ជាថ្មីម្តងទៀត មហាជន ជាពិសេសបណ្តាអ្នកលេងហ្វេសប៊ុក សម្តែងការភ្ញាក់ផ្អើលយ៉ាងខ្លាំង បន្ទាប់ពីមានបុរសម្នាក់បានចេញមុខមកប្រកាសជាសាធារណៈឲ្យតារាសម្តែងអ្នកស្រឡាញ់ភេ.ទដូចគ្នា គឺនាង ផេន ខេក ចេញមុខសងលុយដែលជំពាក់ខ្លួនមិនទាន់សងអស់ ខណៈពេលតារារូបនេះ
រាជធានីភ្នំពេញ ៖ ជាថ្មីម្តងទៀត មហាជន ជាពិសេសបណ្តាអ្នកលេងហ្វេសប៊ុក សម្តែងការភ្ញាក់ផ្អើលយ៉ាងខ្លាំង បន្ទាប់ពីមានបុរសម្នាក់បានចេញមុខមកប្រកាសជាសាធារណៈឲ្យតារាសម្តែងអ្នកស្រឡាញ់ភេ.ទដូចគ្នា គឺនាង ផេន ខេក ចេញមុខសងលុយដែលជំពាក់ខ្លួនមិនទាន់សងអស់ ខណៈពេលតារារូបនេះ ក៏ធ្លាប់ទទួលរងនូវរឿងរ៉ាវដូចគ្នានេះផងដែរ កាលពីពេលកន្លងទៅ ។
បុរសម្នាក់ដែលមានឈ្មោះនៅក្នុងគណនីហ្វេសប៊ុក «Hea Nuth» បានសរសេរបង្ហោះសារ ដោយមានរូបភាពរបស់ ផេន ខេក តាមបណ្តាញសង្គមរបស់ខ្លួនថា «លុយយូរហើយលើករហូតចឹង ច្បាស់ថ្ងៃទី១៦ អត់ឃើញបា.ញ់មកសោះ ចរិតថោ.កម៉េស អស់ទ្រាំយូរឆ្នាំហើយ អ.ញត្រូវយកលុយសងគេដែល PanCake យាយមួយគ្នា សូមសងមួយខែ500$ ក៏ញុមព្រម ដល់ថ្ងៃសងលើកចេះ លើកចុះ លើកអត់ចប់ ក៏ញុមអត់មាត់ សូមពន្យារថ្ងៃក៏ញុមព្រមឱ្យតែដល់ថ្ងៃ ឱ្យលុយញុមមក ដល់ថ្ងៃអត់បា.ញ់ឱ្យ ហើយយាយឡូយទៀតយី»។
យ៉ាងណា បុរសខាងលើនេះ មិនបានបញ្ជាក់ទេថា តើ ផេន ខេក បានជំពាក់លុយរបស់ខ្លួនក្នុងចំនួនប៉ុន្មានឡើយ? ប៉ុន្តែបើតាមអ្វីដែលម្ចាស់គណនីខាងលើ បានធ្វើការខំមិនពីក្រោមអ្វីដែលខ្លួនបានសរសេរនោះ គឺខ្លួនមានការឈឺចាប់ជាខ្លាំងចំពោះរឿងមួយនេះ។
ដោយឡែក ពាក់ព័ន្ធករណីខាងលើនេះ កោះសន្តិភាពនៅមិនទាន់អាចស្វែងរកការស្រាយបំភ្លឺពីតារាអ្នកស្រឡាញ់ភេ.ទដូចគ្នា ផេន ខេក បាននៅឡើយទេ ខណៈពេលដែលការសាកសួរមិនទាន់មានការឆ្លើយតប ។
ជាការកត់សម្គាល់ កាលពីពេលកន្លងទៅ តារាសម្តែង ផេន ខេក ធ្លាប់បានប្រកាសថា «ខ្លួនបានជាប់ផុងជាមួយនឹងបំណុលប្រមាណ១៥ម៉ឺនដុល្លារ នៅក្នុងរយៈពេល២ឆ្នាំចុងក្រោយនេះ ខណៈពេលដែលបំណុលមួយនេះ នាងបានព្យាយាមដោះស្រាយជាខ្លាំង ប៉ុន្តែហាក់មិនទាន់មានការធូរស្រាល»។
ផេន ខេក ធ្លាប់បានលើកឡើងថា «នាងជំពាក់បំណុលគេរហូតដល់ទៅ ១៥ម៉ឺនដុល្លារ កំពុងធ្វើឱ្យមានការរង្គោះរង្គើរយ៉ាងខ្លាំងក្នុងវិស័យសិល្បៈ សូម្បីតែរូបនាងផ្ទាល់ក៏មិនទាន់ដឹងថា នឹងត្រូវដោះស្រាយបែបណាដែរ»។ នាងបញ្ជាក់ថា «ជាក់ស្តែង ប៉ុន្មានថ្ងៃនេះ មានអ្នកតាមទារបំណុលនាងគ្រប់ច្រកល្ហក់ មានអ្នកខ្លះបានឡាយតាមហ្វេសប៊ុក និងប្រកាសឱ្យនាងចូលខ្លួនដោះស្រាយរឿងបំណុលទៀតផង»។
យ៉ាងណា បើតាម ផេន ខេក ថា «អ្វីដែលនាងចង់បាននៅពេលនេះ គឺសុំឱ្យអ្នកគាំទ្រចូលរួមជួយលើកទឹកចិត្ត និងផ្តល់កម្លាំងចិត្តដល់នាង ជាជាងការជាន់ពន្លិចនាងបន្ថែមទៀត ក្នុងពេលដែលនាងស្នើសុំឱ្យអ្នកដឹកនាំ ឬអ្នករៀបចំកម្មវិធី និងម្ចាស់ក្រុមហ៊ុននានា បន្តទទួលជួលនាងធ្វើការងារជាធម្មតា ដើម្បីទុកឱកាសឱ្យនាងរកប្រាក់ចំណូលសងបំណុលគេជាបណ្តើរៗ»៕
ចែករំលែកព័តមាននេះ