រាជធានីភ្នំពេញ ៖ បច្ចុប្បន្ន កូនប្រុសតែមួយរយៈលោកសូឡូ ត្រូវបានគេមើលឃើញថា លោកនៅតែអាចរក្សាលំនឹងទីផ្សារសម្តែងសៀករបស់ខ្លួនឲ្យមាននិរន្តរភាពទៅមុខសម្រាប់ប្រាក់ចំណូល ខណៈពេលដែលអ្នកប្រកបអាជីពឯកជនផ្នែកសៀក ដូចជារូបលោកដែរនោះ ហាក់ស្ងប់ស្ងាត់ទីផ្សារសម្តែងស្ទើរទាំងស្រុង ។…
រាជធានីភ្នំពេញ ៖ បច្ចុប្បន្ន កូនប្រុសតែមួយរយៈលោកសូឡូ ត្រូវបានគេមើលឃើញថា លោកនៅតែអាចរក្សាលំនឹងទីផ្សារសម្តែងសៀករបស់ខ្លួនឲ្យមាននិរន្តរភាពទៅមុខសម្រាប់ប្រាក់ចំណូល ខណៈពេលដែលអ្នកប្រកបអាជីពឯកជនផ្នែកសៀក ដូចជារូបលោកដែរនោះ ហាក់ស្ងប់ស្ងាត់ទីផ្សារសម្តែងស្ទើរទាំងស្រុង ។
កូនប្រុសស្តេចសៀក លោកសូឡូ រូបនេះ តែងតែបង្ហាញពីសកម្មភាពសម្តែងសៀករបស់ខ្លួនជាបន្តបន្ទាប់នៅតាមទីកន្លែងនានា និងនៅតាមស្ថានីយទូរទស្សន៍ស្ទើរមិនដាច់សូរ ខុសពីអ្នកប្រកបអាជីពដូចជារូបលោកផ្សេងទៀតដែលហាក់នៅទ្រឹង ។ កូនប្រុសរបស់លោកសូឡូ គឺលោកសូវីត បានអះអាងប្រាប់កោះសន្តិភាពតាមសារអេឡិចត្រូនិចថា បច្ចុប្បន្ន ទីផ្សារសម្តែងរបស់លោកគឺមានច្រើនដែរ ព្រោះរដូវកាលនេះជារដូវការពេញសម្តែង ប៉ុន្តែសម្រាប់អ្នកប្រកបអាជីពសៀកដូចជារូបលោករៀងស្ងប់ស្ងាត់ ។
លោកបញ្ជាក់ថា សម្រាប់លោកអ្វីដែលលោកអាចនៅបន្តមានទីផ្សារសម្តែងនោះ គឺដោយសារលោកមានទីផ្សារ និងការទំនាក់ទំនង ហើយជាពិសេសនោះ លោកមានអ្វីដែលថ្មីសម្រាប់ទីផ្សារអតិថិជនដែលគេត្រូវការនោះ ជាហេតុផលធ្វើឲ្យលោកមិនសូវស្ងាត់ទីផ្សារសម្តែង ។
លោកបន្តថា លោកមានទីផ្សារដោយសារលោកមានអាជីវកម្មដែលជាបណ្តុំមួយដូចក្នុងសហគមន៍ ដូច្នេះ ម្ចាស់អាជីវកម្មទាំងអស់ដែលមានទំនាក់ទំនងជាមួយលោក គឺត្រូវតែជួយលោកដោយខុសពីអ្នកប្រកបអាជីពសៀក ដូចជារូបលោកអាចមានផលលំបាក ដោយសារគាត់មិនមានទំនាក់ទំនងច្រើន ហេតុនេះ ពួកគាត់រៀងស្ងប់ស្ងាត់លើទីផ្សារសម្តែងនេះ ។
យ៉ាងណា បើតាមលោកសូវីត បើទោះបីជាទីផ្សារសម្តែងរបស់លោកអាចលើសគេបន្តិចទៅនឹងអ្នកដែលមានអាជីពដូចលោកនេះក៏ដោយ ប៉ុន្តែលោកក៏នៅតែចង់ឲ្យភាគីពាក់ព័ន្ធសូមជួយជម្រុញវិស័យសៀកនេះឲ្យដើរទៅមុខដូចសិល្បះមួចំនួនទៀតផងដែរ ។
លោកបញ្ជាក់ថា មុខវិជ្ជាសៀកនេះជាមុខវិជ្ជាមួយដ៏កម្រ និងពិបាកហាត់រៀនខ្លាំងណាស់ ដោយយើងត្រូវការចំណាយទាំងកម្លាំងចិត្ត កម្លាំងកាយ ថវិកា និងការប្រើប្រាស់ពេលវេលាយូរឆ្នាំទើបណាស់អាចហាត់រៀនចេះ ក្នុងពេលដែលរូបលោកផ្ទាល់លោកបានចំណាយពេលជិត២០ឆ្នាំហើយនៅក្នុងវិស័យសៀកមួយនេះជាមួយឪពុករបស់លោកគឺលោកសូឡូ ។
លោកថា ក្មេងៗជំនាន់ក្រោយនេះ ពួកគាត់ហាក់មិនសូវចាប់អាជីពសៀកនេះបានយូរឡើយ ដោយសិល្បៈនេះ មិនសូវជាមានគេចាប់អារម្មណ៍ច្រើន ទើបមិនសូវមានតម្រូវការ ហើយការហាត់រៀនមានរយៈពេលយូរ ប៉ុន្តែការសម្តែងមានរយៈពេលខ្លី និងមិនមានអ្វីថ្មី ។
យ៉ាងណា បើតាមលោកសូវីត តាមបទពិសោធន៍ និងជាយោបល់ផ្ទាល់ខ្លួន សម្រាប់ការធ្វើទីផ្សារដល់អ្នកសិល្បៈសៀកនៅក្នុងផ្នែករដ្ឋនោះ គឺអាចមិនពិបាកឡើយ ពោលយើងអាចទៅទំនាក់ទំនាក់ជាមួយស្ថាប័នពាក់ព័ន្ធនានា ផ្សារទំនើប និងបណ្តាក្រុមហ៊ុនធំៗ ដើម្បីបង្កើតឲ្យមានជាកម្មវិធី ឬព្រឹត្តការណ៍ (Event)សម្រាប់សម្តែងសៀកនេះ ។
លោកថា អ្នកហាត់សៀកនៅស្រុកខ្មែរយើង គឺមានអ្នកល្អៗច្រើនណាស់ ដោយយើងបានទៅហាត់រៀនទៅដល់ប្រទេសចិន និងវៀតណាម ហើយជាពិសេស យើងក៏មានរោងសៀកស្រាប់ ចុះហេតុអ្វីបានជាមិនមានអ្នកវិនិយោគលើខាងនឹង ។ លោកបញ្ជាក់ថា កន្លងមក ពេលដែលយើងបានកែប្រែរោងសៀកដាក់សង្វៀនប្រដាល់ គឺមានអ្នកចូលទស្សនាច្រើន តែពេលដាក់សៀកសម្តែង បែរជាមិនសូវមានមនុស្សចូលមើលទៅវិញ ហើយដែលអ្វីលោកកត់សម្កាល់នោះ ពាក់ព័ន្ធផ្នែកទេសចរណ៍វិញ សម្រាប់ភ្ញៀវទេសចរចូលស្រុកគេ គឺគេតែងតែនាំទេសចរចូលមើលការសម្តែងសៀកនេះពេញៗតែម្តង ។
លោក សូវីត បានលើកឡើងបន្ថែមថា ជាការពិត ការធ្វើទីផ្សារចំពោះសៀកផ្នែករដ្ឋនេះគឺមិនពិបាកទេ ព្រោះយើងមានបណ្តាញនិងទំនាក់ទំនងច្រើន ប៉ុន្តែសម្រាប់សៀកឯកជនវិញ គឺអាចនឹងពិបាកបន្តិច ដោយសារយើងមានតែម្នាក់ឯង ឯការមិនមានអ្នកជួយជ្រៀមជ្រែង ។ ប៉ុន្តែជាពិសោធន៍សម្រាប់រូបលោកផ្ទាល់ សម្រាប់អ្នកអាជីពសៀកឯកជន គឺយើងគួរតែស្វះស្វែងរកទីផ្សារដោយខ្លួនឯង ដោយកុំចាំតែគេមករក ហើយជាពិសេសនោះ ត្រូវបង្កើនសមត្ថភាពរបស់ខ្លួន និងមានការផ្គត់ផ្គង់តាមតម្រូវការទីផ្សារដែលគេចង់បាន ។
យ៉ាងណា បើតាមលោកសូវីត បើពិនិត្យតាមភាពបច្ចុប្បន្នបើទៅថ្ងៃមុខបើស្ថានភាពនៅតែអញ្ចឹងលោកជឿថា ទីផ្សារសៀកអាចនឹងដួល ដោយសារអ្នករៀនលើផ្នែកនេះមិនដឹងយកទៅសម្តែងនៅណា និងរកចំណូលបានពីណា គឺមានតែរៀនហើយយកទុកចោលដដែល ខណៈពេលដែលលោកជឿថា ទីផ្សារសម្តែងសៀកនៅស្រុកខ្មែរគឺហាក់មិនចង្អៀតឡើយ ៕
ចែករំលែកព័តមាននេះ