ខេត្តបន្ទាយមានជ័យ ៖ មានការប្រទះឃើញបុរសម្នាក់ស្លាប់.ក្នុងរថយន្តលុចស៊ីសRX.330 ដែលជាករណីឃាតកម្មបា.ញ់សម្លាប់ សមត្ថកិច្ចជំនាញកំពុងពិនិត្យ ដែលហេតុការណ៍បង្កការភ្ញាក់ផ្អើលនៅថ្ងៃទី០៧ ខែវិច្ឆិកា ឆ្នាំ២០២៣ ស្ថិតក្នុងភូមិអណ្តូងថ្មមាស សង្កាត់និមិត្ត…
ខេត្តបន្ទាយមានជ័យ ៖ មានការប្រទះឃើញបុរសម្នាក់ស្លាប់.ក្នុងរថយន្តលុចស៊ីសRX.330 ដែលជាករណីឃាតកម្មបា.ញ់សម្លាប់ សមត្ថកិច្ចជំនាញកំពុងពិនិត្យ ដែលហេតុការណ៍បង្កការភ្ញាក់ផ្អើលនៅថ្ងៃទី០៧ ខែវិច្ឆិកា ឆ្នាំ២០២៣ ស្ថិតក្នុងភូមិអណ្តូងថ្មមាស សង្កាត់និមិត្ត ក្រុងប៉ោយប៉ែត ។
សមត្ថកិច្ចជំនាញបានប្រាប់ថា សពបុរសដែលគេប្រទៈឃើញស្លាប់ក្នុងរថយន្តលុចស៊ីសRX.330ពាក់ផ្លាកលេខភ្នំពេញ2AP-6254 ឃើញសភាពស្លាប់នៅកៅអីខាងមុខផ្នែកខាងស្តាំ ដែលមានស្លាកស្នាម៤កន្លែង ដោយបាញ់ក្បាលពីក្រោយធ្លាយមកភ្នែកខាងស្តាំ និងបាញ់សៀតផ្កាខាងឆ្វេង
ធ្លាយមកស្តាំ។
មន្ត្រីសុខាភិបាលបានប្រាប់ថា សាកមានអាយុប្រមាណជិត៣០ឆ្នាំ (អាចជនជាតិចិន ឬជនជាតិតៃវ៉ាន់) ។ ជនរងគ្រោះស្លាប់មានរយៈពេល២យប់មកហើយ ដោយស្ថានភាពហើមមុខឡើងខៀវ ។
សមត្ថកិច្ចបានបញ្ជាក់ថា ករណីប្រទះឃើញសាកសពក្នុងរថយន្តលុចស៊ីសRX.330 អាចករណីឃាតកម្មបាញ់សម្លាប់ និងបានរកឃើញវត្ថុតាងមានសំបកគ្រាប់ចំនួន២គ្រាប់ប្រភេទអាវុធខ្លីម៉ាកឡក់ ដែលជនដៃដល់ទុកចោលលើរថយន្តហើយគេចខ្លួនបាត់ ។
បច្ចុប្បន្ន សាកសពជនរងគ្រោះយកទៅតម្កលទុកនៅវត្តប្រជាធម្មសង្កាត់ផ្សារកណ្តាល ក្រុងប៉ោយប៉ែត។ ពាក់ព័ន្ធករណីឃាតកម្មបាញ់នេះ សមត្ថកិច្ចសង្ស័យអាចពាក់ព័ន្ធល្បែងអនឡាញលេងឈ្នះ មេគ្មានលុយសង និងលេងល្បែងចាញ់គ្មានលុយសង និងជាករណីចាប់ជំរិតគ្មានលុយអោយទើប ទើបមានករណីបាញ់សំលាប់យកទៅបោះចោលរឺប្លង់ចោល ។
មានព័ត៌មានបន្ថែម កោះសន្តិភាពផ្សាយជូនបន្ត ។
ចែករំលែកព័តមាននេះ