ប្រេតមានច្រើនប្រភេទ តែប្រេតមួយនោះ មានរូបល្អដូចទេវតា
- ភ្នំពេញ
ជនជាតិខ្មែរយើងកំពុងតែប្រារព្ធពិធីបុណ្យភ្ជុំបិណ្ឌ នៅថ្ងៃនេះជាវេនបិណ្ឌទី៩ សូមយល់ដឹងពីពួកប្រេតមួយចំនួន ។ មានប្រេតមួយរូបល្អណាស់ ល្អដូចទេវតា ទាស់តែ…!!!
រាជធានីភ្នំពេញ ៖ ជនជាតិខ្មែរយើងកំពុងតែប្រារព្ធពិធីបុណ្យភ្ជុំបិណ្ឌ នៅថ្ងៃនេះជាវេនបិណ្ឌទី៩ សូមយល់ដឹងពីពួកប្រេតមួយចំនួន ។ មានប្រេតមួយរូបល្អណាស់ ល្អដូចទេវតា ទាស់តែ…!!!
ប្រេតឈ្មោះសត្ថង្គ ៖
មានដំបៅពេញរាងកាយ ក្នុងសាច់សុទ្ធតែព.ងរុយ មានខ្ទុះពាសពេញខ្លួនប្រាណ ក្លិនស្អុយគគ្រុក ភ្នែកធំលៀន ច្រមុះធំវែង ពោះធ្លាក់ទ្រយុក ស្រែកថ្ងូររងទុក្ខ ។ ដោយមានសេចក្តីស្រេកឃ្លាន ខំយកដៃខ្វារពាសពេញប្រាណ ក្រចកវែងមុត ខ្វេះហែកសាច់បាន គឺសាច់ខ្លួនឯង យកមកស៊ីជាអាហារ ប៉ុន្តែបើស៊ីណាស់រឹតតែឃ្លានណាស់ ព្រោះវាមានកម្មក្រាសណាស់។ នៅក្នុងព្រៃជ្រៅលើកោះ ក៏មានច្រើនណាស់ គគោករាប់ម៉ឺនសែនលាន កាលពីជាតិមុនអត់បានធ្វើបុណ្យ មានចិត្តកា.ច ។
ប្រេតនេះច្រើនរស់នៅឫស្យា ប្រកែកជាមួយម៉ែឪ ព្រមទាំងវា.យគាត់ ប្រើពាក្យប្រមា.ថជីដូន ជីតា ឬញាតិសន្តានបំភ្លេចគុណគេ បែរជាឲ្យទោសគេទៅវិញ ។
ប្រេតឈ្មោះបព្វតង្គ ៖
មានដៃខ្លីជើងខ្លី ខ្លួនវែងជ្រងក់ ធំខ្ពស់ដូចភ្នំ ក្បាលតូច ក.ខ្លី សាច់រឹងដូចដំរី ។ ចំពោះខ្លួនប្រាណវិញ គឺមានភ្លើងឆេះរងំឆេះទាំងយប់ទាំងថ្ងៃ ដូចភ្លើងឆេះភ្នំ ។ ស្រេកឃ្លានអាហាររាប់កោដិឆ្នាំ ឃ្លានឥតមានស្រាក តែមិនស្លា.ប់ ព្រោះបានធ្វើបាបកម្មច្រើន និងទ្រាំរស់នៅបែបបនេះរាប់រយឆ្នាំទៀត លុះអស់កម្មពៀរ។
ប្រេតនេះច្រើនរស់នៅក្នុងដងព្រៃជ្រៅនាហេមពាន្តភ្នំគិជ្ឈកូដ កាលពីជាតិមុន គឺមនុស្សទុរជន មានចិត្តរឹងរូស ចងគំនុំឈ្លោះប្រកែក និងតាមព្យាបាទគេឯងឥតកោតក្រែង អំពើអាក្រក់ដែលខ្លួនបានសាង ។
ប្រេតឈ្មោះអជគរង្គ ៖
មានក្បាលច្រើនប្រភេទ ដូចជាពស់ថ្លាន់ សត្វខ្លា ឆ្មា គោ ក្របី…។ ប្រេតនេះ ចម្លែកមានរូបរាងប្លែកខុសប្រក្រតី ខ្លួនជាពស់ថ្លាន់ធំវៀនលើដី ធំវែងដូចភ្នំ។ ភ្លើងឆេះព័ទ្ធរុំទាំងយប់ទាំងថ្ងៃ ស្រេកឃ្លានអាហារគ្រប់ពេលវេលា ចេះតែថ្ងូរស្រែក ទុក្ខខ្លាំងពេកក្រៃ។ ប្រេតនេះ ច្រើនរស់នៅក្នុងព្រៃជ្រៅ ឬបុព្វតា ក្បែរសមុទ្រលើដុំសិលា ។
ប្រេតនេះ ពីជាតិមុនមិនបានធ្វើបុណ្យ ប្រព្រឹត្តប៉ោឡែ មិនខ្លាចម៉ែឪ ជីដូនជីតា ជេ.រអ្នកមានគុណថា ជាសត្វឆ្កែ សត្វឆ្មា ។ ចំពោះព្រះសង្ឃក៏មិនខ្លាច ប្រើពាក្យប្រមា.ថទៅទៀត ទើបធ្វើឲ្យប្រេតនេះមានក្បាលច្រើនបែបនេះឯង មានភ្លើងគ្រប់ពេលវេលាបែបនេះ ។
ប្រេត-ឈ្មោះវិមានិក ៖
មានរូបធំទ្រមឹង រាងធាត់ក្រអាញ ដុះរោមជិតឈឹង ពោះប៉ោងត្រង់ភ្លឹងសម្បើមអស្ចារ្យ ប៉ុន្តែសុខ ទុក្ខស្មើគ្នា ។ តាមធម្មតាដៃកាន់អាវុ.ធ ចិត្តកា.ចក្លៀវក្លា ។ ប្រេតនេះគេហៅថា យមរាជទៅកា.ប់សត្វនរកឈា.មប្រឡាក់ព្រាច ពីព្រឹកដល់ល្ងាចអត់បាយអត់ទឹក វា.យសួរចម្លើយ កាត់ទោសគ្រប់នរក ត្រួតត្រាលើគេទាំងអស់ ។ ពេលដែលសោយសុខ គឺក្លាយខ្លួនទៅជាទេវបុត្រកំលោះ មានរូបល្អឥតខ្ចោះនៅក្នុងឋានសួគ៌ ស្រីទេពអប្សរចោមរោមសុំស្នេហ៍។ ដល់ពេលសោយទុក្ខកើតជាប្រេតចង្រៃរងទុក្ខវេទនាទាំងយប់ទាំងថ្ងៃ។
ប្រេតនេះ កាលពីជាតិមុនជាមនុស្សស៊យប្រព្រឹត្តលេលា បានធ្វើទានខ្លះធ្វើតាមទម្លាប់ គឺបុណ្យក៏ធ្វើ បាបក៏ធ្វើក្នុងន័យប្រមា.ថ ដូចនេះហើយទើបផលកម្មសងទាំងពីរបែបនេះ ។
ប្រេតឈ្មោះមហិទ្ធិក ៖
រូបល្អពេញទីជាស្តេចនៃប្រេត អ្នកមានឫទ្ធីល្អ ឥតមានពីរស្មើរូបទេវតា មានគ្រឿងស្លៀកពាក់ស្រស់ស្អាតពេកក្រៃ ទាស់តែស្រេកឃ្លានអាហារ អ្វីៗត្រេកអរលើសលន់ខំស្ទុះទៅចាប់ភ្លើងឆេះពេកពន់ បើមិនដូចនោះទេ ឃើញហើយខំស្ទុះចាប់កើបស្រវាបានដាក់ក្នុងមាត់លេបទៅកាលណា ស្រាប់តែក្លាយជាដុំដែកក្រហមច្រាលឆ្អៅ ឆេះឆាបក្នុងមាត់ស្រេកឃ្លានណាស់ ព្រោះមានកម្មច្រើន ក្លិនស្អុយអស្ចារ្យ ល្អតែរូបកាយ។
ប្រេតនេះ កាលពីជាតិមុនបួសក្នុងសាសនាប្រមា.ថសុសសាយ បួសមិនប្រព្រឹត្តវិន័យ បួសឆាន់តែបាយ ប្រព្រឹត្តអាក្រក់ធ្វើមិច្ឆាចារ ឆបោ.កគ្រហស្ថ ប្ល.ន់លា.ភសាសនាវិន័យសិក្ខាមិនប្រតិបត្តិ ៕ ដោយ ៖ ស.ភ.រ
ចែករំលែកព័តមាននេះ