យ៉ែម ស្រីពេជ្រ ចេញមុខបដិសេធ ក្រោយជួបរឿងហួសចិត្តពាក់ព័ន្ធអាក់ខោនហ្វេសប៊ុកក្លែងក្លាយ
- ភ្នំពេញ
រាជធានីភ្នំពេញ ៖ តារាសម្តែង កញ្ញា យ៉ែម ស្រីពេជ្រ បានចេញមុខបដិសេធ ក្រោយជួបរឿងហួសចិត្ត
រាជធានីភ្នំពេញ ៖ តារាសម្តែង កញ្ញា យ៉ែម ស្រីពេជ្រ បានចេញមុខបដិសេធ ក្រោយជួបរឿងហួសចិត្តពាក់ព័ន្ធទៅនឹងគណនេយ្យហ្វេសប៊ុកក្លែងក្លាយដែលបានប្រើប្រាស់ឈ្មោះ និងរូបរបស់នាង ហើយទៅធ្វើរឿងផ្តេសផ្តាស់ទាំងដែលនាងមិនបានដឹងខ្លួនអ្វីទាំងអស់ ។
ដោយមិនទាន់អាចស្វែងរកជនដែលបង្កើតគណនេយ្យហ្វេសប៊ុកក្លែងក្លាយឃើញនៅឡើយ ប៉ុន្តែ យ៉ែម ស្រីពេជ្រ បានស្នើឲ្យបុគ្គលរូបនោះបញ្ឈប់សកម្មភាពមួយនេះជាបន្ទាន់ ខណៈពេលដែលនាងក៏បានស្នើឲ្យមហាជនកុំមានការយល់ច្រឡំមកលើរូបនាងចំពោះរឿងដែលមិនល្អកើតចេញពីបញ្ហាមួយនេះ ។
តាមរយះវីដអូដែលបង្ហោះនៅលើបណ្តាញសង្គម យ៉ែម ស្រីពេជ្រ បានលើកឡើងថា ដំបូងឡើយបុគ្គលម្នាក់នោះបានឆាតទៅអ្នកដែលស្គាល់គ្នាជាមួយនាង ហើយនិយាយថា នាងខ្ចីលុយធនាគារ២ខែហើយមិនសងគេ ។
នាងបញ្ជាក់ថា ខ្ញុំចង់ប្រាប់បងប្អូនថាខ្ញុំមិនដែលខ្ចីលុយធនាគារទេ ហើយបើថា ខ្ញុំខ្ចីលុយធនាគារហេតុអីក៏ខលទាក់ទងខ្ញុំមិនបាន មិនមកដល់ផ្ទះខ្ញុំ ហើយហេតុអីបានទៅទាក់ទងបុគ្គលដែលស្គាល់ខ្ញុំទៅវិញ ។ អញ្ចឹងខ្ញុំចង់ប្រាប់បងប្អូនថា ខ្ញុំអត់ដឹងអ្វីរឿងទាំអស់ ហើយខ្ញុំក៏អត់ចង់មានរឿងនេះកើតឡើងដែរបានជាខ្ញុំចេញមុខបកស្រាយនាពេលនេះ ។
នាងបន្តថា ដំបូងឡើយខ្ញុំគិតថា នេះជារឿងតូចតាច ប៉ុន្តែគាត់មិនត្រឹមបង្កើតហ្វេសប៊ុកក្លែងក្លាយនោះទេ ថែមទាំងទៅបង្កើតគណនេយ្យIG ក្លែងក្លាយដាក់រូបខ្ញុំ ហើយបាន Add និងFollow អ្នកដែលស្គាល់ខ្ញុំទាំងអស់ រួមទាំងជនជាតិថៃដែលនាងធ្លាប់ធ្វើការជាមួយ ទាំងដែរនាងមិនដឹងខ្លួន ទើបតែប្អូនៗ និងអ្នកធ្វើការជាមួយខ្ញុំឆាតមកសួរនាំបានដឹងថាមានគណនេយ្យក្លែងក្លាយ ។
យ៉ែម ស្រីពេជ្រ បានបញ្ជាក់ថា សម្រាប់នាងទាំងហ្វេសប៊ុក ទាំងIG គឺនាងមានតែមួយប៉ុណ្ណោះ ហើយប្រសិនមានគណនេយ្យហ្វេសប៊ុកផ្សេងមិនពិតបង្កើតឡើង មានរឿងរ៉ាវអ្វីមិនល្អនោះគឺនាងមិនពាក់ព័ន្ធឡើយ ហើយប្រសិនបងប្អូនចង់ដឹងគណនេយ្យនោះពិតឬក្លែងក្លាយនោះគឺអាចចូលមើលថា គណនេយ្យនោះលេងយូរឬនៅ ។ ហើយប្រសិនបើមានគេឆាតទៅខ្ចីលុយនោះ បើត្រឹមតែសសេរជាអក្សរគឺសូមកុំជឿឲ្យសោះ តែបើជាសម្លេងរបស់នាងផ្ទាល់ចាំជឿ ។
បើតាម យ៉ែម ស្រីពេជ្រ តាមរយះវីដែអូមួយនេះនាងសូមឲ្យ បងឬប្អូនដែលកំពុងបង្កើតគណនេយ្យក្លែងក្លាយរបស់នាងនោះ សូមឈប់ទៅ កុំទៅបោកប្រាស់លុយគេ ព្រោះការងារមានច្រើនណាស់នៅក្នុងស្រុកខ្មែរ ។
នាងបញ្ជាក់ថា ទោះបីជាយើងមិនមានលំដាប់នៅក្នុងស្រុកខ្មែរក៏ដោយ ប៉ុន្តែគ្រាន់តែធ្វើការងារចិញ្ចឹមក្រពះបីពេលក៏បាន ហេតុអ្វីចាំបាច់ត្រូវធ្វើរឿងបែបនេះ បោកប្រាស់លុយគេធ្វើអ្វី ។ នាងបន្តថា យើងធ្វើបែបនេះតើអាចចាយបានមួយជីវិតឬក៏អត់ ហើយបានសុខឬអត់គឺមិនអាចទេ ហើយរិតតែមិនអាចបំពេញក្រពះយើងពេញមួយជីវិតបានដែរ ហេតុអ្វីត្រូវជំរុញចិត្តខ្លួនឯងទៅបង្កើតគណនេយ្យក្លែងក្លាយធ្វើបាបអ្នកដ៏ទៃធ្វើអ្វី លុយគេ គេរកចេញពីញើសឈាម អញ្ចឹងកុំធ្វើ ។
ទោះជាយ៉ាងណា នាងនៅតែទទូចសុំកុំឲ្យមហាជនកុំជឿចំពោះជនដែលបានបង្កើតគណនេយ្យក្លែងក្លាយដោយប្រើឈ្មោះ និងរូបរបស់នាងហើយទៅធ្វើរឿងមិនល្អ ខណះពេលរឿងមួយនេះមិនធ្លាប់កើតមានចំពោះរូបនាងពីមុនមកឡើយ ៕
ចែករំលែកព័តមាននេះ