ខេត្តសៀមរាប ៖ អាជីវករលក់ដូរនៅតំបន់ផ្សារចាស់ ដូចជាវត្ថុអអនុស្សាវរីយ៍ សម្លៀកបំពាក់ និង គ្រឿងអលង្ការគ្រប់ប្រភេទ នាំគ្នាត្អូញត្អែរគ្មានអ្នកទិញ ខណៈភ្ញៀវទេសចរធ្លាក់ចុះ បានត្រឹមតែដើរ…
ខេត្តសៀមរាប ៖ អាជីវករលក់ដូរនៅតំបន់ផ្សារចាស់ ដូចជាវត្ថុអអនុស្សាវរីយ៍ សម្លៀកបំពាក់ និង គ្រឿងអលង្ការគ្រប់ប្រភេទ នាំគ្នាត្អូញត្អែរគ្មានអ្នកទិញ ខណៈភ្ញៀវទេសចរធ្លាក់ចុះ បានត្រឹមតែដើរ មើលប៉ុណ្ណោះ។
បើតាមស្ត្រីម្នាក់លក់វត្ថុអនុស្សាវរីយ៍សុំមិនបញ្ចេញឈ្មោះ រស់នៅក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប បានរៀបរាប់ប្រាប់ភ្នាក់ងារកោះសន្តិភាព កាលពីល្ងាចថ្ងៃទី២៨ ខែកញ្ញា ឆ្នាំ២០២៤ ថា សព្វថ្ងៃអ្នកស្រីចេញពីផ្ទះមករៀបចំឥវ៉ាន់លក់ដូរនៅចន្លោះម៉ោង៧ ទៅម៉ោង៨យប់ រហូតដល់ម៉ោង១១យប់ ជួនកាលលក់បានត្រឹម តែ១០ដុល្លារក្នុងមួយថ្ងៃ ជួនកាលក្នុងមួយថ្ងៃ មិនបាន១ ដុល្លារក៏គ្មាន ។
អ្នកស្រីបន្តថា ការលក់ធ្លាក់ចុះនេះ តាំងពីខែ៤ រហូតដល់ខែ៩ឆ្នាំ២០២៤ ណាមួយភ្លៀងធ្លាក់ខ្លាំងផង ទើបលក់មិនសូវដាច់ ។ ចំណែកប្អូនប្រុសឈ្មោះ វិចិត្រ លក់គ្រឿងអលង្ការ មានទីលំនៅក្នុងភូមិស្លក្រាម សង្កាត់ស្លក្រាម ក្រុងសៀមរាប បានរៀបរាប់ ប្រហាក់ប្រហែល និងអ្នកស្រី ខាងលើ ដែរ សព្វថ្ងៃមានភ្ញៀវទេសចរជាតិ និងអន្តរជាតិដើរមកលេងក្នុងតំបន់ផ្សារចាស់ និងផាប់ស្ទ្រីត គ្រាន់តែនាំគ្នាចូលមើលសំលឹងឥវ៉ាន់ទាំងអស់នោះ ប៉ុន្តែមិនទិញ។
រីឯប្អូនស្រីអ្នកលក់សម្លៀកបំពាក់បានរៀបរាប់ ប្រាប់ភ្នាក់ងារកោះសន្តិភាពយើងថា បច្ចុប្បន្ន ការលក់ដូរនៅតំបន់ផ្សារចាស់ អ្នកលក់ទាំងអស់លក់បានខ្លះៗមួយចំនួន ប៉ុន្តែភាគច្រើន គឺមិនដាច់ ស្ទើរគ្រប់តូបតាំងពីខែមីនា ឆ្នាំ២០២៤ រហូតមកដល់ដើម ខែកញ្ញា ឆ្នាំ២០២៤ មកម្ល៉េះ ខ្លះអំពាវនាវ លក់ដីធ្លី ក៏មិនដាច់ ខ្លះជួលតូបគេលក់។
ចំណែកប្អូនប្រុសហៅ ពូ ម៉ៅ លក់ វត្ថុអនុស្សាវរីយ៍ ផ្នែក រូបភាព ដែលជាជាងគំនូរ និងចម្លាក់ ដោយ ខ្លួនឯងនោះ មានទីលំនៅ ក្នុងភូមិលាងដៃ ឃុំលាងដៃ ស្រុកអង្គរធំ ខេត្តសៀមរាប បានរៀបរាប់ប្រាប់ថា កាលពីមុនរូបខ្ញុំ លក់ រូបភាព ដែលខ្ញុំ គូរ និងចម្លាក់ ដោយខ្លួនឯងនេះ បាន ក្នុងមួយថ្ងៃមិនក្រោមពី២០ផ្ទាំង ទៅ៥០ផ្ទាំងទេ ។ ចាប់ផ្ដើម តាំងពី ខែ៤ រហូតដល់ខែ៩ ឆ្នាំ២០២៤ នេះមក ជួនបាន ជួនអត់ ។
ហើយ ក្នុងរូបភាពប្រាសាទអង្គរវត្ត លក់ឱ្យភ្ញៀវខ្មែរក្នុងមួយផ្ទាំងធំ តម្លៃ៨០ដុល្លារ ។ ចំណែកក្នុង រូបភាព ប្រាសាទ អង្គរវត្ត លក់ឱ្យ ភ្ញៀវបរទេស ក្នុង មួយផ្ទាំងធំ តម្លៃ១០០ដុល្លារ ។ ក្នុងការលក់នេះ មានលក់ ចាប់ពី១ដុល្លារ រហូតដល់១០០ដុល្លារ គ្រប់រូបភាពទាំងអស់ ។
ចែករំលែកព័តមាននេះ