រាជធានីភ្នំពេញ ៖ ក្នុងឆាកជីវិតរបស់មនុស្សលោកតែងតែជួបរឿងល្អ ឬសប្បាយ ឬទុក្ខសោក និងរឿងខ្លះដែលនឹកស្មានមិនដល់រហូតធ្វើឱ្យយើងចងចាំក្នុងជីវិតរបស់យើង ។ តួយ៉ាង តារាសម្តែងស្រី ដែលមានរូបសម្រស់ស្រស់សោភា…
រាជធានីភ្នំពេញ ៖ ក្នុងឆាកជីវិតរបស់មនុស្សលោកតែងតែជួបរឿងល្អ ឬសប្បាយ ឬទុក្ខសោក និងរឿងខ្លះដែលនឹកស្មានមិនដល់រហូតធ្វើឱ្យយើងចងចាំក្នុងជីវិតរបស់យើង ។
តួយ៉ាង តារាសម្តែងស្រី ដែលមានរូបសម្រស់ស្រស់សោភា និងមានរហ័សនាមថា «រាជនីក្រមា» ថ្មីៗនេះក៏ជួបរឿងមួយរហូតកញ្ញាទម្លាយអារម្មណ៍ថា នាងភ័យឡើងញ័រជើងកណ្តាលទន្លេ ។ តើស្រីស្អាតរូបនេះ មានរឿងអ្វី និងជួបរឿងអ្វីខ្លះដែរ?
ប្រាកដណាស់ ពិតជាប្លែកទាក់ទាញចិត្តមហាជនណាស់ តារាសម្តែងស្រី មាន សូនីតា ជួយផ្សព្វផ្សាយទូកងខ្មែរអមជាមួយសម្លៀកបំពាក់យ៉ាងស្រស់សោភា តែអ្វីនឹកស្មានមិនដល់នោះកញ្ញាបង្ហាញអារម្មណ៍ញាប់ញ័រថា « នេះជាលើកទី១ហើយ ដែលកញ្ញាញ័រជើងបែបនេះ»។
ជាការពិត កញ្ញា មាន សូនីតា តែងតែជួយផ្សព្វប្រពៃណីវប្បធម៌ខ្មែរ ដូចជា កាលពីកន្លងទៅ កញ្ញាចំណាយពេលជួយផ្សព្វផ្សាយពីទេសចរនៅតាមតំបន់មួយចំនួនអោយបរទេសបានស្គាល់ ពោលតាមរយៈការផ្សព្វផ្សាយកាលពីកន្លងទៅកញ្ញាបង្ហើបចំណាយថវិកាអស់ច្រើនគួរសម្យ ។ កាលពីពេលថ្មីៗនេះ មាន សូនីតា បានលើកឡើងក្នុងការបណ្តាញសង្គមជាមួយរូបភាពប៉ុន្មានសន្លឹកភ្ជាប់ទូកងខ្មែរថា « ញ័រជើង ហើយក៏ជាប្លង់មួយដែលពិបាកថតជាងគេ តែយ៉ាងណា យើងក៏បានជោគជ័យក្នុងសម្តែងធ្វើជាមិនភ័យបានសម្រេច» ។
តាមរយៈបទសម្ភាសន៍ជាមួយនៃសារព័ត៌មានកោះសន្តិភាព កញ្ញា មាន សូនីតា បានបង្ហើបថា មូលហេតុអ្វីកញ្ញាញ័រជើងខ្លាំងនោះ គឺតាមរយៈឈុតមួយនេះ កញ្ញាថតកណ្តាលទន្លេ ពោលមើលទៅខាងណាក៏ទឹក ពោល គឺសាគរដ៏ធំល្វឹងល្វើយ ខណៈពេលដែលកៀកដល់ថ្ងៃរៀបចំពិធីបុណ្យអ៊ំទូក អកអំបុក និងសំពះព្រះខែ ជិតចូលមកដល់នាថ្ងៃទី១៤ ដល់ថ្ងៃទី១៦ ខែវិច្ឆិកានេះ ដូច្នេះរាជនីក្រមា បង្ហាញការចូលរួមផ្សព្វផ្សាយពីពិធីបុណ្យជាតិប្រណាំងទូកងខ្មែរ ។
ចំពោះការថតបង្ហាញពីទូកងខ្មែរនេះ កញ្ញាថា វាមិនងាយស្រួលនោះទេ ដោយថ្ងៃនោះមេឃក៏មិនសូវអំណាយផល ចំណាយថវិកាផ្ទាល់ខ្លួន និងដឹកនាំដោយខ្លួនឯងទៀតនោះ ។ កញ្ញា មាន សូនីតា ថា ការថតពីទូកងនេះ គឺចង់ភ្ញៀវបរទេសបានឃើញនោះសិល្បៈវប្បធម៌ខ្មែរ ជាពិសេស គឺកញ្ញាចង់ឃើញភ្ញៀវបរទេសចូលរួមអោយបានច្រើនកុះករ ក្នុងឪកាសពិធីបុណ្យអ៊ុំទូកដែលនឹងប្រព្រឹត្តិ ទៅនៅថ្ងៃទី១៤ ១៥ និង១៦ វិច្ឆិកា ២០២៤ ។
កញ្ញា មាន សូនីតា បង្ហោះថា កាលពីកន្លងទៅកញ្ញាថតចំនួន៤ទីតាំង ដែលពិតជាលំបាកខ្លាំងចំពោះរូបកញ្ញាក្នុងនោះមានដូចជា នៅខេត្តព្រៃវែង នៅខាងកោះដាច់ និងទីតាំងមួយចំនួនទៀត ។ ក្នុងការថតកញ្ញាថា ជួបឧបសគ្គច្រើន ទោះកញ្ញាចេះហែលទឹកក៏ពិតមែន តែក៏ពិបាកដែរ ព្រោះបើតាមគ្រូបង្ហឹករបស់កញ្ញាបានបង្ហើបប្រាប់នោះ គឺមានខ្យល់ខ្លាំង ដូច្នេះទោះហែលទឹកក៏ពិបាកនោះ ពោលការថតមួយចំណាយច្រើនក្នុងការថត តែកញ្ញាមិនបោះបង់ចោលនោះឡើយ ។
ស្រីស្រស់មាន សូនីតា ដែលមានសម្រង់វង្សភ័ក្ត្រពេញដោយមន្តស្នេហ៍ បានថ្លែងបន្តថា បើងាកមកទូកងនេះ គឺជាឧបសគ្គមួយទៀត ខណៈពេលទូកនេះវាតូចមែនទែន តូចជាងទូកធម្មតា ពោលហាត់សមតែបន្តិចប៉ុណ្ណោះ តែកញ្ញាអាចធ្វើវាទៅបាន ដោយនេះជាលើកទី១ធ្វើអោយកញ្ញាជ័រជើងលើកកណ្តាលទន្លេ ។
ជាចុងក្រោយ កញ្ញាមាន សូនីតា មិនមានអ្វីច្រើនទេ ចំពោះការថតនេះ ពោលកញ្ញាគ្រាន់តែចង់ផ្សព្វផ្សាយពិធីបុណ្យអ៊ុំទូក ដើម្បីអោយភ្ញៀវទេសចរបរទេសមានការចាប់អារម្មណ៍ និងចូលរួមទស្សនាអោយបានច្រើនកោះករក្នុងរយៈពេល ៣ថ្ងៃនេះ ៕ ដោយ៖លីហួ គីមឆាយ
ចែករំលែកព័តមាននេះ