(កម្សាន្ត)៖ ដើម្បីការថត ក្នុងវិស័យសម្តែងនេះ តារារូបគ្រប់រូបក្រៅពីមានចរិតលក្ខណៈ រូបរាងឱ្យស្រដៀងទៅនឹងតួអង្គរបស់ពួកគេ។ តួអង្គមួយចំនួនក៏តម្រូវឱ្យមានការផ្លាស់ប្តូររាងកាយផងដែរ ដូចជាការកាត់សក់ថ្មី ការតុបតែងខ្លួន និងការឡើងទម្ងន់ ឬការសម្រកទម្ងន់ជាដើម។ តារាស្រីទាំងនោះ តម្រូវឱ្យសម្រកទម្ងន់សម្រាប់តួអង្គរបស់ពួកគេ ហើយវាមិនមានភាពងាយស្រួលនោះទេ។

១. តារាសម្ដែង Kim Ji Won

តារាសម្ដែង Kim Ji Won បានសម្រកគីឡូ ដើម្បីសម្តែងក្នុងរឿង “Queen Of Tears”។ Kim Ji Won បានសម្តែងជាមួយ Kim Soo Hyun ក្នុងនាមជាអ្នកស្នងមរតកដ៏មានឥទ្ធិពល។

ក្នុងអំឡុងពេលបង្ហាញមុខក្នុងកម្មវិធី YouTube Salon Drip តារាសម្ដែង Kim Ji Won ត្រូវបានសួរអំពីរបបអាហាររបស់នាង។ ពិធីករធ្លាប់បានលឺថា តារាស្រីរូបនេះបានកាត់បន្ថយអាហារដើម្បីសុខភាពរបស់នាង។ Kim Ji Won បានពន្យល់ថា របបអាហារគឺសម្រាប់ថែទាំសុខភាពរបស់នាង ប៉ុន្តែក៏ដោយសារតែចរិតលក្ខណៈតួអង្គនៅក្នុងសាច់រឿងរបស់នាងត្រូវការស្លៀកពាក់ស្ទាយជាច្រើន។

នាងបានចៀសវាងអាហារខ្លះៗក្នុងអំឡុងពេលថត និងមិនញ៉ាំអាហារចិនអស់រយៈពេលពេញមួយឆ្នាំ។ នៅពេលដែលការថតរឿង និងការបញ្ជាំងបានបញ្ចប់ តារាសម្ដែង Kim Ji Won គ្រោងនឹងមិនតឹងរ៉ឹងចំពោះរបបអាហាររបស់នាងទៀតទេ។

២. តារាសម្ដែង Park Min Young

តារាសម្ដែង Park Min Young បានធ្វើឱ្យទស្សនិកជនមានការភ្ញាក់ផ្អើលជាមួយនឹងការសម្រកទម្ងន់យ៉ាងខ្លាំងរបស់នាងដើម្បីសម្ដែងរឿង “Marry My Husband” ត្រង់ឈុតដែលនាងត្រូវដើរតួជាអ្នកជម្ងឺមហារីក ហើយនាងទទួលបានឱកាសទីពីរក្នុងជីវិត។ ដោយនាងបានត្រឡប់ទៅកាន់កាលពី ១០ឆ្នាំមុន នាងបានសម្រេចចិត្តឆ្លៀតយកប្រយោជន៍នេះ ដោយសងសឹកប្តីរបស់នាង និងមិត្តភក្ដិរបស់នាងដែលលួចចាក់ពីក្រោយខ្នង។ តារាសម្ដែង Park Min Young ត្រូវបានសម្រក់ទម្ងន់ចុះមកត្រឹម ៣៧ គីឡូក្រាម សម្រាប់តួអង្គរបស់ខ្លួន។

៣.  តារាសម្ដែង Roh Jeong Eui

តារាសម្ដែង Roh Jeong Eui ដែលបានបង្ហាញខ្លួនក្នុងរឿង “18 Again”…… និង “Our Beloved Summer” ឥឡូវនេះកំពុងទទួលបានប្រជាប្រិយភាពតាមរយៈការសម្ដែងជាតួឯកក្នុងរឿង “Hierarchy” និង “Badland Hunters”។ ជាពិសេសនៅក្នុងរឿង “Hierarchy” នាងបានសម្រកទម្ងន់សរុប៧គីឡូក្រាម ក្នុងរយៈពេលដ៏ខ្លី។ នៅពេលដែលមានគេសួរថា តើនាងធ្វើវាដោយរបៀបណា? នាងបាននិយាយថា៨០% ធ្វើលំហាត់ប្រាណ Pilates និង ២០% នៃការផ្លាស់ប្តូររបបអាហាររបស់នាង៕ ប្រភព៖ Koreaboo