រាជធានីភ្នំពេញ ៖ បេឡាជាតិសន្តិសុខសង្គមនៃក្រសួងការងារ និងបណ្តុះបណ្តាលវិជ្ជាជីវៈ បានចុះឈ្មោះសមាជិកផ្នែកថែទាំសុខភាពរបបភាគទានដោយស្ម័គ្រចិត្តសរុបបានចំនួនជាង ៧ ម៉ឺននាក់គិតចាប់ពីថ្ងៃទី ១៥-២០ ខែវិច្ឆិកា ឆ្នាំ…
រាជធានីភ្នំពេញ ៖ បេឡាជាតិសន្តិសុខសង្គមនៃក្រសួងការងារ និងបណ្តុះបណ្តាលវិជ្ជាជីវៈ បានចុះឈ្មោះសមាជិកផ្នែកថែទាំសុខភាពរបបភាគទានដោយស្ម័គ្រចិត្តសរុបបានចំនួនជាង ៧ ម៉ឺននាក់គិតចាប់ពីថ្ងៃទី ១៥-២០ ខែវិច្ឆិកា ឆ្នាំ ២០២៣ ពោលគឺមានរយៈពេលត្រឹម ៦ ថ្ងៃប៉ុណ្ណោះ ក្រោយពីរដ្ឋាភិបាលប្រកាសប្រកាសដាក់ឱ្យអនុវត្តជាផ្លូវការនូវការអនុវត្តរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តកាលពីថ្ងៃទី ១៤ ខែវិច្ឆិកា ឆ្នាំ ២០២៣ ។
នេះជាការបញ្ជាក់របស់រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ឯកឧត្តម ហេង សួរ ក្នុងឱកាសជំនួបសំណេះសំណាលកម្មករ-កម្មការិនីជិត ២ ម៉ឺននាក់ក្នុងខណ្ឌកំបូលរាជធានីភ្នំពេញ ក្រោមអធិបតីភាពសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ។
ឯកឧត្តម ហេង សួរ បានគូសបញ្ជាក់ឲ្យដឹងថា គិតត្រឹមថ្ងៃទី ២០ ខែវិច្ឆិកា ឆ្នាំ ២០២៣ នេះ បេឡាជាតិសន្តិសុខសង្គមនៃក្រសួងការងារនិងបណ្តុះបណ្តាលវិជ្ជាជីវៈ បានចុះឈ្មោះសមាជិកផ្នែកថែទាំសុខភាពតាមរបបភាគទានដោយស្ម័គ្រចិត្តសរុបបានចំនួន ៧៤ ៩១៣ នាក់ក្នុងនោះបុគ្គលស្វ័យនិយោជន៍ចំនួន ៧៤ ៨៨៨ នាក់ និងអ្នកក្នុងបន្ទុកសមាជិក ប.ស.ស. ចំនួន ២៥ នាក់ ។
ទន្ទឹមនឹងនេះ ឯកឧត្តមបានលើកឡើងថា ក្នុងនោះមានអ្នកបានទៅប្រើប្រាស់សេវាចំនួន ៦ ៦៣៦ករណី និងចំណាយតាវការលិកអស់ទឹកប្រាក់ប្រមាណជាង ៣២៥ លានរៀល ដោយចាប់តាំងពីថ្ងៃប្រកាសអនុវត្តរបបថែទាំសុខភាព តាមរបបភាគទាន ដោយស្ម័គ្រចិត្តសម្រាប់ បុគ្គលស្វ័យនិយោជន៍ និងអ្នកក្នុងបន្ទុកមក ក្រសួងបានខិតខំសម្របសម្រួលបើកតាវការលិកជូនបងប្អូនជាសមាជិកដោយរលូន និងមិនទាន់ទទួលបាននូវបណ្តឹង ឬមានករណីដែលមិនទទួលបានតាវការលិកនោះទេ ។
ចំណែកឯការចុះផ្សព្វផ្សាយវិញ ឯកឧត្តមបានបញ្ជាក់បន្ថែមថា ប.ស.ស. បានចុះយុទ្ធនាការតាមរោងចក្រ សហគ្រាស ផ្ទះជួល ផ្សារ និងទីប្រជុំជនសរុបចំនួន ៨៤៧ លើក ដែលមានអ្នកចូលរួមចំនួនជិត ២៨ ម៉ឺននាក់ ហើយនឹងបន្តការចុះយុទ្ធនាការឱ្យបានចំនួន ៤ ពាន់លើក ដើម្បីឱ្យទទួលព័ត៌ មានដល់ប្រជាជនប្រមាណជិត ១,២ លាននាក់ផងដែរ ។
ឯកឧត្តមរដ្ឋមន្ត្រីមានប្រសាសន៍ថា ៖ « សមិទ្ធិផលដ៏ថ្លៃថ្លា និងគួរជាទីមោទនៈមួយនេះគឺកើតមានឡើងដោយ សារមូលដ្ឋានដ៏រឹងមាំនៃសុខសន្តិភាព ស្ថិរភាពនយោបាយ និងសេដ្ឋកិច្ច ដែលសម្តេចអគ្គមហាសេនាបតី ហ៊ុន សែន អតីតនាយករដ្ឋមន្ត្រី បានខិតខំកសាង ការពារ និងរក្សាជូនជាតិ និងមាតុភូមិកម្ពុជា នាពេលកន្លងទៅ និងកើតឡើងដោយសារការតាំងចិត្តដ៏មោះមុតក្នុងការការពារសមិទ្ធផលចាស់ និងបង្កើតសមិទ្ធផល និងមរតកថ្មីជូនជាតិរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា» ។
យោងតាមរបាយការក្រសួងការងារបានឲ្យដឹងថា តាមរយៈកម្មវិធីនេះ បុគ្គលស្វ័យនិយោជន៍ និងអ្នកក្នុង បន្ទុកសមាជិក ប.ស.ស. រួមមា ន ប្តីឬប្រពន្ធ និងកូនក្នុងបន្ទុកអាចទទួលបានរបបសន្តិសុខសង្គមផ្នែកថែទាំសុខភាព ដោយគ្រាន់តែបង់ភាគទានត្រឹមតែ ១៥ ៦០០ រៀល គឺបងប្អូនអាចទទួលបានសេវាព្យាបាល និងថែទាំវេជ្ជសាស្ត្រនៅគ្រប់ពេទ្យដែលជាដៃគូរបស់ ប.ស.ស. បន្ថែមពីលើមន្ទីរពេទ្យរដ្ឋ។ បុគ្គលស្វ័យនិយោជន៍ ជាស្ត្រីដែលបង់ភាគទានបាន ៩ ខែជាប់គ្នា នឹងទទួលបានប្រាក់បំណាច់លំហែមាតុភាព នៅពេលសម្រាលកូន និងវិភាជន៍ប្រាក់បូជាសពផងដែរ ៕ អត្ថបទសហការ
ចែករំលែកព័តមាននេះ