រាជធានីភ្នំពេញ ៖ កាលពីពេលថ្មីៗនេះ សុនខមួយក្បាលកំពុងធ្វើអោយមហាជនមានការចាប់អារម្មណ៍ជាខ្លាំងក្នុងបណ្តាញហ្វេកប៊ុក ដោយសុនខ ឬឆ្កែមួយក្បាលនេះល្បីថា ចេះសុំសីល និងចេះសំពះទៀតផងនោះ ។ តើបងប្អូនជឿទេ…
រាជធានីភ្នំពេញ ៖ កាលពីពេលថ្មីៗនេះ សុនខមួយក្បាលកំពុងធ្វើអោយមហាជនមានការចាប់អារម្មណ៍ជាខ្លាំងក្នុងបណ្តាញហ្វេកប៊ុក ដោយសុនខ ឬឆ្កែមួយក្បាលនេះល្បីថា ចេះសុំសីល និងចេះសំពះទៀតផងនោះ ។ តើបងប្អូនជឿទេ សុនខចេះសុំសីល និងចេះសំពះដោយគ្មាននរណាបង្រៀននោះ? និយាយដល់ចំណុចនេះ ធ្វើអោយបងប្អូនចង់តាមដានទស្សនាជាខ្លាំង បើមិនជួបរបស់ពិតអាចថា នឹងមិនជឿ ។
មែនទែនទៅតាមរយៈរូបភាពវីដេអូ សកម្មភាពមួយបានធ្វើការបង្ហោះឡើងដោយគណនីឈ្មោះ ខ្មែរអង្គរសិទ្ធិជ័យ ដោយឃើញថា យាយៗកំពុងសុំសីល ខណៈសុនខមួយក៏ចេះសុំសីលដែរ ព្រោះរាល់ថ្ងៃសីលគេតែងឃើញសុនខមួយនេះ តែងមកជានិច្ចជាមួយម្ចាស់ ហើយពេលដែលយាកិញ្ចិជាកិច្ចបញ្ចប់ សុនខមួយតែងលោកដៃសំពះ ឬសូត្រអនុមោទនាជាដើម ។
គួរបញ្ជាក់ដែរថា សុនខមួយនេះមានភាពឆ្លាតវៃខុសពីសត្វដទៃទាំងការដេក ដើរ និងស្តាប់បាននូវអ្វីដែលមនុស្សបានធ្វើបាននិយាយ ហើយអ្វីដែលកាន់តែពិសេសនោះ មានចិត្តជ្រះថ្លាជាមួយព្រះពុទ្ធសាសនា សូម្បីតែម្ចាស់ក៏និយាយថា សុនខមួយក្បាលនេះមិនដូចជាសត្វដែលខ្លួនចិញ្ចឹមកាលពីកន្លងទៅនោះឡើយ ។
តាមរយៈបទសម្ភាសន៍ជាមួយសារព័ត៌មានកោះសន្តិភាព ដោយព្រះតេជគុណ មិញ សុភាព មានថេដីកាថា សុនខមួយនេះមានអាយុ៦ឆ្នាំហើយ ដោយសុនខមួយនេះគុណម្ចាស់ថា មានភាពឆ្លាតវ័យខុសពីសត្វសុនខផ្សេងៗ ។
ក្នុងនេះដែរគុណម្ចាស់ មិញ សុភាពបន្តថា ចំពោះការសំពះ បើតាមម្ចាស់សុនខបានប្រាប់ថា សុនខនេះចេះសំពះដោយខ្លួនឯង អោយតែថ្ងៃសីលជានិច្ចជាកាល តែងមកសុំសីលជាមួយម្ចាស់ខ្លួនពេលយាយតា ព្រះសង្ឃ អនុមោទនា ខ្លួនជាសត្វ គឺចេះណាស់ គឺលើកដៃសំពះត្រង់ចំណុចនេះ គុណម្ចាស់ មិញ សុភាពថា សុនខមួយក្បាលនេះ« រូបជាសត្វ ចិត្តជាមនុស្ស » អាចថា មិនដឹងជាមានកម្មពារអ្វីពីជាតិមុនទើបបានកើតជាសត្វ ចេះគោរពស្គាល់ និងការសុំសីលដូច្នេះ ។ សុនខមួយក្បាលនេះ គុណម្ចាស់បន្តថា វាតែមកជាមួយម្ចាស់នៅអាស្រម អ្នកតាក្បាលក្រពើ ដែលមានទីតាំងស្ថិតនៅ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
លុះពេលយំកិញ្ចិចប់ សុនខមួយក្បាលនេះតែងព្រុល ដូចជាខ្លួនហាក់ដឹងថា ការសុំសីលត្រូវបានបញ្ចប់ និងព្រុលដាក់ម្ចាស់អោយនាំខ្លួនត្រឡាប់ទៅផ្ទះវិញនោះ ។ តើបងប្អូនយល់យ៉ាងណាដែរ ចំពោះសុនខមួយក្បាលនេះ? រូបជាសត្វ តែមានចិត្តជ្រះថ្លា អាចយល់នូវភាសារបស់មនុស្ស សូម្បីតែម្ចាស់ និងព្រះសង្ឃក៏សរសើរ និងចូលចិត្តសុនខមួយនេះផងដែរ ៕ ដោយ៖លីហួ គីមឆាយ
ចែករំលែកព័តមាននេះ