ខេត្តស្ទឹងត្រែង ៖ ស្រ្តីម្នាក់បានដេកបែកពពុះមាត់ស្លា.ប់ក្រោមផ្ទះចាំចម្ការរបស់ខ្លួនដោយសារផឹកថ្នាំបំពុលកណ្តៀរបន្ទាប់ពីប្តីស្តីបន្ទោសហាមមិនឱ្យហូបម្ទេស ព្រោះគ្រូពេទ្យឱ្យតមដោយសារតែនាងធ្លាប់រលូតកូន ហើយពេលនេះ កំពុងមានផ្ទៃពោះកូនមួយទៀត។ ហេតុការណ៍នេះបានកើតឡើងកាលពីវេលាម៉ោង៧និង៣០នាទី
ខេត្តស្ទឹងត្រែង ៖ ស្រ្តីម្នាក់បានដេកបែកពពុះមាត់ស្លាប់ក្រោមផ្ទះចាំចម្ការរបស់ខ្លួនដោយសារផឹកថ្នាំបំពុលកណ្តៀរបន្ទាប់ពីប្តីស្តីបន្ទោសហាមមិនឱ្យហូបម្ទេស ព្រោះគ្រូពេទ្យឱ្យតមដោយសារតែនាងធ្លាប់រលូតកូន ហើយពេលនេះ កំពុងមានផ្ទៃពោះកូនមួយទៀត។ ហេតុការណ៍នេះបានកើតឡើងកាលពីវេលាម៉ោង៧និង៣០នាទីព្រឹកថ្ងៃទី២១ មិថុនា ស្ថិតនៅភូមិអូរឫស្សីកណ្តាល ឃុំអូរឫស្សីកណ្តាល ផ្លូវចូលទៅស្រុកសៀមបូក ខេត្តស្ទឹងត្រែង ជាប់ព្រំប្រទល់ខេត្តក្រចេះ។
បុរសជាប្តីឈ្មោះធូ ផាន់ដូល្លា អាយុ២០ឆ្នាំរស់នៅសង្កាត់ស្ទឹងត្រែងបានរៀបរាប់ទាំងក្តុកក្តួលរំជួលចិត្តថា ប្រពន្ធរបស់ខ្លួនឈ្មោះអ៊ុន ម៉ានី អាយុ១៦ឆ្នាំ រស់នៅក្នុងភូមិអូរច្រឡង់ ឃុំអូរឫស្សីកណ្តាល ស្រុកសៀមបូក។ ពួកខ្លួនយកគ្នាជាប្តីប្រពន្ធនេះមិនបានរៀបការនោះទេ គឺស្រឡាញ់ដោយចិត្តនិងចិត្ត ហើយបានរស់នៅជាមួយគ្នារយៈេពលជិតមួយឆ្នាំ ហើយដោយឪពុកម្តាយដឹងឮទាំងសងខាង។
មន្រ្តីនគរបាលប៉ុស្តិ៍ឃុំអូរឫស្សីកណ្តាលបាននិយាយថា ការរួមរស់ជាមួយគ្នានេះ ប្រពន្ធមានកូនមួយក្នុងផ្ទៃ តែជាអកុសលក៏រលូតបាត់ទៅដោយសារតែការហូបម្ទេសច្រើនពេកបណ្តាលឱ្យប៉ះពាល់ដល់ទារកក្នុងផ្ទៃ ទើបមានការណែនាំពីគ្រូពេទ្យមិនឱ្យហូបម្ទេសទៀត។ រហូតមកទល់ពេលនេះ ស្រ្តីជាប្រពន្ធមានផ្ទៃពោះជាលើកទីពីរទើបបានជាងពីរខែ តែនាងជាប្រពន្ធតែងចចេសរឹងរូសចង់ឈ្នះជានិច្ចរាល់ពេលប្តីហាមមិនឱ្យហូបម្ទេសនាងនៅតែហូប។ នៅព្រឹកថ្ងៃទី២១ មិថុនា បុរសជាប្តីបានដាំបាយហូបតែដោយម្ហូបមិនទាន់ឆ្អិននាងប្រពន្ធបានយកផ្អកមកហូបជាមួយម្ទេសក៏ទទួលការស្តីបន្ទោសពីប្តី ពេលនោះនាងបានផ្គើននឹងប្តីទៀតដោយយកម្ទេស១កូនចានមកហូបនៅនឹងមុខប្តីទៀត ។ ពេលប្តីឃើញប្រពន្ធធ្វើផ្គើនបែបនេះ ប្តីក៏បាននិយាយថា បើឃ្លានខ្លាំងពេកពេទ្យហាមមិន ស្តាប់ហូបឱ្យងាប់ទៅ។ ស្តីឱ្យប្រពន្ធរួចបុរសប្តីចូលក្នុងផ្ទះបាយធ្វើម្ហូប ចំណែកនាងជាប្រពន្ធបានចុះពីលើផ្ទះមកក្រោមបាត់។ មួយស្របក់ក្រោយមក ពេលប្តីចម្អិនម្ហូបរួចក៏ហៅប្រពន្ធមកហូបបាយតែមិនឮប្រពន្ធឆ្លើយតបក៏ចុះទៅក្រោមផ្ទះរកមើលស្រាប់តែឃើញប្រពន្ធបែកពពុះមាត់ដេកស្តូកស្តឹងលើដីដោយសារផឹកថ្នាំកណ្តៀរព្រោះក្បែរខ្លួនឃើញថ្នាំ កណ្តៀរ១ដប។
ក្រោយពីឃើញប្រពន្ធពុលថ្នាំបែកពពុះមាត់ហើយបែបនេះ បុរសជាប្តីបានដឹកប្រពន្ធមកផ្ទះម្តាយក្មេកដើម្បីជួយសង្គ្រោះ តែជាអកុសលនាងបានស្លាប់បាត់ទៅហើយ។ មន្រ្តីនគរបាលប៉ុស្តិ៍រដ្ឋបាលឃុំអូរឫស្សីកណ្តាលបានបញ្ជាក់ថា ស្រ្តីរងគ្រោះពិតជាស្លាប់ដោយសារផឹកថ្នាំបំពុលកណ្តៀរប្រាកដមែន មិនមានអ្វីគួរឱ្យសង្ស័យទាក់ទងនឹងអំពើឃាតកម្មនោះឡើយ៕
ចែករំលែកព័តមាននេះ