យុវជន២នាក់ជិះម៉ូតូរត់គេចពីក្រុមយុវជន «PNT» ដែលដេ.ញតាមកា.ប់ ខណៈកំពុងជិះម៉ូតូឆ្លងផ្លូវដើម្បីរត់គេចនោះ ស្រាប់តែត្រូវរថយន្តបុ.ក បណ្ដាលឲ្យរបួសធ្ងន់ម្នាក់ និងស្រាលម្នាក់ ចំណែកជនបង្កវិញ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា យុវជន២នាក់ជិះម៉ូតូរត់គេចពីក្រុមយុវជន «PNT» ដែលដេ.ញតាមកា.ប់ ខណៈកំពុងជិះម៉ូតូឆ្លងផ្លូវដើម្បីរត់គេចនោះ ស្រាប់តែត្រូវរថយន្តបុ.ក បណ្ដាលឲ្យរបួសធ្ងន់ម្នាក់ និងស្រាលម្នាក់ ចំណែកជនបង្កវិញក៏នាំគ្នារត់គេចខ្លួនទៅបាត់ស្រមោលអស់ បង្កឱ្យមានការភ្ញាក់ផ្អើលកាលពីវេលាម៉ោង២និង២០នាទីរំលងអធ្រាត្រឈានចូលថ្ងៃទី០៩ ខែមករា ឆ្នាំ២០២៤ នៅតាមបណ្ដោយផ្លូវសហព័ន្ធរុស្ស៊ី ត្រង់ចំណុចស្តុបព្រៃទា ស្ថិតក្នុងភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ ។
យោងតាមប្រភពព័ត៌មានបញ្ជាក់ពីមិត្តភ័ក្ដិរបស់ជនរងគ្រោះ បានប្រាប់ឱ្យដឹងថា «នៅមុនពេលកើត ជនរងគ្រោះកំពុងតែនាំគ្នាអង្គុយហូបបាយឆាជួបជុំគ្នាជាមួយមិត្តភ័ក្ដិ នៅជិតកន្លែងកើតហេតុខាងលើសុខៗ ស្រាប់តែលេចមុខក្រុមជនបង្កមួយក្រុម ជិះម៉ូតូចំនួន៦គ្រឿង មានគា្នជាច្រើននាក់ ប្រដាប់ទៅដោយដាវ និងដំបងទីប រួចនាំគ្នាជិះម៉ូតូឆ្វែលពីរបីជុំ ហើយស្រែកថា «អានឹងហើយ» បន្ទាប់មកក៏នាំគ្នាចុះពីលើម៉ូតូ រួចដេ.ញកា.ប់ជនរងគ្រោះយកតែម្ដង»។
ប្រភពដដែលបន្តថា «នៅពេលនោះ បណ្ដាលឱ្យម្នាក់ត្រូវគេកា.ប់របួសម្រាមដៃ ហើយអ្នកខ្លះទៀតភ័យនាំគ្នារត់ប្រសេចប្រសាចចូលទៅចូលក្នុងបុរីញ៉ូថោន យកតែព្រះអាយុរៀងៗខ្លួន។ ដោយឡែកជនរងគ្រោះ២នាក់ក៏នាំគ្នាជិះម៉ូតូមួយគ្រឿង ម៉ាកហុងដាឌ្រីម ស៊េរី២០២២ ពណ៌ស ពាក់ស្លាកលេខ តាកែវ1X-9794 រត់គេចខ្លួន ។ លុះជិះម៉ូតូឆ្លងផ្លូវពីត្បូងទៅជើងបានបន្តិច ស្រាប់តែត្រូវរថយន្តទំនើបមួយគ្រឿង ម៉ាកCHEVROLET ពណ៌ស ឡើងតែមពណ៌ទឹកប្រាក់ ពាក់ស្លាកលេខ ភ្នំពេញ2BJ-1518 ធ្វើដំណើរមកពីកើតទៅលិចយ៉ាងលឿន រួចក៏បុ.កម៉ូតូពេញទំហឹង បណ្ដាលឱ្យខ្ទាតជាច្រើនម៉ែត្រ ធ្វើឱ្យអ្នកបើករងរបួសធ្ងន់ ចំណែកអ្នកជិះពីក្រោយរងរបួសស្រាល»។
ប្រភពដដែលបន្តទៀតថា «បន្ទាប់មក បក្សពួកជនបង្ក ក៏នាំគ្នាជិះម៉ូតូរត់គេចខ្លួនទៅបាត់ស្រមោលអស់ ចំណែកជនរងគ្រោះដែលរបួសធ្ងន់ ក៏ត្រូវបានមិត្តភ័ក្ដិដឹកតាមម៉ូតូយកទៅសង្គ្រោះបន្ទាន់ភ្លាមៗផងដែរ។ លុះក្រោយមក ទើបកម្លាំងសមត្ថកិច្ចមូលដ្ឋាន ចុះមកដល់ និងធ្វើការសួរនាំនៅហេតុការណ៍ខាងលើ រួចរាយការណ៍ទៅផ្នែកជំនាញបន្តទៀត»។
ក្រោយពេលកើតហេតុ ដោយខាងម្ចាស់រថយន្តមិនទាមទារសំណងថ្លៃខូចខាតពីភាគីខាងម្ចាស់ម៉ូតូរងគ្រោះនោះទេ ពីព្រោះថា គ្មានលទ្ធភាពសងរថយន្តរបស់គាត់ ដោយសារតែវាថ្លៃពេក បន្ទាប់មកក៏យកម៉ូតូចេញទៅ ចំណែករថយន្តវិញ រងការខូចខាតបើកមិនកើត ក៏ត្រូវបានខាងម្ចាស់រថយន្តទាក់ទងហៅរថយន្តស្ទូចយកទៅជួសជុលដោយខ្លួន ដើម្បីបញ្ចប់រឿងតែម្តង៕
ចែករំលែកព័តមាននេះ