រាជធានីភ្នំពេញ ៖ ពិតជាពុំគួរឱ្យជឿ! តារាចម្រៀង រ៉ូលីន ពិតជាមានទេពសិល្បៈតាំងពីក្មេង ដែលបងប្អូនគ្រប់គ្នាពុំបានដឹងទាល់តែសោះ ដោយតារាពហុជំនាញរូបនេះ ហ៊ានកាន់ក្បាលមេក្រូច្រៀងតាំងពីអាយុ៩ឆ្នាំ និងមានក្តីស្រមៃចង់ក្លាយជាតារាចម្រៀងផងដែរ។
ប្រាកដណាស់ តារាចម្រៀងកញ្ញា រ៉ូលីន ពិតជាក្តីស្រមៃខ្ពស់ជាមួយការខិតខំក្នុងការសម្រេចក្តីស្រមៃរបស់ខ្លួន ដោយកញ្ញាបានវិវឌ្ឍន៍ ៣៦០ដឺក្រេ ដោយកាលពីជំនាន់កញ្ញាប្រឡូកក្នុងសិល្បៈជាមនុស្សម្នាក់ផ្សេង និងនាពេលបច្ចុប្បន្ន គឺជាតារាពហុសិល្បៈនៅក្នុងក្រអៅដួងចិត្តបងប្អូនអ្នកទស្សនា។
ក្នុងនោះផងដែរ កាលពីពេលថ្មីនេះ តារាចម្រៀង រ៉ូលីន បានទម្លាយរូបភាពមួយសន្លឹករបស់ខ្លួនកាលពីក្មេង រួចលើកឡើងថា «រូបមួយសន្លឹកនេះ ជាមោទនភាពរបស់ខ្ញុំ ដែលខ្ញុំធំឡើងបានធ្វើការងារដែលខ្លួនស្រលាញ់ សុំគេច្រៀងតែមួយបទទេ! ប៉ុន្តែទាល់តែច្រៀងបាន១០បទទើបចុះពីឆាក»។
ចំពោះរូបនេះមួយសន្លឹងនេះផងដែរ តារាពហុសិល្បៈ រ៉ូលីន បានបង្ហើបអោយសារព័ត៌មានកោះសន្តិភាព បានអោយដឹងថា «រូបនេះតាំងពីកញ្ញានៅអាយុ៩ឆ្នាំ កាលនោះកញ្ញាសុំគេច្រៀងនៅក្នុងពិធីមង្គលការ នៅភោជនីយដ្ឋានអូឡាំពិច រង្វង់មូលសំពៅមាស»។
នៅពេលមានការចោទសួរថា តើអ្វីដែលជាក្តីស្រមៃរបស់កញ្ញាតាំងពីក្មេង?
កញ្ញា រ៉ូលីន បាននិយាយថា «កញ្ញាកាលពីកុមារភាពចង់ក្លាយជាតារាចម្រៀងមួយរូប ដូច្នេះនាពេលបច្ចុប្បន្ន កញ្ញាពិតជារីករាយណាស់ដែលសម្រេចបានវា ដោយការខិតខំប្រឹងរបស់កញ្ញា ក៏ដូចជាការជំនះវាផងដែរនោះ»។
កញ្ញាបានបន្តថា «កាលពីកញ្ញាប្រឡូកក្នុងសិល្បៈដំបូង គឺបានសិល្បករ សិល្បការិនីជួយដល់កញ្ញាច្រើន ក៏ដូចជាអ្នកផលិតកម្មវិធីផ្សេងៗផងដែរ។ ហើយលើសពីនេះ អាចថា ជាសមត្ថភាពដែលកញ្ញាមាន ដូចជាការច្រៀង បានទាំងសម្លេងប្រុស និងសម្លេងស្រី ដោយឥតឆ្គាំឆ្គងផងដែរនោះ»។
កញ្ញា រ៉ូលីន ដែលជាតារាដែលចូលចិត្តកំប្លុកកំប្លែងរូបនេះ បានបន្តថា «កញ្ញាចូលចិត្តច្រៀង ដោយកាលពីក្មេងនោះ មិនថាទៅថាសាលា នៅផ្ទះ ឬក្នុងបន្ទប់ទឹកនោះទេ ពោលគឺគ្រប់កន្លែង កញ្ញាចូលចិត្តច្រៀង។ ដូច្នេះម្ល៉េះហើយ ពេលដែលកញ្ញាបានសម្រេចចិត្តគោលដៅជាតារាចម្រៀងមួយដួងនោះ កញ្ញាក៏គោរពវេលា តួនាទី។ ដោយជាធម្មតា កញ្ញាពុំដែលមកយឺតអោយខកកម្មវិធីនោះឡើយ ហើយក៏មិនមានការដូរថ្ងៃច្រៀងនោះឡើយ ពោលគឺកញ្ញារ៉ូលីន អាចថា ជាតារាចម្រៀងមួយដួង ដែលគោរពពេលវេលា និងតួនាទីរបស់ខ្លួន»។
ប្រាកដណាស់ តារយៈរូបភាពដែលកញ្ញាបានបង្ហាញកាលពីក្មេងនោះ កញ្ញាបានបន្ថែមថា «គោលជំហរដែលកញ្ញាបង្ហាញរូបនោះ គឺចង់ឱ្យបងប្អូនចេះឈោងចាប់ក្តីស្រមៃរបស់ខ្លួន ដួលកន្លែងណា ក្រោកកន្លែងនោះ ទោះដួលប៉ុន្មានដងក៏ដោយ ដូចជាការសម្រចចក្តីខ្លួនឯងជារឿងសំខាន់ ដើម្បីសម្រេចភាពជោគជ័យ»៕ ដោយ ៖ លីហួ គីមឆាយ
ចែករំលែកព័តមាននេះ