រាជធានីភ្នំពេញ ៖ ជនសង្ស័យម្នាក់ ត្រូវបានកម្លាំងអាវុធហត្ថខណ្ឌមានជ័យ ធ្វើការឃាត់ខ្លួនយកទៅសួរនាំ បន្ទាប់ពីជនសង្ស័យរូបនោះបានធ្វើសកម្មភាពយកកូនកាំបិ.តភ្ជ.ង់ទៅលើបុរសជាអ្នករត់កង់បីម្នាក់ ដែលធ្វើឲ្យបុរសជាអ្នករត់កង់បីភ័យស្ល.ន់ស្លោបានលោ.តចេញពីលើម៉ូតូ ហើយធ្វើឲ្យម៉ូតូរេចង្កូតបុ.ក និងម៉ូតូរបស់ភ្ញៀវដែលចតនៅមុខ KTVមួយកន្លែង…
រាជធានីភ្នំពេញ ៖ ជនសង្ស័យម្នាក់ ត្រូវបានកម្លាំងអាវុធហត្ថខណ្ឌមានជ័យ ធ្វើការឃាត់ខ្លួនយកទៅសួរនាំ បន្ទាប់ពីជនសង្ស័យរូបនោះបានធ្វើសកម្មភាពយកកូនកាំបិ.តភ្ជ.ង់ទៅលើបុរសជាអ្នករត់កង់បីម្នាក់ ដែលធ្វើឲ្យបុរសជាអ្នករត់កង់បីភ័យស្ល.ន់ស្លោបានលោ.តចេញពីលើម៉ូតូ ហើយធ្វើឲ្យម៉ូតូរេចង្កូតបុ.ក និងម៉ូតូរបស់ភ្ញៀវដែលចតនៅមុខ KTVមួយកន្លែង បណ្តាលអោយខូចខាតម៉ូតូពីរគ្រឿងបន្ថែមទៀត ។
ករណីខាងលើនេះបានកើតឡើងកាលពីវេលាម៉ោង២រំលងអធ្រាត្រឈានចូលថ្ងៃទី៤ ខែកក្កដានេះ នៅទល់មុខ KTV សម្រស់បុប្ផា២៧១ ស្ថិតតាមបណ្ដោយផ្លូវ២៧១ សង្កាត់ចាក់អង្រែលើ ខណ្ឌមានជ័យ ។
តាមប្រភពពីបុរសជាអ្នករត់កង់បីសុំមិនបញ្ចេញឈ្មោះ បានឲ្យដឹងថា មុនពេលកើតហេតុ រូបគាត់ត្រូវបានជនសង្ស័យ ប៊ុកឃីង ឲ្យដឹកពីម្តុំស្ទឹងមានជ័យ ឆ្ពោះទៅតាមបណ្ដោយផ្លូវ២៧១ លុះដល់ចំណុចកើតហេតុ ក៏ស្រាប់តែជនសង្ស័យបានយកកូនកាំបិ.តតូចមួយ ភ្ជ.ង់គាត់ហើយគំរា.មឲ្យគាត់ជិះទៅមុខទៅតាមសម្តីរបស់ជនសង្ស័យ តែពេលនោះ ដោយសារតែរូបគាត់ភ័យក៏បានសម្រេចចិត្តលោ.តចេញពីកង់បី បណ្ដាលឲ្យរងរបួសតិចតួច ហើយធ្វើឲ្យម៉ូតូកង់បីហ្នឹងរ៉េចង្កូតជ្រុលទៅបុកនឹងម៉ូតូរបស់ភ្ញៀវ ដែលចតនៅមុខហាងខារ៉ាអូខេ សម្រស់បុប្ផា២៧១ រងការខូចខាតអស់ចំនួនពីរគ្រឿង ។
ភ្លាមនោះដែរ បុរសជនសង្ស័យបានចុះពីលើម៉ូតូរត់គេចខ្លួនទៅមុខជិតដល់ស្ពានអាកាសក្បាលថ្នល់ក៏ត្រូវបានបងប្អូនប្រជាពលរដ្ឋជួយដេញតាម និងរាយការណ៍ជូនកម្លាំងអាវុធហត្ថខណ្ឌមានជ័យឲ្យចុះទៅធ្វើការឃាត់ខ្លួនយកទៅសួរនាំ នៅទីតាំងកើតហេតុផងដែរវិញផងដែរ ។
ចំពោះការសួរនាំបុរសជាជនសង្ស័យបានសារភាពថា រូបគាត់មិនបានភ្ជ.ង់ជនរងគ្រោះនោះទេ ហើយកូនកាំបិ.ត គឺគាត់ដាក់តាមសម្រាប់ការពារខ្លួនតែប៉ុណ្ណោះ ។
ក្រោយកើតហេតុ ទោះបីជាជនសង្ស័យសារភាពយ៉ាងណាក៏ដោយ ជនសង្ស័យត្រូវបានកម្លាំងអាវុធហត្ថធ្វើការវ៉ៃខ្នោះយកទៅជាមួយនឹងជនរងគ្រោះយកទៅសួរនាំនៅមូលដ្ឋានអាវុធហត្ថខណ្ឌមានជ័យ ដើម្បីចាត់ការទៅតាមជំនាញផងដែរ ៕
ចែករំលែកព័តមាននេះ