ADផ្ទាំងផ្សព្វផ្សាយពាណិជ្ជកម្ម

Picture

កូន​ធំ​ហើយ​មក​ដឹង​ពី​គន្លឹះ​បំបែក​កូន​ឱ្យ​គេង​បន្ទប់​ផ្ទាល់ខ្លួន !

2 អាទិត្យ មុន
  • ភ្នំពេញ

រាជធានី​ភ្នំពេញ ៖ ការ​ឱ្យ​កូន​គេង​នៅ​លើ​គ្រែរ​ជាមួយ​យូរ​ពេក​អាច​ប៉ះពាល់​ដល់​ទំនាក់ទំនង​របស់​អ្នក​ជាមួយ​ដៃគូ​របស់​អ្នកផង ។ ការ​បញ្ចុះបញ្ចូល​កូន​របស់​អ្នក​ឱ្យ​គេង​នៅ​បន្ទប់​របស់​គេ​អាច​ជា​បញ្ហា​មួយ នៅ​ពេល​ដែល​គាត់​មាន​ទម្លាប់​គេង​នៅ​លើ​គ្រែ​របស់​អ្នក ឬ​បន្ទប់​ជាមួយ​អ្នក ។ ជា​សំណាងល្អ មានរឿង​មួយ​ចំនួន​ដែល​អ្នក​អាច​ធ្វើ​បាន…

រាជធានី​ភ្នំពេញ ៖ ការ​ឱ្យ​កូន​គេង​នៅ​លើ​គ្រែរ​ជាមួយ​យូរ​ពេក​អាច​ប៉ះពាល់​ដល់​ទំនាក់ទំនង​របស់​អ្នក​ជាមួយ​ដៃគូ​របស់​អ្នកផង ។ ការ​បញ្ចុះបញ្ចូល​កូន​របស់​អ្នក​ឱ្យ​គេង​នៅ​បន្ទប់​របស់​គេ​អាច​ជា​បញ្ហា​មួយ នៅ​ពេល​ដែល​គាត់​មាន​ទម្លាប់​គេង​នៅ​លើ​គ្រែ​របស់​អ្នក ឬ​បន្ទប់​ជាមួយ​អ្នក ។ ជា​សំណាងល្អ មានរឿង​មួយ​ចំនួន​ដែល​អ្នក​អាច​ធ្វើ​បាន ដើម្បី​យក​គ្រែ​របស់​អ្នក​មក​វិញ ប្រសិនបើ​អ្នក​ធុញទ្រាន់​នឹង​ការ​ចែករំលែក​វា​ជាមួយ​កូន​ៗ​របស់​អ្នក ។ នេះ​ជា​វិធី ៧ យ៉ាង​ដើម្បី​ឱ្យ​កូន​គេង​លើ​គ្រែ​របស់​ពួក​គេ ៖

១. ធ្វើ​ឱ្យ​បន្ទប់​របស់​កូន​អ្នក​គេង​មាន​ផាសុកភាព ៖ មុន​ពេល​អ្នក​ចាប់ផ្តើម​ទទូច​ឱ្យ​កូន​របស់​អ្នក​នៅ​ក្នុង​បន្ទប់​របស់​គេ​ពេញ​មួយ​យប់ ត្រូវ​ប្រាកដ​ថា បន្ទប់​គឺ​ល្អ ហើយ​ងាយស្រួល​គេង ។ បរិយាកាស​ស្ងប់ស្ងាត់​ល្អ ធ្វើ​ឱ្យ​បាត់​អារម្មណ៍​ភ័យ​ខ្លាច​នៅ​ពេល​យប់ និង​ជួយ​ឱ្យ​ពួក​គេ​គេង​លក់​ស្រួល ។ ក្មេង​ខ្លះ​អាច​ចូល​ចិត្ត​សំឡេង ក្មេង​ខ្លះ​ចូល​ចិត្ត​ស្ងាត់ ក្មេង​ខ្លះ​ចូល​ចិត្ត​ងងឹត ក្មេង​ខ្លះ​ចូល​ចិត្ត​ភ្លឺ ដូច្នេះ​ចូរ​រៀប​បន្ទប់​តាម​ការ​ចង់បាន​របស់​កូន​អ្នក ។

២. បង្កើត​ការ​រំពឹង​ទុក​ច្បាស់លាស់ ៖ ពិភាក្សា​ជាមួយ​កូន​របស់​អ្នក​អំពី​ការ​ផ្លាស់​ប្តូរ​ទម្លាប់​នៃ​ការ​គេង​ដែល​អ្នក​នឹង​ធ្វើ​ជា​មុន ។ បើ​កូន​មាន​អារម្មណ៍​ភ័យ​ខ្លាច ឬ​បែប​ណា ចូរ​យល់​ពី​ពួក​គេ ។ ជា​ជាង​និយាយ​ថា “​កុំ​ភ័យ​ខ្លាច​” ចូរ​និយាយ​ថា “​ប៉ា​ដឹង​ថា កូន​មាន​អារម្មណ៍​ភ័យ​ខ្លាច ហើយ​ប៉ា​ប្រាកដ​ថា កូន​រឹង​មាំ​គ្រប់គ្រាន់​ដើម្បី​គេង​នៅ​លើ​គ្រែ​របស់​កូន ទោះបីជា​វា​មាន​អារម្មណ៍​ភ័យ​ខ្លាច​ក៏​ដោយ​” ។

៣. បង្កើត​ផែនការ​មួយ​ជំហាន​ម្តង​ៗ ៖ បង្កើត​ផែនការ​មួយ​ជំហាន​ម្តង​ៗ​ដែល​នឹង​ជួយ​កូន​របស់​អ្នក​ឱ្យ​មាន​ភាព​ឯករាជ្យ​បន្តិច​ម្ដង​ៗ ។ ជា​ឧទាហរណ៍ អ្នក​អាច​ប្រាប់​កូន​របស់​អ្នក​ថា គេ​អាច​គេង​នៅ​ក្នុង​បន្ទប់​របស់​អ្នក​បាន ប៉ុន្តែ​គេង​នៅ​លើ​ឥដ្ឋ បន្ទាប់​មក​ផ្លាស់​ប្តូរ​គាត់​បន្តិច​ម្តង​ៗ​ទៅ​គេង​លើ​គ្រែ​បន្ទប់​គេ​ដោយ​ខ្លួនឯង ។

៤. បង្កើត​ទម្លាប់​ពេល​គេង​ដែល​មាន​សុខភាព​ល្អ ៖ ទម្លាប់​ពេល​ចូល​គេង​ដែល​មាន​សុខភាព​ល្អ នឹង​ជួយ​កូន​របស់​អ្នក​ឱ្យ​ស្ងប់ ហើយ​ត្រៀមខ្លួន​សម្រាប់​ការ​គេង ។ នៅ​ជាមួយ​កូន​មួយសន្ទុះ រួច​សូម​បិទ​ភ្លើង ហើយ​ចាក​ចេញពី​បន្ទប់ ដើម្បី​ឱ្យ​គាត់​អាច​ហាត់​គេង​លក់​ដោយ​ខ្លួនឯង​បាន ។

៥. មាន​ភាព​ស៊ីសង្វាក់​គ្នា ៖ ឪពុក​ម្តាយ​ខ្លះ​អាណិតកូន ពេល​កូន​ត្រឡប់​មក​បន្ទប់​វិញ​នៅ កណ្តាល​យប់ ដូច្នេះ​អ្នក​ទាំង​ពីរ​ត្រូវ​តែ​ផ្ញើ​សារ​ច្បាស់លាស់​ជា​រៀង​រាល់​យប់​ថា ពួក​គេ​ត្រូវ​គេង នៅ​បន្ទប់​ផ្សេង ។ បើ​កូន​ចេះ​តែ​អាច​មក​គេង​វិញ​បាន នោះ​គេ​នឹង​យល់​ថា ការ​តវ៉ា​របស់​ពួក​គេ​មាន​ប្រសិទ្ធភាព ហើយ​អ្នក​ក៏​នឹង​បង្រៀន​គេ​ថា គេ​អាច​ធ្វើ​អ្វី​តាម​ចិត្ត ឬ​មាន​អាកប្បកិរិយា​មិន​សមរម្យ​បាន ។ ត្រូវ​មាន​ភាព​ជាប់លាប់​ក្នុង​ការ​បញ្ជូន​កូន​របស់​អ្នក​ទៅ​គ្រែ​របស់​គេ ។

៦. ផ្តល់​ការ​ពង្រឹង​ជា​វិជ្ជមាន ៖ ផ្តល់​រង្វាន់​ដល់​កូន​របស់​អ្នក​សម្រាប់​ការ​គេង​លើ​គ្រែ​របស់​គេ​ផ្ទាល់ ។ ផ្សំ​រង្វាន់​ជាមួយនឹង​ការ​សរសើរ ហើយ​បញ្ជាក់​យ៉ាង​ច្បាស់​ថា អ្នក​ពេញចិត្ត​នឹង​ការ​រីក​ចម្រើន​របស់​កូន​អ្នក ។

៧. ស្រាយ​បញ្ហា​ដោយ​សកម្ម ៖ អ្នក​ទំនងជា​នឹង​ជួប​ប្រទះ​បញ្ហា​មួយ​ចំនួន​នៅ​ពេល​ឱ្យ​កូន​របស់​អ្នក​គេង​លើ​គ្រែ​របស់​គាត់​ផ្ទាល់ ។ ប្រហែល​គាត់​លួច​ចូល​ក្នុង​បន្ទប់​របស់​អ្នក​ដោយ​ស្ងាត់ស្ងៀម ។ ប្រសិនបើ​បែប​នេះ ការ​ផ្តល់​ពេលវេលា​បន្ថែម ដើម្បី​ជជែក​គ្នា​មួយ​ទល់​មួយ​ក្នុងអំឡុងពេល​ថ្ងៃ​អាច​ជួយ​គាត់​ទទួល​បានការ​យកចិត្តទុកដាក់​ជា​វិជ្ជមាន​ដែល​គាត់​ត្រូវការ ៕ ប្រភព ៖ verywellfamily

អត្ថបទ​នេះ​ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន​វ៉េ​ស្ទ​ឡាញ​ន៍ និង​សាលារៀន​ណ​ត្ស​ឡាញ​ន៍ ។ សាលារៀន​ផ្តល់​ជូន​កម្មវិធី​ម​ត្តេ​យ្យ​ភាសា​ខ្មែរ និង​អង់គ្លេស កម្មវិធី​ភាសា​អង់គ្លេស​សម្រាប់​កុមារ កម្មវិធី​ភាសា​អង់គ្លេស​សិស្ស​ធំ កម្មវិធី​ចំណេះ​ទូទៅ​ខ្មែរ ពី​ថ្នាក់​ទី ១ ដល់ទី ១២ និង​កម្មវិធី​ភាសា​ចិន ។ វគ្គ​សិក្សា​ថ្មី​ចូល​រៀន​ថ្ងៃ​ទី ២៩ ខែមករា ឆ្នាំ ២០២៤ ខាង​មុខ​នេះ ។ សាលារៀន​ផ្តល់​ជូន​អាហារូបករណ៍​រហូត​ដល់ ៤០% និង​ធានា​រ៉ាប់រង​គ្រោះថ្នាក់ បុត្រ​ធីតា និង​ការ​ការពារ​សិក្សា​រហូត​ដល់ ៥ ឆ្នាំ ។

លើ​ពី​នេះ សាលារៀន​ក៏​បន្ថែម​នូវ​វេទិកា និង​មធ្យោបាយ​សិក្សា​យ៉ាង​សម្បូរ​បែប​ជាមួយនឹង​ប្រព័ន្ធ​គ្រប់គ្រង​សាលារៀន ប្រព័ន្ធ​គ្រប់​គ្រង់​ការ​សិក្សា និង​អេប​សាលារៀន​ជូន​ដល់​មាតាបិតា​សិស្ស និង​សិស្សានុសិស្ស​ក្នុង​ការ​គ្រប់គ្រង​ការ​សិក្សា និង​តាមដាន​ព័ត៌មាន​សិក្សា​របស់​បុត្រ​ធីតា​ផង​ដែរ ។ សម្រាប់​ព័ត៌មាន​បន្ថែម សូម​ទំនាក់ទំនង​ទូរស័ព្ទ​លេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕