធ្វើបុណ្យ។
លោក ស្រេង សុផល អភិបាលក្រុងសិរីសោភ័ណបានប្រាប់ថា៖អាជ្ញាធរបានទទួលព័ត៌មានពីសាច់ញាតិមាន២នាក់ប្តីប្រពន្ធបានបាត់ខ្លួនកន្លែងធ្វើការសំណង់នៅពេលមានរញ្ជួយដីបាក់អគារនៅប្រទេសថៃរហូតពេលនេះទាន់រកឃើញនៅឡើយទេប្តីឈ្មោះ សាន សឿន អាយុ៣៨ឆ្នាំ(មុខរបបកម្មករសំណង់)និងប្រពន្ធឈ្មោះ សុខ គីមសី អាយុ៣១ឆ្នាំ(មុខរបបកម្មករសំណង់)រស់នៅភូមិតាម៉ា សង្កាត់ម្កាក់ ក្រុងសិរីសោភ័ណ។
លោកបានបញ្ជាក់ថា សាច់ញាត់ដែលធ្វើការជាមួយនៅប្រទេសថៃថាជនរងគ្រោះ២នាក់ប្តីប្រពន្ធបានបាត់ខ្លួននៅពេលធ្វើការមានរញ្ជួយដីបាក់អគាររហូតពេលនេះមិនទាន់រកឃើញថាស្លាប់រឺរស់នៅឡើយទេកំពុងតាមមើលក្រុមសង្គ្រោះថៃកំពុងរុករកនៅចំណុចកន្លែងធ្វើការអគារបាក់ ៕
ចែករំលែកព័តមាននេះ