ក្រុមហ៊ុនដែលបានជាប់នៅក្នុងបញ្ជីកំពូលក្រុមហ៊ុនយក្សទាំង៥ នៅលើពិភពលោករបស់ទស្សនាវដ្តីហ្វប នាដើមឆ្នាំ២០២៤ គឺមានទ្រព្យសម្បត្តិរួមគ្នារហូតដល់ជាង១១ ទ្រីលាន ( ១ ០០០ ០០០ លាន) ដុល្លារឯណោះ ពោល គឺលើសទ្រព្យសម្បត្តិសរុបនៅក្នុងប្រទេសជាច្រើន ។
តើកំពូលក្រុមហ៊ុនយក្សទាំង៥នេះមានក្រុមហ៊ុនណាខ្លះ? កម្មវិធីលុយនៃសារព័ត៌មានកោះ សន្តិភាព សូមជូនព័ត៌មានត្រួសៗពីក្រុមហ៊ុនទាំងនេះ ។
១ ក្រុមហ៊ុន Apple :
ជាក្រុមហ៊ុនបច្ចេកវិទ្យាយក្សរបស់អាមេរិកដែលមានទ្រព្យសម្បត្តិសរុបដល់ទៅ២,៨៩ ទ្រីលានដុល្លារ ។ ក្រុមហ៊ុននេះត្រូវបានគេដឹងថា គឺជាក្រុមហ៊ុនដែលកំពុងតែកាន់កាប់ និង ដឹកនាំក៏ដូចជា គ្រប់គ្រងផលិតកម្មទូរស័ព្ទ និងកុំព្យ័ទ័រល្បីៗជាច្រើនដូចជា iPhone iPad, និង Mac ។ ក្រុមហ៊ុននេះត្រូវបានគេដឹងថា កំពុងតែស្ថិតនៅក្រោមការគ្រប់គ្រងដោយ លោក ធីម ឃុក (Tim Cook)ជនជាតិអាមេរិក ។
២ ក្រុមហ៊ុន ម៉ាយក្រូសូហ្វ (Microsoft) ជាក្រុមហ៊ុនបច្ចេកវិទ្យាអាមេរិកដែលមានទ្រព្យសម្បត្តិសរុបតម្លៃ២,៨២ ទ្រីលានដុល្លារ ។ ក្រុមហ៊ុននេះគ្រប់គ្រងផលិតផល និងសេវាកម្មជាច្រើនប្រភេទ ជាពិសេស គឺប្រព័ន្ធសូហ្វវែកុំព្យ័ទ័រ និងសេវាកម្មខាងផ្នែកឌីជីថល ។ ក្រុមហ៊ុននេះកំពុងតែគ្រប់គ្រងដោយលោក សាត្យា ណាដេឡា (Satya Nadella)ជាជនជាតិអាមេរិកដើមកំណើតឥណ្ឌា ។
៣ ក្រុមហ៊ុន Saudi Aramco
ជាក្រុមហ៊ុនប្រេង និងឧស្ម័ននៅអារ៉ាប៊ប៊ីសាអូឌីត ដែលមានទ្រព្យសម្បត្តិទាំងអស់សរុប ២,០៦ ទ្រីលានដុល្លារ ។ ក្រុមហ៊ុននេះគ្រប់គ្រងដោយលោក អាមិន ណាស័រ (Amin H. Nasser) ជាជនជាតិអារ៉ាប់ប៊ីសាអូឌីតផ្ទាល់ ។ ក្រុមហ៊ុននេះ គឺជាក្រុមហ៊ុនដែលកំពុងតែគ្រប់គ្រងធនធានប្រេងបម្រុងធំបង្អស់នៅមជ្ឈឹមបូព៌ាសព្វថ្ងៃ ។
៤ ក្រុមហ៊ុន Alphabet ឫ Google
ជាក្រុមហ៊ុនដែលកំពុងតែនាំមុខខាងបច្ចេកវិទ្យា និងគ្រប់គ្រងស្ថិតិនៃការស្រាវជ្រាវ និងទីផ្សារ អនឡាញដ៏ធំបំផុតរបស់ពិភពលោក ។ ក្រុមហ៊ុននេះ គឺកំពុងតែគ្រប់គ្រងស្ថិតិ និងអាជីវកម្មតាមអនឡាញជាច្រើន ។ ក្រុមហ៊ុននេះ គឺគ្រប់គ្រងដោយលោក សាន់ដា ពិឆៃ (Sundar Pichai) ដែលជាជនជាតិអាមេរិកកាំងដើមកំណើតឥណ្ឌា ។
៥ ក្រុមហ៊ុនអាម៉ាហ្សូន (Amazon)
ជាក្រុមហ៊ុនលក់ទំនិញរាយតាមប្រព័ន្ធអនឡាញ ដោយមានទ្រព្យសម្បត្តិសរុប ១,៥៦ ទ្រីលានដុល្លារ ។ ក្រុមហ៊ុននេះ គឺគ្រប់គ្រងដោយលោក អេនឌី ជេស៊ី (Andy Jassy) ជនជាតិអាមេរិកាំង ៕
ចែករំលែកព័តមាននេះ