ក្រោយមានការបារម្ភ និងចង់ដឹងសុខទុក្ខពីសំណាក់ទស្សនិកជន ជាពិសេសបណ្តាអ្នកគាំទ្រនោះ ពេលនេះម្ចាស់ផលិតកម្មបានចេញមុខបញ្ជាក់ហើយអំពីស្ថានភាពរបស់តារាចម្រៀងវ័យក្មេង មីណា បន្ទាប់ពីនាងជួបឧប្បទ្ទហេតុធ្លាក់ពីលើឆាកតន្ត្រីផ្សាយផ្ទាល់ ខណៈពេលនាង
ខេត្តស្វាយរៀង ៖ ក្រោយមានការបារម្ភ និងចង់ដឹងសុខទុក្ខពីសំណាក់ទស្សនិកជន ជាពិសេសបណ្តាអ្នកគាំទ្រផងនោះ ពេលនេះម្ចាស់ផលិតកម្មបានចេញមុខបញ្ជាក់អំពីស្ថានភាពរបស់តារាចម្រៀងវ័យក្មេង កញ្ញា មីណា ហើយ បន្ទាប់ពីនាងជួបឧប្បទ្ទហេតុធ្លាក់ពីលើឆាកប្រគំតន្ត្រីផ្សាយផ្ទាល់ ខណៈពេលនាងចូលរួមច្រៀងរាំ កាលពីថ្ងៃអាទិត្យ ទី១៩ ខែវិច្ឆិកា ឆ្នាំ២០២៣ នៅទីរួមខេត្តស្វាយរៀង។
តាមការបញ្ជាក់ពីម្ចាស់ផលិតកម្ម ដែលតារាចម្រៀងរូបនេះកំពុងជ្រកកោននោះ បានប្រាប់ឱ្យដឹងថា ស្ថានភាពរបស់កញ្ញា មីណា គឺមិនមានអ្វីធំដុំទេ ឬគ្រោះថ្នាក់ធ្ងន់ធ្ងរនោះឡើយ ហើយរហូតមកទល់នាពេលនេះ សុខភាពរបស់នាងក៏ល្អជាធម្មតា។
ហើយផលិតកម្ម K’ve Entertainment ក៏បានចេញលិខិតមួយបង្ហោះតាមបណ្តាញសង្គមថា ដោយសារតែមានការបារម្ភពីពុកម៉ែបងប្អូន និងអ្នកគាំទ្រចំពោះស្ថានភាពរបស់កញ្ញា មីណា បន្ទាប់ពី មីណា បានធ្លាក់ពីលើឆាកក្នុងកំឡុងពេលសម្តែងនៅទីរួមខេត្តស្វាយរៀង ពួកយើងសូមបញ្ជាក់ពីស្ថានភាពរបស់កញ្ញា មីណា នៅពេលនេះ គឺ មីណា មិនមានគ្រោះថ្នាក់អ្វីធំទេ កញ្ញា មីណា មានសុខភាពល្អជាធម្មតា។
យ៉ាងណាមិញ ពួកយើងក៏សូមអរគុណយ៉ាងជ្រាលជ្រៅដល់ពុកម៉ែបងប្អូនដែលបានបារម្ភអំពីសុខភាពរបស់កញ្ញា មីណា និងអរគុណដល់ក្រុមការងារ BTV ដែលជួយ និងមើលថែកញ្ញា មីណា នៅថ្ងៃកើតហេតុនោះផ្ទាល់។ ជាចុងក្រោយ ពួកយើងសូមអរគុណយ៉ាងជ្រាលជ្រៅម្តងទៀត ។
ជាការកត់សម្គាល់ តារាចម្រៀង មីណា បានជួបឧប្បទ្ទហេតុមិននឹកស្មានដល់ ដោយនាងបានធ្លាក់ពីលើឆាកអំឡុងពេលនាងកំពុងតែសម្តែងនៅក្នុងការប្រគំតន្ត្រីនោះ ហើយក៏មានការផ្សាយផ្ទាល់តាមកញ្ចក់ទូរទស្សន៍បាយ័នផងដែរ ។
ទិដ្ឋភាពនៃការធ្លាក់ពីលើឆាកតន្ត្រីរបស់តារាចម្រៀងរូបនេះ ក៏ត្រូវបានចាប់ជាប់ដោយកាមេរ៉ាដែលកំពុងផ្សាយផ្ទាល់នោះ។ មិនត្រឹមប៉ុណ្ណោះរូបភាពទាំងនោះ ត្រូវបានគេចែកចាយពាសពេញបណ្តាញសង្គម ធ្វើឲ្យទស្សនិកជន ជាពិសេសបណ្តាអ្នកគាំទ្រសម្តែងក្តីរន្ធត់យ៉ាងខ្លាំង និងក្តីបាម្ភយ៉ាងខ្លាំងអំពីស្ថានភាពគ្រោះថ្នាក់របស់កញ្ញា មីណា នាពេលនេះ ។
យ៉ាងណាម៉ិញ អំឡុងពេលនោះ កញ្ញា មីណា នៅតែព្យាយាមក្រោកឡើងមកលើឆាកតន្ត្រីវិញ និងបានបន្តការច្រៀងរាំចំនួន២បទរបស់ខ្លួន តម្រូវទៅតាមកម្មវិធីដែលបានគ្រោងទុក ដោយមិនឲ្យខូចកម្មវិធីរបស់គេនោះឡើយ ៕
ចែករំលែកព័តមាននេះ