កម្ពុជាមានបក្សីប្រមាណជា៥០០ប្រភេទ ហើយប្រភេទបក្សីនីមួយៗមានចរិតលក្ខណៈ និងជីវសាស្ត្រ ព្រមទាំងវដ្តនៃជីវិតខុសៗគ្នានៅក្នុងចំណោមនោះមានបក្សីមួយប្រភេទដែលគេហៅថា សត្វល្អូត ឫអែអុត ។ សត្វនេះស៊ីពងសត្វ និងអាហារជាច្រើនផ្សេងទៀត ។…
កម្ពុជាមានបក្សីប្រមាណជា៥០០ប្រភេទ ហើយប្រភេទបក្សីនីមួយៗមានចរិតលក្ខណៈ និងជីវសាស្ត្រ ព្រមទាំងវដ្តនៃជីវិតខុសៗគ្នានៅក្នុងចំណោមនោះមានបក្សីមួយប្រភេទដែលគេហៅថា សត្វល្អូត ឫអែអុត ។ សត្វនេះស៊ីពងសត្វ និងអាហារជាច្រើនផ្សេងទៀត ។
ក្រសួងបរិស្ថាននៅថ្ងៃទី០៣ ខែកក្កដា ឆ្នាំ២០២៤ បានចែករំលែកចំណេះដឹងមួយចំនួនអំពីសត្វ សត្វល្អូត ឬ អែអូត នេះ ។
ប្រភពដដែលបានអះអាងថា បក្សីប្រភេទនេះគឺជាសត្វស្លាបដែលមានពណ៌សំបុរដ៏ស្រស់ស្អាត និងគួរជាទីស្រឡាញ់មួយប្រភេទនៅកម្ពុជាក៏ដូចជានៅបរទេសមួយចំនួនផងដែរ ។ សត្វស្លាបមួយប្រភេទនេះត្រូវបានគេចាត់ទុកថា ជាសត្វសម្បូរ បង្គួរនៅបឹងព្រែកល្ពៅ ខេត្តតាកែវ ។
ប្រភពដដែលបានបញ្ជាក់ថា លក្ខណៈពិសេសរបស់បក្សីនេះ គឺវាចូលចិត្តហើរឆ្វែលស្វែងរកចំណីដែលវាចូលចិត្តជាងគេគឺប្រភេទពួកអំបូរសត្វបង្គួយ និងថ្លែន។
ប្រភពដដែលបានបញ្ជាក់ថា «ក្រៅពីនេះចំណីរបស់វាខាងលើ សត្វពស់ សត្វល្អិត ដង្កូវក៏ជាចំណីសំខាន់ តែវាក៏ជាសត្វចូលចិត្តប្រមាញ់សំបុក និង ស៊ីពងបក្សីដទៃផងដែរ» ។
តាមពិតបក្សីមួយប្រភេទនេះ មានពីរបែបគឺ ល្អូតគូក ឬ ល្អូតធំ មាត្រធំ សម្បុរក្រហមក្រមៅ ភ្នែកក្រហម និង ល្អូតស្បូវ មាត្រតូច សម្បុរក្រហមព្រលែតលាយពព្រុសភ្នែកក្រហម ច្រើននៅអាស្រ័យក្នុងព្រៃរបោះ ។ តាមឯកសារស្រាវជ្រាវបានបង្ហាញថា សត្វប្រភេទនេះខ្លះធំ អាចមានទម្ងន់រហូតដល់ ៣៨០ក្រាម ៕
ចែករំលែកព័តមាននេះ