ADផ្ទាំងផ្សព្វផ្សាយពាណិជ្ជកម្ម

Picture

ត្រឹម​៣​ថ្ងៃ​! ភ្ញៀវ​ជាតិ និង​អន្តរជាតិ មក​កម្សាន្ត​នៅ​បន្ទាយ​មាន​ជ័យ ជាង​៦៥​ម៉ឺន​នាក់ (​វី​ដេ​អូ​)

7 ខែ មុន
  • បន្ទាយមានជ័យ

នៅ​ក្នុង​ឱកាស​បុណ្យ​ភ្ជុំបិណ្ឌ រយៈពេល​៣​ថ្ងៃ មាន​ភ្ញៀវ​ទេសចរ​ជាតិ និង​អន្តរជាតិ បាន​នាំ​គ្នា​មក​លេង​កម្សាន្ត​នៅ​ក្នុង​ទឹកដី​ខេត្តបន្ទាយមានជ័យ មាន​ចំនួន​ជាង​៦៥​ម៉ឺន​នាក់

ខេត្តបន្ទាយមានជ័យ ៖ នៅ​ក្នុង​ឱកាស​បុណ្យ​ភ្ជុំបិណ្ឌ រយៈពេល​៣​ថ្ងៃ មាន​ភ្ញៀវ​ទេសចរ​ជាតិ និង​អន្តរជាតិ បាន​នាំ​គ្នា​មក​លេង​កម្សាន្ត​នៅ​ក្នុង​ទឹកដី​ខេត្តបន្ទាយមានជ័យ មាន​ចំនួន​ជាង​៦៥​ម៉ឺន​នាក់ នេះ​បើ​គិត​ត្រឹម​ថ្ងៃ​ទី​១៣ ខែតុលា ឆ្នាំ​២០២៣ រហូត​ដល់​ថ្ងៃ​ទី​១៥ ខែតុលា ឆ្នាំ​២០២៣​នេះ​។

លោក ឈឿ​ន សេរី​វុ​ធ ប្រធាន​មន្ទីរ​ទេសចរណ៍​ខេត្តបន្ទាយមានជ័យ បាន​ប្រាប់​ឱ្យ​ដឹង​ថា នៅ​ក្នុង​ឱកាស​បុណ្យ​ភ្ជុំបិណ្ឌ ប្រពៃណី​ខ្មែរ រយៈពេល​៣​ថ្ងៃនេះ មាន​ភ្ញៀវ​ទេសចរ​ជាតិ និង​អន្តរជាតិ បាន​មក​លេង​កម្សាន្ត​ក្នុង​ខេត្តបន្ទាយមានជ័យ មាន​ចំនួន​៦៥,៩២៤​នាក់ ក្នុង​នោះ​មាន​ភ្ញៀវ​ទេសចរ​ជាតិ​ចំនួន​៦៥,៨៩៨​នាក់ និង​ភ្ញៀវ​អន្តរជាតិ​ចំនួន​២៦​នាក់​។

លោក​បាន​បញ្ជាក់​ថា រយៈពេល​៣​ថ្ងៃ ដែល​មាន​ភ្ញៀវ​ទេសចរ​ជាតិ និង​អន្តរជាតិ​មក​កម្សាន្ត​នៅ​ខេត្តបន្ទាយមានជ័យ គឺ​នៅ​ថ្ងៃ​ទី​១៣ ខែតុលា ឆ្នាំ​២០២៣ មាន​ភ្ញៀវ​ទេសចរ​ចំនួន​១៣,៥៤៥​នាក់ ក្នុង​នោះ​ភ្ញៀវ​ជាតិ​ចំនួន​៦​នាក់​, នៅ​ថ្ងៃ​ទី​១៤ ខែតុលា មាន​ភ្ញៀវ​ទេសចរ​ចំនួន​៣៥,៧២១​នាក់ ក្នុង​នោះ​ភ្ញៀវ​អន្តរជាតិ​ចំនួន​១២​នាក់ និង​ថ្ងៃ​ទី​១៥ ខែតុលា មាន​ភ្ញៀវ​ទេសចរ​ចំនួន​១៦,៦៥៨​នាក់ ក្នុង​នោះ​ភ្ញៀវ​អន្តរជាតិ​ចំនួន​៨​នាក់​។

លោក ឈឿ​ន សេរី​វុ​ធ បាន​បញ្ជាក់​ទៀត​ថា ភ្ញៀវ​ទេសចរ​ជាតិ និង​អន្តរជាតិ​ដែល​មក​លេង​កម្សាន្ត​នៅ​ខេត្តបន្ទាយមានជ័យ ក្នុង​ឱកាស​បុណ្យ​ភ្ជុំបិណ្ឌ​រយៈពេល​៣​ថ្ងៃនេះ គឺ​មាន​ប្រមាណ​ជាង​៦៥​ម៉ឺន​នាក់ មាន​ដូច​ជា ៖ ប្រាសាទបន្ទាយឆ្មា​, ប្រាសាទបន្ទាយ​ទ័ព​, ប្រាសាទ​មេបុណ្យ​, និង​អាង​ជើងគ្រុស ស្ថិត​ក្នុង​ឃុំ​បន្ទាយឆ្មារ ស្រុក​ថ្មពួក ហើយ​ភ្ញៀវ​ទេសចរ​ទៅ​លេង​កម្សាន្ត​អាង​ត្រពាំង​ថ្ម ស្ថិត​ក្នុងស្រុក​ភ្នំស្រុក និង​ទៅ​កម្សាន្ត​តាម​វត្ត​អារាម ក្នុង​ខេត្ត ហើយនឹង​ទៅ​លេង​ទឹក ដែល​ជន់​លិច​តាម​បណ្តា​ស្រុក​-​ក្រុង​មួយ​ចំនួន​ទៀត បាន​ក្លាយជា​តំបន់​កម្សាន្ត​ផង​ដែរ​៕

អត្ថបទសរសេរ ដោយ

កែសម្រួលដោយ