នេះចាត់ទុកថា ជាកិត្តិយសមួយទៀតសម្រាប់វិស័យសិល្បៈនៅក្នុងប្រទេសកម្ពុជា ខណៈពេលដែលតារាសម្តែងកូនកាត់ គឺស្រីស្អាតនាង ស៊ីន យូប៊ីន បានទទួលពានកិត្តិយសមួយទៀត នៅក្នុងកម្មវិធីមួយដែលរៀបចំឡើងនៅក្នុង
រាជធានីភ្នំពេញ ៖ នេះចាត់ទុកថា ជាកិត្តិយសមួយទៀតសម្រាប់វិស័យសិល្បៈនៅក្នុងប្រទេសកម្ពុជា ខណៈពេលដែលតារាសម្តែងកូនកាត់ គឺស្រីស្អាតនាង ស៊ីន យូប៊ីន បានទទួលពានកិត្តិយសមួយទៀត នៅក្នុងកម្មវិធីមួយដែលរៀបចំឡើងនៅក្នុងប្រទេសសិង្ហបុរី កាលពីពេលថ្មីៗនេះ។
តារាសម្តែង កញ្ញា ស៊ិន យូប៊ីន បានទទួលពានរង្វាន់ “Shining international award“ by HOFS 2023 Singapore ក្នុងនោះក៏មានវត្តមានតារាសម្តែងប្រុសភូមា ដែលចាប់ដៃគូរសម្តែងជាមួយនាងផងដែរ។ នៅចំពោះមុខអ្នកចូលរួមទាំងអស់ នៃវេទិកាប្រគល់ពានរង្វាន់នោះ ស្រីស្អាត យូប៊ីន ត្រូវមានក្តីរីករាយយ៉ាងខ្លាំងក្នុងពេលដែលនាងបានទទួលពានមួយនេះ។ នាងក៏បានបង្ហាញនូវចំណាប់អារម្មណ៍របស់ខ្លួន ដោយក្នុងនោះ នាងក៏ភ្ជាប់សារអំពាវនាវទៅដល់ភ្ញៀវទេសចរណ៍អន្តរជាតិ ឱ្យមកទស្សនាកម្សាន្ដនៅប្រទេសកម្ពុជា យ៉ាងហោចណាស់ឱ្យបានម្តងក្នុងមួយឆាកជីវិត។
ស្រីស្អាត ស៊ីន យូប៊ីន ក៏បានថ្លែងការអរគុណសម្រាប់ទស្សនិកជនកម្ពុជាទាំងអស់ ដែលបានគាំទ្ររូបនាងជារៀងរហូតមក ។
ជាការកត់សម្គាល់ តារាស្រីដ៏មានប្រជាប្រិយភាពរបស់កម្ពុជា កញ្ញា ស៊ីន យូប៊ីន ត្រូវបានទស្សនិកជនមើលឃើញថា បច្ចុប្បន្នអាជីពសិល្បៈរបស់នាងកាន់តែជោគជ័យជាបន្តបន្ទាប់ ហើយក្រៅពីត្រូវបានការអញ្ជើញឲ្យចូលរួមក្នុងកម្មវិធីសិល្បៈកម្រិតពិភពលោកធំៗហើយនោះ កាលពីពេលថ្មីៗនេះផងដែរ នាងក៏ទើបតែឈ្នះពានរង្វាន់មួយបន្ថែមទៀត គឺពាន «តារាសម្តែងស្រីមានប្រជាប្រិយភាពប្រចាំឆ្នាំ» ពីកម្មវិធី «ASIA TOP AWARD 2023» នៅប្រទេសថៃ។
ក្រៅពីនោះ ស្រីស្អាត ស៊ីន យូប៊ី បានទាក់ទាញការចាប់អារម្មណ៍ម្ដងទៀត ក្រោយពីនាងបានបង្ហាញវត្តមានលើទឹកដីអឺរ៉ុប ក្នុងកម្មវិធីមហោស្រពភាពយន្តទីក្រុងកានលើកទី៧៦ របស់បារាំង ដែលប្រមូលផ្ដុំទៅដោយតារាល្បីៗមកពីទូទាំងពិភពលោក។ នេះជាលើកទី២ហើយ ដែលតារាស្រីកម្ពុជា សម្រេចបានសមិទ្ធផលគួរឲ្យស្ញប់ស្ញែងនៅលើទឹកដីអឺរ៉ុប បន្ទាប់ពីដើមឆ្នាំ២០២៣នេះ នាងក៏បានចូលរួមកម្មវិធី Fashion ដ៏ធំមួយរបស់បារាំងដែរ តាមការអញ្ជើញក្រុមហ៊ុនដ៏ធំមួយ។
សម្រាប់ការបង្ហាញខ្លួនជាថ្មីនៅទឹកដីបារាំងនាពេលនេះ ស៊ីន យូប៊ីន បានទទួលការចាប់អារម្មណ៍យ៉ាងខ្លាំង ជាពិសេសគឺនាងបានក្លាយជាគោលដៅមួយរបស់ភ្នាក់ងារថតរូបអន្តរជាតិដ៏ល្បីដូចជា Getty Image និង Reuter ជាដើម បើទោះបីជាការចូលរួមរបស់នាងនាពេលនេះត្រូវកាន់ឈើច្រត ដោយសារនាងមានរបួសជើងអំឡុងពេលថតកុនក៏ដោយ៕
@yubinshin Im so excited to accepted this honorable trophy “Shining international award “ by HOFS 2023 Singapore
♬ original sound – Yubinshin – Yubinshin
ចែករំលែកព័តមាននេះ