ប្រវត្តិនៃការប្រើប្រាស់សេវាកម្មឥណទានមានខុសគ្នាទៅតាមអ្នកប្រវត្តិសាស្ត្រ និងអ្នកស្រាវជ្រាវ ប៉ុន្តែជារឿងមនុស្សត្រូវបានគេដឹងថា ចេះប្រើប្រាស់សេវាកម្មប្រភេទនេះ តាំងតែពីមុនគ្រឹស្តសករាជឯណោះ
ប្រវត្តិនៃការប្រើប្រាស់សេវាកម្មឥណទានមានខុសគ្នាទៅតាមអ្នកប្រវត្តិសាស្ត្រ និងអ្នកស្រាវជ្រាវ ប៉ុន្តែជារឿងមនុស្សត្រូវបានគេដឹងថា ចេះប្រើប្រាស់សេវាកម្មប្រភេទនេះ តាំងតែពីមុនគ្រឹស្តសករាជឯណោះ ។
តាមឯកសារស្រាវជ្រាវស្តីពីប្រវត្តិសេវាកម្មឥណទានមួយ របស់អ្នកប្រាជ្ញាអាមេរិកមួយរូប ដែលបានចេញផ្សាយតាំងពីឆ្នាំ១៩២៦ គឺលោក ណូប៊ល ហ្វូស្ទ័រ ហុកសុន ( Noble Foster Hoggson) បានឲ្យដឹងថា សេវាកម្មឥណទាននេះ ត្រូវបានគេសង្ស័យថា បានចាប់ផ្តើមដំបូង នៅក្នុងប្រទេសឥណ្ឌា សម័យបុរាណ ។
តាមអ្នកប្រវត្តិវិទូ រូបនោះ បានឲ្យដឹងថា នៅប្រហែលឆ្នាំ២០០០ មុនគ្រឹស្តសករាជ នៅតំបន់ អាស៊ីរៀ (Assyria) ដែលគេដឹងត្រឹមថា មានទីតាំងនៅតំបន់អាស៊ីខាងលិច នៅឥណ្ឌា ហើយនឹងនៅ សាំម័រ (Sumer) ដែលសព្វថ្ងៃនៅក្នុងតំបន់ឈូងសមុទ្រពែក្ស ពោលគឺនៅ តំបន់កណ្តាលនៃប្រទេសអ៊ីរ៉ាក់សព្វថ្ងៃ ។
ដំណើរការនៃសេវាកម្មឥណទាននៅពេលនោះ ត្រូវបានគេដឹងថា គឺបានកកើតឡើងតាមរយៈសេវាកម្មផ្តល់កម្ចីជាគ្រាប់ពូជរបស់ក្រុមឈ្មួញជូញដូរសម័យបុរាណ ជាមួយនឹងកសិករ ដើម្បីពួកគេប្រមែប្រមូលធនធានទាំងនេះ យកទៅធ្វើសកម្មភាពដោះដូររបស់ពួកគេពីទីក្រុងមួយទៅទីក្រុងមួយនៅលើពិភពលោក ។
ប្រវត្តិនៃការប្រើប្រាស់ឥណទានសម័យនោះ ត្រូវបានគេដឹងថា បានកកើតឡើងតាំងពីពិភពលោកនៅមិនទាន់មានរដ្ឋ ដែលមានរចនាសម្ព័ន្ធគ្រប់គ្រងត្រឹមត្រូវមកម្ល៉េះ ។
ក្រោយមក សេវាកម្មឥណទាន បានអភិវឌ្ឍន៍ឡើងបន្តិច នៅក្នុងសម័យក្រិកបុរាណ និងនៅក្នុងសម័យចក្រភពរ៉ូម៉ាំង ក្នុងអំឡុងនៃសតវត្សរ៍ទី៣១ មុនគ្រឹស្តសករាជ ដោយនៅពេលនេះ សេវាកម្មឥណទាននេះ ក៏បានសំបូរបែប ហើយមានរហូតដល់ មានសេវាកម្មទទួលបញ្ញើ ហើយនៅពេលនោះហើយដែលគេជឿជាក់ថា រូបរាងនៃសេវាកម្មឥណទាននេះ កាន់តែច្បាស់ឡើង ។
ក្រៅពីនោះ គេក៏ជឿដែរថា ជនជាតិចិនបុរាណ ក៏ជាជាតិសាសន៍មួយ ដែលបានប្រើប្រាស់សេវាកម្មឥណទាននេះ យូរយារមួយដែរ នៅលើពិភពលោក ។
នាំមកជូនដោយធនារគារព្រីនស៍ ធនាគារកម្ពុជាដើម្បីកម្ពុជា
អត្ថបទដោយ ៖ ស ផាត់
ចែករំលែកព័តមាននេះ