សាពូន មីដាដា ប្រាប់ សឿ សុធារ៉ា ថែរក្សាសុខភាពឱ្យបានរឹងមាំ
- ភ្នំពេញ
រាជធានីភ្នំពេញ ៖ តារាចម្រៀងលោក សាពូន មីដាដា បានបង្ហោះសារលើកទឹកចិត្តដល់អតីតភរិយា គឺអ្នកនាង សឿ សុធារ៉ា ឲ្យមានការរឹងមាំ…
រាជធានីភ្នំពេញ ៖ តារាចម្រៀងលោក សាពូន មីដាដា បានបង្ហោះសារលើកទឹកចិត្តដល់អតីតភរិយា គឺអ្នកនាង សឿ សុធារ៉ា ឲ្យមានការរឹងមាំ ថែរក្សាសុខភាពទាំងផ្លូវកាយ និងផ្លូវចិត្ត ដើម្បីខ្លួនឯង និងបន្តការមើលថែកូនប្រុសកូនស្រីដែលកំពុងរស់នៅជាមួយ បន្ទាប់ពីនាងកំពុងមានទុក្ខធំ ដោយសារបងស្រីបង្កើតបានទទួលមរណភាពដោយសារជំងឺ ។
ដោយសារឃើញជួបទុក្ខធំផ្ទួនៗ ដោយទើបតែបាត់បង់ឪពុក ម្តាយ និងបងស្រីម្នាក់ទៀតនាពេលនេះ ក្នុងនាម ជាអតីតស្វាមី និងក្នុងនាមការស្រឡាញ់រាប់អានជាប្អូនស្រីម្នាក់នោះ លោក សាពូន មីដាដា ក៏បានបញ្ចេញសារបង្ហោះលើតាមបណ្តាញសង្គមទៅកាន់ អ្នកនាង សឿ សុធារ៉ា ថា បងស្រីបង្កើតដ៏ស្និទ្ធស្នាលបំផុតរបស់ប្អូនស្រីក្នុងចំណោមបងប្អូនទាំងអស់ គាត់បានលាចាកលោកនេះទៅបដិសន្ធិនាឋានសួគ៌ហើយ ។
លោកបញ្ជាក់ថា ប្អូនស្រី សឿ សុធារ៉ា ជាទីអាណិតកំសត់បំផុត អម្នឹះតទៅប្អូនស្រីត្រូវតែខំថែ
រក្សាសុខភាពទាំងផ្លូវកាយទាំងផ្លូវចិត្តឲ្យរឹងមាំ ប្អូននៅមានខ្លួនឯងនិងកូនស្រីប្រុសជាទីអាណិតស្រលាញ់ទាំងពីរ ទោះជាយើងបែកក្លាយជាទីទៃ និងគ្នាជាយូរមកក៏ដោយ ក៏យើងនៅតែដឹងសុខទុក្ខពីគ្នា និងរិតតែប្រឹងចិញ្ចឹមបីបាច់កូនៗទាំងពីរដែលជាដំណក់ឈាមរួមគ្នា ឲ្យមានស្នាមញញឹមក្នុងដំណើរជីវិតនេះតទៅ ។
ជាការកត់សម្គាល់ អតីតតារាសម្តែងអ្នកនាង សឿ សុធារ៉ា បានប្រកាសពីមរណភាពរបស់បងស្រីបង្កើតរបស់ខ្លួន នៅលើបណ្តាញសង្គម ដោយនាងបានគូសបញ្ជាក់ថា បងស្រីជាទីអភ្វ័ពរបស់នាងខ្ញុំ ប្អូនខំទន្ទឹងរងចាំគេងអង្គុយដើម្បីចាំបងស្រីទទួលការវះកាត់របស់លោកគ្រូពេទ្យអ្នកគ្រូពេទ្យជំនាញខាងជំងឺបងស្រីរបស់នាងខ្ញុំដោយយកចិត្តទុកដាក់ តែអកុសល្យកម្មអ្វីគ្រាន់តែចូលដល់កន្លែងបូមទឹកក្នុងសួតចេញទើបលោកគ្រូពេទ្យនិងអ្នកគ្រូពេទ្យងាយស្រួលក្នុងការដាក់ថ្នាំសណ្តំដើម្បីធ្វើការវះកាត់ដុំគីសនៅឆ្អឹង.កសុធារីបានដោយសុវត្តិភាព, ប៉ុន្តែគ្នាគ្រាន់តែឃើញម្ជុលបូមយកទឹកក្នុងសួតចេញប្រវែងមួយចង្អាមគ្នាភ័យបេះដូងឡើងដល់160 ហើយគាំងបេះដូងស្លាប់តែ
ម្តង។
ខ្ញុំថា រឿងនេះគឺជាមហាកម្មក្រាស់របស់ខ្ញុំតែម្តង. ខ្ញុំខ្លាចណាស់2ឆ្នាំត្រូវបាត់បង់មនុស្សជាទីស្រលាញ់ដឹងគុណអស់៣នាក់. តើនរណាទទួលយកបានទៅ បងប្អូនទាំងអស់គ្នាជួយពន្យល់ប្រាប់នាងខ្ញុំផង ។
ដោយឡែក មុនមរណភាពបងស្រីបង្កើតនាពេលនេះ សឿ សុធារ៉ា ធ្លាប់បានប្រាប់ពីស្ថានភាពរបស់បងស្រីរបស់នាងថា ពីរខែជាងកន្លងមកនេះបងស្រីរបស់នាងឈ្មោះ សុធារី បានខិតខំទ្រាំឈឺចាប់ពេញរាងកាយរហូតស្វិតដៃមួយចំហៀង ហើយចំណាយថវិកាអស់ច្រើនគួរសមដែរ តែនៅមិនបានធូរស្បើយ ។
នាងបញ្ជាក់ថា បងស្រីរបស់ខ្លួនមានអាការៈពិបាកដកដង្ហើម ហើយនាងក៏សម្រេចចិត្តបញ្ចូនទៅសង្គ្រោះបន្ទាន់នៅមន្ទីពេទ្យជាតិ តេជោសន្តិភាព ដោយលោកគ្រូពេទ្យនិងអ្នកគ្រូពេទ្យគាត់ថតអេកូរឃើញថា សួតបងស្រីនាងមានដុំសាច់គីស ហើយដុះមួយកន្លែងទៀតនៅកញ្ចឹងក តម្រូវឲ្យមានការវះកាត់ជាចាំបាច់ ៕
ចែករំលែកព័តមាននេះ