រាជធានីភ្នំពេញ ៖ តារាសម្តែងនាង ពីយ៉ាពីន ហាក់ក្តៅចុងច្រមុះ ក្រោយត្រូវនារីជាលក់អនឡាញមួយរូប បានចោទប្រកាន់មកលើរូបនាងថា ជាជនបោកប្រាស់ ដោយសារការទិញទឹកអប់តម្លៃជាង១០០ដុល្លារ ។…
រាជធានីភ្នំពេញ ៖ តារាសម្តែងនាង ពីយ៉ាពីន ហាក់ក្តៅចុងច្រមុះ ក្រោយត្រូវនារីជាលក់អនឡាញមួយរូប បានចោទប្រកាន់មកលើរូបនាងថា ជាជនបោកប្រាស់ ដោយសារការទិញទឹកអប់តម្លៃជាង១០០ដុល្លារ ។
នារីអ្នកលក់អនឡាញមួយរូប បានធ្វើការបង្ហោះដោយភ្ជាប់ជាមួយតារាសម្តែង ពីយ៉ាពីន ជាមួយនឹងសំណេរដោយលើកឡើងថា តារាស្រីរូបនេះបានទិញទឹកអប់ខ្លួនតម្លៃ១៧១ដុល្លារ ហើយមិនទាន់ទាត់លុយអោយដោយកុហកមួយថ្ងៃហើយមួយថ្ងៃទៀត ខណៈពេលដែលអ្នកលក់អនឡាញខាងលើនេះ ក៏បានចោទប្រកាន់ពីយ៉ាពីនថា ជាជនបោកប្រាស់ផងដែរ ។
យ៉ាងណា ក្រោយឃើញការបង្ហោះខាងលើនេះ តារាសម្តែង ពីយ៉ាពីន ហាក់ក្រៅចុងច្រមុះ ដោយបានចាត់ទុកការបញ្ចេញរឿងរ៉ាវខាងលើជាសាធារណៈពីអ្នកលក់អនឡាញខាងលើនេះ គឺជាការធ្វើអោយប៉ះពាល់កិត្តិយសនាងយ៉ាងខ្លាំង ត្បិតលុយនៃការទិញនេះ នាងបានទូរទាត់អោយខ្លះហើយ ពោល គឺនៅសល់តែតិចតួចប៉ុណ្ណោះ ។
តាមរយៈសំណេរ ដែលបានបង្ហោះលើបណ្តាញសង្គម ពីយ៉ាពីន បានលើកឡើងថា នាងខ្ញុំមិនបានថា ខ្ញុំត្រូវទេ តែអ្នកនិយាយដែលផុសខ្ញុំ និងនិយាយចេញមកខុសការពិត បានយករូបខ្ញុំទៅផុសហើយប៉ះពាល់ដល់ការងារខ្ញុំទៀត ។
នាងថា ខ្ញុំទទួលខុសដែលមានការយឺតយ៉ាវ តែខ្ញុំបានសូមការយោគយល់ហើយខ្ញុំបានអោយ ១០០$ ហេតុអីបំផ្លាញមុខមាត់គេ ព្រោះតែការរកស៊ីខ្លួនឯងបែបនេះ ហេតុអីមិននិយាយអំពីលុយដែលខ្ញុំបានអោយផង ហេតុអីថា ខ្ញំមិនអោយសោះបែបនេះ ។
ទេវតាមានភ្នែក ត្រូវហើយអ្នកដែលគាត់ខំមិនថា សងគេទៅចប់រឿងហើយ ចុះមុខមាត់ខ្ញុំអ្នកណាសង ហើយមិនបាននិយាយថា ខ្ញុំមិនសងគាត់ឯណា? ហេតុផលដែលផុសរូបខ្ញុំបំណងអ្វីដែរ? (បើជំពាក់លុយមិនសង ហើយឆាតមកមិនតបមិនអោយខ្ញុំមិននិយាយទេ តែនេះគោលបំណងអ្វី សូមបងប្អូនគិតតាមការឃើញ) ការឈឺចាប់នេះលើសពេកហើយ ។ ខ្ញុំសូមបញ្ជាក់ នៅក្នុងការផុសនេះរបស់ខ្ញុំនេះជាលើកចុងក្រោយ ។
ម្នាក់ស្រីដែលបានផុសថា ខ្ញុំបានជំពាក់លុយដោយប្រើភាសាថា ខ្ញុំដើរបោកប្រាស់ គេទិញអីវ៉ាន់គេហើយមិនឲ្យលុយ ប៉ុន្តែជាក់ស្ដែងនាងខ្ញុំបាននិយាយទូរស័ព្ទជាមួយគាត់សុំការយោគយល់គាត់រួចទៅហើយ គាត់ព្រមទុកអីវ៉ាន់ហ្នឹងនៅខ្ញុំ ព្រោះនៅថ្ងៃដែលគេយកអីវ៉ាន់មកឱ្យនោះ គឺខ្ញុំរវល់ការងាររបស់ខ្ញុំមិនបាននៅផ្ទះ ។ បើគាត់មិនមានការព្រមព្រៀងទេ គាត់អាចមានសិទ្ធិយកអីវ៉ាន់ហ្នឹងទៅវិញ ។
នៅពេលនោះដែរ នេះខ្ញុំបានប្រាប់ហេតុផលទៅគាត់សុំការយោគយល់ គាត់ ok ពេលនិយាយរាល់ពេលដែលនាងខ្ញុំបានឲ្យគាត់ម្ដង៥០ ម្ដង៥០ បានពីរដងរួចមកហើយ ។ ហើយរាល់ពេលដែលខ្ញុំបានសងគាត់ត្រឡប់ទៅវិញ គាត់ហេតុអ្វីមិនព្រមយកមកបកស្រាយឲ្យមហាជនបានដឹងឡើយ គាត់បែរជាយកតែចំណុចកន្លែងដែលគាត់ត្រៀមទារនាងខ្ញុំពេលដដែលៗ ហើយដោយមិនបានថតនៅកន្លែងដែលខ្ញុំបា.ញ់អោយគាត់នោះទេ ពីយប់ខ្ញុំបានឱ្យបងខ្ញុំយកលុយទៅដាក់ពីវីងបាញ់ទៅABA ឱ្យទៅគាត់ ប៉ុន្តែជាក់ស្ដែងបងប្រុសរបស់ខ្ញុំគាត់បាននៅខេត្ត ដូច្នេះមិនមានសេវា ហើយខ្ញុំសុំគាត់រង់ចាំបន្តិច ព្រោះខ្ញុំខលទៅបងខ្ញុំមិនលើក ។ សុំតែបន្តិច គាត់ក៏មិនព្រមគាត់ថា បើមិនចង់ខ្មាសគេ លុយហ្នឹងឱ្យគាត់នៅថ្ងៃហ្នឹង បើមិនទេ គាត់នឹងធ្វើឲ្យខ្ញុំខ្មាស់គេ ។ គាត់ប្រើសម្ដីមើលងាយខ្ញុំជាច្រើន តែដៀលគាត់បាននិយាយថា បើអត់លុយទេនិយាយទៅថា អត់លុយនាងខ្ញុំព្រមទទួលទៀត ខ្ញុំខុស ខ្ញុំទទួល ខ្ញុំអត់ ដោយមិនប្រកែកអ្វីទាំងអស់ព្រោះការពិតខ្ញុំជំពាក់គាត់មែន សម្ដីគាត់មើលងាយថា ខ្ញុំថោកទាបខ្ញុំមិនឲ្យលុយគាត់ខ្ញុំកុហកគាត់ឡើងវិញ ខ្ញុំមិនបានតបតអ្វីទេ ប៉ុន្តែខ្ញុំទទួលខុសនូវអ្វីដែលខ្ញុំបានធ្វើ ប៉ុន្តែគាត់និយាយថា បើថ្ងៃហ្នឹងមិនឱ្យលុយគាត់ គាត់ហ្នឹងធ្វើឲ្យខ្ញុំខ្មាស់គេ ប៉ុន្តែមិនទាន់បានផុតថ្ងៃហ្នឹងផង ។
ហើយលុយហ្នឹងក៏ខ្ញុំមិនបាននិយាយថា ខ្ញុំមិនឲ្យគាត់នោះដែរ ។ ប៉ុន្តែបន្ទាប់ពីនិយាយឆាតជាមួយគ្នារួច គឺគាត់បែរជាផុសរូបខ្ញុំប៉ុន្តែអ្វីដែលគាត់ធ្វើនោះ គឺរំលោ.ភសិទ្ធិ និងបំផ្លាញកិត្តិយសខ្ញុំទាំងស្រុង ។ (សូមអ្នកខំមិនមួយចំនួន បើជា ខ្ញុំមានអាម្មណ៍បែបណា) គាត់បានផុសប្រើពាក្យថា នាងខ្ញុំបោកប្រាស់គាត់ ហៅខ្ញុំជាជនបោកប្រាស់ទាំងដែលគាត់ក៏ព្រមព្រៀងតាំងពីដំបូងដែលគាត់បាននិយាយខុសការពិត ដែលគាត់ចោលថា ខ្ញុំមិនទទួលខុសត្រូវក្នុងលុយដែលត្រូវឲ្យគាត់ ។
ប៉ុន្តែជាកាពិតនាងខ្ញុំ បានឲ្យគាត់បានខ្លះហើយ គាត់មិនបានលើកមកនិយាយទេ ។ ធ្វើឲ្យមានការយល់ច្រឡំដោយមហាជន ហើយអ្វីដែលប៉ះពាល់ខ្លាំងបំផុតនោះ ដល់កាងាររបស់ខ្ញុំធ្វើអោយនាងខ្ញុំខូចខាតកិត្តិយសយ៉ាងខ្លាំង និងបាត់បង់កាងារ ។ (ទោះខ្ញុំក្រ តែខ្ញុំមានភាពទទួលខុសត្រូវ)៕
ចែករំលែកព័តមាននេះ