(ចិន)៖ នារីចិនវ័យ២៦ឆ្នាំម្នាក់ មានការអប់រំនិងមានសម្រស់ស្រស់ស្អាត បានលាឈប់ពីការងារការិយាល័យ និងជ្រើសរើសចាប់អាជីពជាអ្នកចិញ្ចឹមជ្រូក ដែលទទួលបានប្រាក់ខែជាង៨០០ដុល្លារ ត្រូវបានអ្នកលេងបណ្តាញសង្គមចិន ចាប់អារម្មណ៍​នឹងរឿងរ៉ាវនេះជាខ្លាំង។ នេះបើយោងតាមការចុះផ្សាយរបស់សារព័ត៌មាន South China Morning Post។

ក្នុងបទសម្ភាសន៍ជាមួយនឹងសារព័ត៌មានចិន Sina News ស្ត្រីវ័យក្មេងដែល​មាន​ឈ្មោះ Zhou នេះមកពី​ខេត្ត Yunnan ភាគ​និរតី​នៃ​ប្រទេស​ចិន បាន​បញ្ចប់​ថ្នាក់​បរិញ្ញាបត្រ ​ជំនាញ​អក្សរសាស្ត្រ។ នាង​បាន​ធ្វើ​ការ​នៅ​កសិដ្ឋាន​ចិញ្ចឹមជ្រូកអស់​រយៈ​ពេល​បី​ឆ្នាំ​មក​ហើយ ហើយ​លើកឡើងថានាងមិនមានការសោកស្តាយដែលបោះបង់ការងារក្នុងម៉ាស៊ីនមកធ្វើការនៅកសិដ្ឋាននេះ។

Zhou បានរំលឹកថា មុនពេលក្លាយជាអ្នកចិញ្ចឹមជ្រូក នាងបានធ្វើការជាបុគ្គលិកការិយាល័យនៅក្នុងទីក្រុង ជាមួយនឹងប្រាក់ខែខ្ពស់គួរសម។ ទោះ​ជា​យ៉ាង​ណា​នាង​បាន​លា​ឈប់​ពី​ការងារ​ដោយ​សារ​មានភាពធុញទ្រាន់ និងសម្ពាធពេក បន្ទាប់ពីនោះនាងត្រូវបានមិត្តភក្តិម្នាក់ណែនាំពីការងារចិញ្ចឹមជ្រូកនៅក្នុងកសិដ្ឋាន។ ដំបូងឡើយ និស្សិតស្រីវ័យ២៦ឆ្នាំរូបនេះ មានការស្ទាក់ស្ទើរ ព្រោះនាងខ្លាចថា វាមិនមែនជាការងារយូរអង្វែង និងកង្វក់ខ្លាំង ហើយការងារនេះក៏មិនទទួលបានការគាំទ្រពីគ្រួសាររបស់នាងឡើយ។

ហើយការងារដំបូងរបស់នាង​នៅ​កសិដ្ឋាន​គឺ​ការ​តម្រៀប​សុក​ជ្រូក​ដែល​មាន​ឈាម និងក្លិនស្អុយ ទោះ​បី​ជា​យ៉ាង​នេះ​ក្ដី  នាងនៅ​តែ​មិន​ចុះ​ចាញ់។ ពេលនេះនាងក៏ត្រូវបានសហការីរបស់គាត់ស្គាល់ថាជាអ្នកជំនាញចិញ្ចឹមជ្រូកយ៉ាងប៉ិនប្រសប់។

នៅក្នុងវីដេអូមួយនៅលើ គណនី Douyin របស់នាង (បណ្តាញសង្គមចិន) នាងបាននិយាយថា «ប្រសិនបើអាចធ្វើទៅបាន ខ្ញុំគិតថាមនុស្សគួរតែព្យាយាមធ្វើការសម្រេចចិត្តដោយក្លាហាន ដូចជាការលាឈប់ពីការងារ ការស្លៀកពាក់មិនអើពើនឹងភ្នែកអ្នកដទៃដើម្បីធ្វើកិច្ចការដែលអ្នក​ស្រឡាញ់។»

យុវជនចិនកាន់តែផ្តល់អាទិភាពការងារដែលធ្វើឱ្យពួកគេសប្បាយចិត្តជាងការងារដែលនាំមកនូវប្រាក់ចំណូលខ្ពស់។

ហើយនេះមិនមែនជារឿងថ្មីឡើយដោយនៅខែមីនា ឆ្នាំ២០២៣ ស្ត្រីអាយុ៣០ឆ្នាំនៅភាគខាងកើតប្រទេសចិនបានឈប់ពីការងារដែលមានប្រាក់ខែខ្ពស់ដើម្បីត្រឡប់ទៅស្រុកកំណើតរបស់នាងវិញដើម្បីដាំឪឡឹក៕