ខេត្តកំពង់ស្ពឺ ៖ មុខសញ្ញាក្មេងទំនើ.ងដែលបានថតវីដេអូបង្ហោះចែកចាយតាមប្រព័ន្ធបណ្ដាញសង្គមតិកតិក tik tok ធ្វើសកម្មភាពដេញវា.យគ្នាដោយប្រើប្រាស់កាំបិតផ្គាក់រត់ដេញកា.ប់ ។ ដោយអនុវត្ដបទបញ្ជាដ៏ម៉ឺងម៉ាត់របស់លោកឧត្ដមសេនីយ៍ទោ ឃឹម សុកខៃ…
ខេត្តកំពង់ស្ពឺ ៖ មុខសញ្ញាក្មេងទំនើ.ងដែលបានថតវីដេអូបង្ហោះចែកចាយតាមប្រព័ន្ធបណ្ដាញសង្គមតិកតិក tik tok ធ្វើសកម្មភាពដេញវា.យគ្នាដោយប្រើប្រាស់កាំបិតផ្គាក់រត់ដេញកា.ប់ ។
ដោយអនុវត្ដបទបញ្ជាដ៏ម៉ឺងម៉ាត់របស់លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងបានសហការគ្នា នាថ្ងៃទី២៧ ខែធ្នូ ឆ្នាំ២០២៤ បានធ្វើការស្រាវជ្រាវមុខសញ្ញាក្មេងទំនើ.ងដែលបានថតវីដេអូបង្ហោះចែកចាយតាមប្រព័ន្ធបណ្ដាញសង្គមតិកតិក tik tok រត់ដេញកា.ប់គ្នា ។ នេះបើយោងតាមផេក ស្នងការដ្ឋាននគរបាលខេត្តកំពង់ស្ពឺបានបង្ហោះ ។
ចំពោះក្មេងទំនើ.ងខាងលើនេះមានឈ្មោះដូចខាងក្រោម ៖
១-ឈ្មោះ ខាត់ រដ្ឋា ភេទប្រុស អាយុ១៧ឆ្នាំ មុខរបរកម្មករផលិតទឹកបរិសុទ្ធ ទីលំនៅភូមិសម្បទានសែនជ័យ ឃុំយាយម៉ៅពេជ្រនិល ស្រុកភ្នំស្រួច ។
២-ឈ្មោះ ចិត្ត ប្រុសពៅ ភេទប្រុស អាយុ១៨ឆ្នាំ មុខរបរកម្មករផលិតទឹកបរិសុទ្ធ ទីលំនៅភូមិអូរកូនត្រំ ឃុំត្រែងត្រយឹង ស្រុកភ្នំស្រួច(ម្ចាស់ទូរស័ព្ទ) ។
៣-ឈ្មោះ ជា រុណ ភេទប្រុស អាយុ១៧ឆ្នាំ មុខរបរកម្មករផលិតទឹកបរិសុទ្ធ ទីលំនៅភូមិអូរកូនត្រំ ឃុំត្រែងត្រយឹង ស្រុកភ្នំស្រួច ។
៤-ឈ្មោះ ស៊ីណាត កក្កដា ភេទប្រុស អាយុ២០ឆ្នាំ មុខរបរកម្មករផលិតទឹកបរិសុទ្ធ ទីលំនៅភូមិទី១ ឃុំត្រែងត្រយឹង ស្រុកភ្នំស្រួច ។
៥-ឈ្មោះ ដា រីម ភេទប្រុស អាយុ១៥ឆ្នាំ មុខរបរ កម្មករផលិតទឹកបរិសុទ្ធ ទីលំនៅភូមិអូរកូនត្រំ ឃុំត្រែងត្រយឹង ស្រុកភ្នំស្រួច (ជាអ្នកកាន់កាំបិតដេញកា.ប់)
យោងតាមចម្លើយសារភាពរបស់ក្រុមក្មេងទំនើ.ងទាំង៥នាក់ គឺពួកគេថតវីដេអូខ្លីៗរួចបង្ហោះតាមបណ្ដាញសង្គម tik tok ចែកចាយអោយដល់ក្រុមសមាសភាពផ្សេងទៀតអោយដឹងថា ក្រុមខ្លួន គឺមានអាវុ.ធ និងចង់បង្អួតដល់ដៃគូផងដែរ ក្នុងការត្រៀមប្រយុទ្ធក្នុងកាលៈទេសៈណាមួយនៅពេលក្រោយ ។
ចំពោះវីឌីអូខាងលើនេះថត និងបានបង្ហោះ កាលពីថ្ងៃទី២០ ខែធ្នូ ឆ្នាំ២០២៤ និងដកហូតវត្ថុតាងជាក់ស្ដែងរួមមាន ៖ ទូរស័ព្ទដៃ០១គ្រឿង ម៉ាកIphone11 ពណ៌ខ្មៅ -កាំបិតផ្គាក់០១ដើម-ម៉ូតូ០១គ្រឿងម៉ាកហុងដា សេ១២៥ ពណ៌ខ្មៅ សេរីឆ្នាំ២០២៤ ពាក់ផ្លាកលេខកំពង់ស្ពឺ 1Y-1102 ។ ករណីខាងលើជំនាញបានកំពុងសាកសួរ និងកសាងសំណុំរឿងបញ្ជូនទៅការិយាល័យជំនាញនៃស្នងការដ្ឋាននគរបាលខេត្តកំពង់ស្ពឺចាត់ការតាមនិតិវិធីបន្ដ ៕
ចែករំលែកព័តមាននេះ