ប្រទេសបារាំង ៖ ព្រឹត្តិការណ៍កីឡាប៉ារ៉ាឡាំពិករដូវក្តៅទីក្រុងប៉ារីស ប្រទេសបារាំង ឆ្នាំ ២០២៤ បានបិទបញ្ចប់ជាស្ថានពរ កាលពីយប់ថ្ងៃទី៨ ខែកញ្ញា ឆ្នាំ២០២៤…
ប្រទេសបារាំង ៖ ព្រឹត្តិការណ៍កីឡាប៉ារ៉ាឡាំពិករដូវក្តៅទីក្រុងប៉ារីស ប្រទេសបារាំង ឆ្នាំ ២០២៤ បានបិទបញ្ចប់ជាស្ថានពរ កាលពីយប់ថ្ងៃទី៨ ខែកញ្ញា ឆ្នាំ២០២៤ កន្លងទៅ។ បន្ទាប់ពីដំណើរការអស់រយៈពេល១២ថ្ងៃ ចាប់តាំងពីថ្ងៃទី២៨ ខែសីហា ឆ្នាំ២០២៤។ ដោយនៅក្នុងនោះ ចិន ក្លាយជាប្រទេសឈ្នះមេដាយច្រើនជាងគេបំផុតប្រចាំឆ្នាំនេះ និងជាលើកទី៦ជាប់ៗគ្នា។
អត្តពលិកចិនបញ្ចប់ភារកិច្ចរបស់ខ្លួន ដោយដណ្តើមមេដាយជូនជាតិសរុបចំនួន ២២០គ្រឿង មាស ៩៤គ្រឿង ប្រាក់ ៧៦គ្រឿង នឹងសំរឹទ្ធ ៥០គ្រឿង។ តាមពីក្រោយដោយចក្រភពអង់គ្លេសឈ្នះសរុប ១២៤គ្រឿង មាស ៤៩គ្រឿង ប្រាក់ ៤៤គ្រឿង និងសំរឹទ្ធ ៤១គ្រឿង។ សហរដ្ឋអាមេរិកឈ្នះសរុប ១០៥គ្រឿង មាស ៣៦គ្រឿង ប្រាក់ ៤២គ្រឿង និងសំរឹទ្ធ ២៧គ្រឿង។ ហូឡង់ឈ្នះសរុប ៥៦គ្រឿង មាស ២៧គ្រឿង ប្រាក់ ១៧គ្រឿង និងសំរឹទ្ធ ១២គ្រឿង ខណៈដែលប្រេស៊ីលឈ្នះសរុប ៨៩គ្រឿង មាស ២៥គ្រឿង ប្រាក់ ២៦គ្រឿង និងសំរឹទ្ធ ៣៨គ្រឿង។ ប្រទេសដែលស្ថិតក្រៅតំណែងកំពូលទាំង ៥ រួមមាន អ៊ីតាលី អ៊ុយក្រែន ម្ចាស់ផ្ទះបារាំង អូស្ត្រាលី និងជប៉ុន។
ដោយឡែក ប្រទេសអាស៊ីអាគ្នេយ៍រួមមាន ៖ ប្រទេសថៃ ឈ្នះសរុប ៣០គ្រឿង មាស ៦គ្រឿង ប្រាក់ ១១គ្រឿង និងសំរឹទ្ធ ១៣គ្រឿង។ ម៉ាឡេស៊ីឈ្នះសរុប ៥គ្រឿង មាស ២គ្រឿង ប្រាក់ ២គ្រឿង និងសំរឹទ្ធ ១គ្រឿង។ សិង្ហបុរីឈ្នះសរុប ៣គ្រឿង មាស ២គ្រឿង និងប្រាក់ ១គ្រឿង។ ឥណ្ឌូណេស៊ីឈ្នះសរុប ១៤គ្រឿង មាស ១គ្រឿង ប្រាក់ ៨គ្រឿង និងសំរឹទ្ធ ៥គ្រឿង និងវៀតណាមឈ្នះ១គ្រឿង ដែលជាមេដាយសំរឹទ្ធ។
គួរបញ្ជាក់ឱ្យដឹងថា គិតត្រឹមសមិទ្ធផលដ៏អស្ចារ្យ នៅព្រឹត្តិការណ៍កីឡាប៉ារ៉ាឡាំពិករដូវក្តៅឆ្នាំនេះ ប្រទេសចិនបានបន្តកាន់កាន់តំណែងកំពូលតារាងមេដាយសរុបព្រឹត្តិការណ៍កីឡាប៉ារ៉ាឡាំពិករដូវក្តៅជាលើកទី ៦ ជាប់ៗគ្នា ៖
-លើកទី១ នៅទីក្រុងអាតែន ប្រទេសក្រិក ឆ្នាំ ២០០៤ ចិនឈ្នះសរុប ១៤១គ្រឿង មាស ៦៣គ្រឿង ប្រាក់ ៤៦គ្រឿង និងសំរឹទ្ធ ៣២គ្រឿង
-លើកទី២ នៅទីក្រុងប៉េកាំង ឆ្នាំ ២០០៨ ម្ចាស់ផ្ទះចិនឈ្នះសរុប ២១១គ្រឿង មាស ៨៩គ្រឿង ប្រាក់ ៧០គ្រឿង និងសំរឹទ្ធ ៥២គ្រឿង
-លើកទី៣ នៅទីក្រុងឡូងដ៍ ចក្រភពអង់គ្លេស ឆ្នាំ ២០១២ ចិនឈ្នះសរុប ២៣១គ្រឿង មាស ៩៥គ្រឿង ប្រាក់ ៧១គ្រឿង និងសំរឹទ្ធ ៦៥គ្រឿង
-លើកទី៤ នៅទីក្រុងរីយ៉ូ ប្រទេសប្រេស៊ីល ឆ្នាំ ២០១៦ ចិនឈ្នះសរុប ២៣៩គ្រឿង មាស ១០៧គ្រឿង ប្រាក់ ៨១គ្រឿង និងសំរឹទ្ធ ៥១គ្រឿង
-លើកទី៥ នៅទីក្រុងតូក្យូ ប្រទេសជប៉ុន ឆ្នាំ ២០២០ ចិនឈ្នះសរុប ២០៧គ្រឿង មាស ៩៦គ្រឿង ប្រាក់ ៦០គ្រឿង និងសំរឹទ្ធ ៥១គ្រឿង៕
ចែករំលែកព័តមាននេះ