ដើម្បីរីកចម្រើន មានចំណេះដឹងល្អ និងមានលុយចាយគ្រប់គ្រាន់ អ្នកត្រូវអនុវត្តន៍ទម្លាប់ល្អៗមួយចំនួនក្នុងជីវិត ។ ខាងក្រោមនេះជាគន្លឹះសំខាន់ៗដែលអ្នកអាចចាប់ផ្ដើមអនុវត្តន៍បាន ៖ ១. បង្កើនចំណេះដឹង -ការអាន…
ដើម្បីរីកចម្រើន មានចំណេះដឹងល្អ និងមានលុយចាយគ្រប់គ្រាន់ អ្នកត្រូវអនុវត្តន៍ទម្លាប់ល្អៗមួយចំនួនក្នុងជីវិត ។ ខាងក្រោមនេះជាគន្លឹះសំខាន់ៗដែលអ្នកអាចចាប់ផ្ដើមអនុវត្តន៍បាន ៖
១. បង្កើនចំណេះដឹង
-ការអាន ៖ ការអានសៀវភៅ ទាំងសៀវភៅទាក់ទងនឹងអាជីព ជំនាញថ្មីៗ និងអក្សរសិល្ប៍ នឹងជួយពង្រីកចំណេះដឹង និងគំនិតរបស់អ្នក ។
-រៀនជំនាញថ្មីៗ ៖ កុំខ្លាចនឹងរៀនអ្វីដែលថ្មី ដូចជា ភាសាទីពីរ កូដកម្មវិធី ឬជំនាញទន់ (soft skills) ដូចជា ការទំនាក់ទំនង ឬភាពជាអ្នកដឹកនាំ ។
-ស្ដាប់ផតខែស (Podcast) និងមើលវីដេអូអប់រំ ៖ ប្រើប្រាស់ពេលវេលាទំនេររបស់អ្នកឱ្យមានប្រយោជន៍ ដោយស្ដាប់កម្មវិធីដែលផ្ដល់ចំណេះដឹង ។
២. គ្រប់គ្រងហិរញ្ញវត្ថុ
-កំណត់គោលដៅហិរញ្ញវត្ថុ ៖ ត្រូវដឹងថា អ្នកចង់បានអ្វីខ្លះក្នុងជីវិត ដូចជា ចង់ទិញផ្ទះ ឡាន ឬចង់សន្សំលុយបានប៉ុន្មាន ។ ការមានគោលដៅនឹងជួយអ្នកឱ្យមានទិសដៅច្បាស់លាស់ ។
-រៀនសន្សំលុយ ៖ មុននឹងចាយលុយ អ្នកត្រូវសន្សំទុកមួយផ្នែកសិន ។ អ្នកអាចសាកល្បងសន្សំយ៉ាងហោចណាស់១០% នៃប្រាក់ចំណូលរបស់អ្នក។
-បង្កើតប្រភពចំណូលបន្ថែម ៖ កុំពឹងផ្អែកតែលើការងារតែមួយមុខ ។ អ្នកអាចរកការងារក្រៅម៉ោង ឬធ្វើជំនួញតូចមួយដើម្បីបង្កើនចំណូល ។
-កាត់បន្ថយការចំណាយមិនចាំបាច់ ៖ ធ្វើបញ្ជីចំណាយប្រចាំខែ ហើយពិនិត្យមើលថាតើមានចំណាយអ្វីខ្លះដែលមិនចាំបាច់ ហើយកាត់បន្ថយវា ។
៣. ការអភិវឌ្ឍខ្លួនឯង
-ការថែរក្សាសុខភាព៖ សុខភាពល្អគឺជាមូលដ្ឋានគ្រឹះនៃភាពជោគជ័យ។ ត្រូវហាត់ប្រាណឱ្យបានទៀងទាត់ ញ៉ាំអាហារមានជីវជាតិ និងគេងឱ្យបានគ្រប់គ្រាន់។
-ធ្វើការជាមួយមនុស្សជោគជ័យ៖ ការរៀនសូត្រពីបទពិសោធន៍របស់អ្នកដទៃអាចជួយអ្នកឱ្យរីកចម្រើនលឿន។
-មានផ្នត់គំនិតវិជ្ជមាន៖ គិតវិជ្ជមានអាចជួយអ្នកឱ្យមានកម្លាំងចិត្តដើម្បីប្រឈមមុខនឹងបញ្ហា និងបង្កើតឱកាសថ្មីៗ។
ការផ្លាស់ប្ដូរទម្លាប់មិនមែនជារឿងងាយស្រួលនោះទេ ប៉ុន្តែការចាប់ផ្ដើមបន្តិចម្តងៗ និងការតាំងចិត្តខ្ពស់ នឹងនាំមកនូវភាពជោគជ័យនៅក្នុងជីវិតរបស់អ្នក ៕
ចែករំលែកព័តមាននេះ