រាជធានីភ្នំពេញ ៖ ជីវិតពិតខុសពីជីវិតសម្តែង ក្រោយតារាកំប្លែងទើបរះនាយឆាង មានសុខភាពហាក់មិនសមប្រកប ដោយនាយមានជំងឺស្ងួត ចូលមន្ទីរពេទ្យក្នុងបន្ទប់សង្រោះបន្ទាន់ពីរដងជាប់ៗគ្នា កាលពីកន្លងទៅ ។ តារាកំប្លែងនាយឆាង…
រាជធានីភ្នំពេញ ៖ ជីវិតពិតខុសពីជីវិតសម្តែង ក្រោយតារាកំប្លែងទើបរះនាយឆាង មានសុខភាពហាក់មិនសមប្រកប ដោយនាយមានជំងឺស្ងួត ចូលមន្ទីរពេទ្យក្នុងបន្ទប់សង្រោះបន្ទាន់ពីរដងជាប់ៗគ្នា កាលពីកន្លងទៅ ។
តារាកំប្លែងនាយឆាង ក្នុងក្រុមចំណោមមាឌធំដូចគ្នា កាលពីនាយធុងនៅមានជីវិត នាយមានសុភាពល្អប្រសើរ តែក្រោយមកនាយឆាងចាប់ផ្តើមឈឺ ហើយសម្រាកក្នុងមន្ទីរពេទ្យព្យាបាលជាច្រើនថ្ងៃខែទៀតនោះ ។
ជាមួយគ្នានេះ ការចូលពេទ្យជាលើកទី២ របស់នាយឆាង នាពេលនេះ នាយមានសុខភាពប្រសើរឡើងវិញហើយ តែនាយនិយាយថា នាយស្ទើរតែដាច់បាយ ក្រោយនាយឈឺ មិនបានទៅសម្តែង ម្តាយដើររើសអេតចាយ ក៏មិនបានទៅរើស ខណៈនៅចាំមើលខ្លួន ។ ជាការពិត ទឹកចិត្តម្តាយកាត់ថ្លៃពុំបាន ក្រោយឃើញកូនឈឺ ស្ត្រីម្នាក់ឈ្មោះថា ម្តាយមិនហ៊ានទៅណាឆ្ងាយចោលកូន ។
គួរបញ្ជាក់ដែរថា នាយឆាង គ្មានផ្ទះសម្បែងស្នាក់នៅទេ ដោយរាល់ថ្ងៃនាយរស់នៅផ្ទះគេ អោយនៅរស់នៅ ជាមួយអេតចាយ និងសំរាម ជួនម្តាយទៅរើស ឬទិញអេតចាយបានតិចតួច គ្រាន់តែដោះស្រាយជីវភាពនោះ ។
តាមរយៈបទសម្ភាសន៍ជាមួយសារព័ត៌មានកោះសន្តិភាព បងស្រីនាយឆាង ឈ្មោះស្រី ម៉ៅ និយាយថា ក្រោយនាយចេញពីពេទ្យ ជាលើកទី២នេះ នាយមានសុខទុក្ខធម្មតា ដោយជម្ងឺនាយឆាង មានការថមថយនោះ ។ តែអ្វីដែលនាយលំបាកនាពេលនេះ គឺខ្វះខាតការហូបចុក ក្រោយម្តាយនាយក៏ឈឺ នាយឆាងក៏ទើបនឹងជាមិនទាន់ស្រួលបួល ដូច្នេះនាយមិនទាន់ថតកំប្លែងបាន ម្ល៉េះហើយនាយថា គ្មានថវិកានោះឡើយ ដូច្នេះត្រង់ចំណុចនេះ នាយសុំអោយមហាជនជួយនាយផង ។
ស្រីម៉ៅ បងស្រី នាយថា រាល់ថ្ងៃនាយរស់ក្រោមផ្ទះ ដំបូលខ្ទម ភ្លៀងមកសាចទឹកពេញ ធ្វើអោយពិបាកដេកពួន ហើយមួយវិញនាយរស់នៅក្បែរគំនរសំរាម និងអេតចាយទៀតនោះ អាចថាក៏ប៉ះពាល់សុខភាពនាយផងនោះ ។ ស្រីម៉ៅបងនាយឆាង ដែលមាឌធំរូបនេះបន្តថា ផ្ទះដែលនាយនៅនេះ ម្ចាស់ថៅកែអេតចាយ គេអោយនៅ ដោយមានរ៊ឺម៉កមួយទុកអោយ ពេលណាទិញ ឬរើសអេតចាយបាន ក៏យកមកលក់អោយគេ ដោយបានប្រាក់តិចតួចទុកទិញអង្គរដាំបាយហូប និងដោះស្រាយជីវភាពប្រចាំថ្ងៃ ដែលពើបប្រទះនៅការខ្វះខាត ។
បើងាកមកនាយឆាងឯណេះវិញ នាយថា ក្រោយពេលនាយធ្លាក់ខ្លួនឈឺបែបនេះ នាយគ្មានចំណូលពីការថតកំប្លែងឡើយ ព្រោះកាលពីកន្លងទៅ នាយបានតិចតួចទុកអោយម៉ែ តែពេលនេះម៉ែក៏ឈឺ ហើយវ័យកាន់តែចាស់ ហើយនាយធ្លាក់ខ្លួនឈឺទៀត ដូច្នេះត្រង់ចំណុចនាយសុំអោយមហាជនជួយដល់នាយផង ក្រោយនាយពេលលុយកាក់ រស់នៅខ្វះព្រឹកល្ងាច ។
គួរជម្រាបឡើងវិញថា នាយឆាង មានទីលំនៅបច្ចុប្បន្ននៅក្រោយវត្តពោធិ៍ចិនតុង នៅភូមិដីថ្មី នាយមានទម្ងន់២១០គីឡូក្រាម មានបងប្អូនចំនួន៥នាក់ ។ នាយឆាង តាំងពីដឹងក្តីមក នាយមានអាយុ៣ឆ្នាំ នាយចាប់ផ្តើមធាត់ ដោយចេះតែហូបបាន មូលហេតុនេះហើយធ្វើអោយានាយមានគីឡូច្រើនដល់សព្វថ្ងៃនេះ ។ ហើយនេះជាលើកទី១ ហើយចំពោះនាយឆាងផ្ទាល់ ដែលមានជម្ងឺឈឺសួតធ្ងន់ដូច្នេះ ព្រោះកាលពីកាលពីកន្លងទៅ ក្រុមគ្រួសារថា នាយឈឺដែរ តែតិចតួចប៉ុណ្ណោះ៕ ដោយ៖លីហួ គីមឆាយ
ចែករំលែកព័តមាននេះ