សោកស្តាយផលិតករលោក កៅ សីហា បានទទួលមរណភាពហើយ
- ភ្នំពេញ
រាជធានីភ្នំពេញ ៖ សោកស្តាយ ផលិតករលោក កៅ សីហា បានទទួលមរណភាព ហើយដោយសារដា.ច់សរសៃឈាមខួរក្បាល លោកបានទទួលមរណភាពនាយប់ថ្ងៃទី២០ ខែតុលា…
រាជធានីភ្នំពេញ ៖ សោកស្តាយ ផលិតករលោក កៅ សីហា បានទទួលមរណភាព ហើយដោយសារដា.ច់សរសៃឈាមខួរក្បាល លោកបានទទួលមរណភាពនាយប់ថ្ងៃទី២០ ខែតុលា ឆ្នាំ២០២៤នេះ ។
មុនទទួលមរណភាពនាពេលនេះ ផលិតករប្រចាំផលិតកម្មហង្សមាស លោក កៅ សីហា ត្រូវបានក្រុមគ្រួសារបញ្ជូនយកទៅសង្គ្រោះបន្ទាន់ភ្លាមៗនៅមន្ទីរពេទ្យរុស្សី ។ ដោយសារស្ថានភាពមានសភាពធ្ងន់ធ្ងរពេកទើបក្រុមគ្រួសារសម្រេចយកលោកចេញទៅព្យាបាលនៅប្រទេសវៀតណាម ។
យ៉ាងណា ស្ថានភាពរបស់លោកធ្ងន់ធ្ងរ មិនអាចអោយក្រុមគ្រូពេទ្យសង្គ្រោះជីវិតលោកបាននោះឡើយ ដោយលោកបានទទួលមរណភាពយ៉ាងគួរអោយសោកស្តាយ ។
ជាការកត់សម្គាល់ដំណឹងមរណភាពរបស់លោក កៅ សីហា នាពេលនេះ គេឃើញមានអ្នកសិល្បៈជាច្រើនបានបង្ហោះសារតាមបណ្តាញសង្គមដោយម្នាក់ៗសម្តែងក្តីរន្ធត់ស្ទើរទទួលយកមិនបាន ។
គួរបញ្ជាក់ថា លោក កៅ សីហា គឺជាផលិតដ៏មានស្នាដៃមួយរូប នៅក្នុងផលិតកម្មហង្សមាស ខណៈពេលដែលលោកក៏ធ្លាប់ជាអ្នកសារព័ត៌មានម្នាក់ផងដែរ ។ ស្នាដៃរបស់លោកជាច្រើនបានបន្សល់ទុកតាមរយៈការដឹកនាំសម្តែង MV និងការថតTVC ហើយនៅក្នុងនោះលោកក៏មានស្នាដៃនៅក្នុងការដឹកនាំរឿងភាគចាក់បញ្ចាំងលើកញ្ចក់ទូរទស្សន៍ផងដែរ ៕
ចែករំលែកព័តមាននេះ