មហាជនបានសម្តែងការភ្ញាក់ផ្អើលយ៉ាងខ្លាំង បន្ទាប់ពីបានឃើញវត្តមានរបស់តារាភេទទី៣ ផេនខេក លិចវត្តមានដាក់ពាក្យចូលរួមប្រកួតកម្មវិធីប្រឡងបវរកញ្ញា Miss Queen Cambo dia ២០២៥ ដែលគ្រោងនឹងធ្វើឡើងនាពេលឆាប់ៗខាងមុខនេះ…
មហាជនបានសម្តែងការភ្ញាក់ផ្អើលយ៉ាងខ្លាំង បន្ទាប់ពីបានឃើញវត្តមានរបស់តារាភេទទី៣ ផេនខេក លិចវត្តមានដាក់ពាក្យចូលរួមប្រកួតកម្មវិធីប្រឡងបវរកញ្ញា Miss Queen Cambo dia ២០២៥ ដែលគ្រោងនឹងធ្វើឡើងនាពេលឆាប់ៗខាងមុខនេះ ។
ផេកហ្វសប៊ុកផ្លូវការនៃកម្មវិធី Miss Queen Cambodia ២០២៥ បានបង្ហោះរូបភាពផ្លូវការរបស់តារារូបនេះ ផេក ខេក មានអាយុ២៨ឆ្នាំ កម្ពស់១៧៨សង់ទីម៉ែត្រ ទម្ងន់១៣០គីឡូជាបេក្ខនារី ផ្លូវការតំណាងអោយខេត្តព្រះសីហនុ ក្នុងកម្មវិធីប្រកួត Miss Queen Cam bodia ២០២៥ ។
ក្រោយការបង្ហាញមុខសម្រាប់ការប្រកួតជាផ្លូវការនាពេលនេះ ផេន ខេក ក៏បានភ្ជាប់ជាមួយសំណេរខ្លីបង្ហោះលើបណ្តាញសង្គមថា បងអូនជួយគាំទ្រអូនផងដើម្បីសម្រេចក្តីស្រម៉ៃ ។
យ៉ាងណា សម្រាប់ការសម្រេចចិត្តចូលរួមការប្រកួតលើវិស័យបវរកញ្ញារបស់ ផេន ខេក នាពេលនេះ គេក៏បានឃើញទស្សនិកជន ជាពិសេសបណ្តាអ្នកគាំទ្ររូបនាងជាច្រើន បាននាំគ្នាចូលរួមសម្តែងការអបអរសាទរ និងគាំទ្ររូបនាងជាមួយនឹងការជូនពរឲ្យរូបនាងទទួលជោគជ័យ ។
ជាការកត់សម្គាល់ ការដាក់ពាក្យចូលរួមប្រកួតក្នុងកម្មវិធីបវរកញ្ញាពី ផេន ខេក នាពេលនេះ មិនមែនជាលើកទីមួយឡើយ ពោលកន្លងមកតារាភេទទី៣នេះក៏ធ្លាប់ ដាក់ពាក្យចូលរួមប្រឡងក្នុងកម្មវិធី Miss Universe Cambodia ២០២៤ ផងដែរ ។
យ៉ាងណា សម្រាប់ការប្រកួតកម្មវិធីខាងលើនេះ មិនបានធ្វើឲ្យ ផេនខេក ឈានជើងទៅមុខដោយរលូនឡើយ ដោយសារមានបញ្ហាមួយចំនួនបានកើតឡើង ធ្វើឱ្យនាងខកខានមិនបានបំពេញក្តីស្រមៃតាំងពីតូចនោះ។
ទោះបីជាយ៉ាងណាក៏ដោយ សម្រាប់ការដាក់ពាក្យចូលរួមប្រកួតកម្មវិធី Miss Queen Cambodia ២០២៥ ផេនខេក បានត្រៀមខ្លួនរួចជាស្រេចសម្រាប់ការប្រកួតដ៏ធំមួយនេះ ដើម្បីចាប់ឈោងក្តីស្រម៉ៃរបស់ខ្លួនជាយូរមកនេះ ។
គួរបញ្ជាក់ថា តារាសម្ដែងភេទទី៣ ផេនខេក ត្រូវបានមហាជនចាប់អារម្មណ៍ខ្លាំងលើការសម្ដែងបែបកំប្លែងមិនចាញ់តារាសម្ដែងល្បីៗដទៃទៀតឡើយ ហើយតារារូបនេះតែងតែបង្ហាញវត្តមានជាបន្តបន្ទាប់ស្ទើមិនដាច់សូរតាមកញ្ចក់ទូរទស្សន៍នានា ។
បើទោះបីជាធ្លាប់ជួបបញ្ហារឿងបំណុលនាពេលកន្លងមក និងការបរាជ័យរឿងស្នេហា ប៉ុន្តែ ផេន ខេក នៅតែមានភាពរឹងមាំជាមួយនឹងការព្យាយាមដោះស្រាយបញ្ហា រហូតធ្វើឲ្យនាងទទួលបានជោគជ័យលើវិថីសិល្បៈនាពេលបច្ចុប្បន្ននេះ ៕
ចែករំលែកព័តមាននេះ