រាជធានីភ្នំពេញ ៖ ក្រុមហ៊ុន EZECOM បានប្រកាសជាផ្លូវការថា យើងបានទិញភាគហ៊ុន ១០០% ពីក្រុមហ៊ុន TELCOTECH Ltd (TCT) ហើយក្រុមហ៊ុននេះ នឹងក្លាយជាក្រុមហ៊ុនមួយបន្ថែមទៀតនៅក្នុង EZECOM Group of Companies។ TCT គឺជាក្រុមហ៊ុនខ្សែកាបអុបទិកដ៏ធំ ទទួលបន្ទុកចែកចាយទូទាំងប្រទេស ហើយមានមូលដ្ឋាននៅ
រាជធានីភ្នំពេញ ៖ ក្រុមហ៊ុន EZECOM បានប្រកាសជាផ្លូវការថា យើងបានទិញភាគហ៊ុន ១០០% ពីក្រុមហ៊ុន TELCOTECH Ltd (TCT) ហើយក្រុមហ៊ុននេះ នឹងក្លាយជាក្រុមហ៊ុនមួយបន្ថែមទៀតនៅក្នុង EZECOM Group of Companies។ TCT គឺជាក្រុមហ៊ុនខ្សែកាបអុបទិកដ៏ធំ ទទួលបន្ទុកចែកចាយទូទាំងប្រទេស ហើយមានមូលដ្ឋាននៅក្នុងបណ្ដាញក្រុមហ៊ុន Asia American Gataway (AAG) Submarine Cable Network។
EZECOM គឺជាក្រុមហ៊ុនផ្គត់ផ្គង់សេវាកម្មអ៊ីនធើរណេតដ៏ធំនៅកម្ពុជា ដែលមានបណ្ដាញខ្សែកាប Metro និង Gpon នៅទូទាំងប្រទេស។ បច្ចុប្បន្ននេះក្រុមហ៊ុន EZECOM មានបណ្ដាញអន្ដរជាតិបីខ្សែ ហើយផ្ដល់នូវសេវាកម្មយ៉ាង ច្រើនដែលមានដូចជា បណ្ដាញខ្សែកាបអុបទិក សេវាកម្ម MPLS, Data Centre មជ្ឈមណ្ឌល Disaster Recovery និង សេវាកម្ម VoIP ទូទាំងប្រទេសកម្ពុជា។
លោក Paul Blanche-Horgan ដែលជាអគ្គនាយកក្រុមហ៊ុន EZECOM បានមានប្រសាសន៍ថា TCT បាននាំមកនូវចក្ខុវិស័យជាយុទ្ធសាស្ដ្រ ព្រមជាមួយនឹងផលិតផលបច្ចេកវិទ្យាថ្មីបន្ថែមទៀតមកឱ្យ EZECOM Group។ លោកបន្ថែមទៀតថា ហេតុផលដែលធ្វើឱ្យ EZECOM ទិញយកភាគហ៊ុននេះ គឺដោយសារតែជំនឿជាក់ថា ការរួមបញ្ចូលគ្នារវាងក្រុមហ៊ុនទាំងពីរ អាចផ្ដល់នូវតម្លៃយ៉ាងអស្ចារ្យមួយ «តាមរយៈការរួមបញ្ចូលគ្នា យើងមានលទ្ធភាពខ្ពស់ក្នុងការពង្រីកការអភិវឌ្ឈ»។ យើងនឹងបន្ដផ្ដល់ជូនប្រជាជនកម្ពុជាទាំងអស់នូវសេវាកម្មដ៏មានគុណភាពខ្ពស់ ដោយកាត់បន្ថយការចំណាយរបស់ពូកគាត់ ព្រមទាំងនឹងធ្វើឱ្យសេវាកម្មអ៊ីនធើរណេតកាន់តែរីកសាយភាយពាសពេញផ្ទៃប្រទេស។
កម្លាំងចលករសំខាន់ចំពោះភាពជោគជ័យនេះ គឺដោយសារតែកត្ដាមួយចំនួនដូចជា ភាពជាម្ចាស់នៃ Asia American Gateway (AAG) Submarine Cable, បណ្ដាញខ្សែកាបអុបទិកដែលមានទូទាំងផ្ទៃប្រទេស ព្រមជាមួយនឹងបណ្ដាញ Metro Access សម្រាប់អតិថិជន ដែលយើងបានដាក់ពង្រាយពេញរាជធានីភ្នំពេញ និងនៅតាមបណ្ដាខេត្ដ-ក្រុងផ្សេងៗទៀត៕
ចែករំលែកព័តមាននេះ