តារាសម្តែង និងពិធីការិនី សារី សុវត្តី បានប្រកាសមិនចេញទៅតំណាងកម្ពុជា ប្រកួត «Miss World 2024» នេះឡើយ បន្ទាប់ពីនាងជួបរឿងអយុត្តិធម៌មួយពីម្ចាស់ក្រុមហ៊ុនមួយ ដែលជាក្រុមហ៊ុននាងបានចុះកុងត្រាសម្រាប់ការនាំនាងទៅចូលរួមនៅក្នុងកម្មវិធីខាងលើនេះ
រាជធានីភ្នំពេញ ៖ តារាសម្តែង និងពិធីការិនី សារី សុវត្តី បានប្រកាសមិនចេញទៅតំណាងកម្ពុជា ប្រកួត «Miss World 2024» នេះឡើយ បន្ទាប់ពីនាងជួបរឿងអយុត្តិធម៌មួយពីម្ចាស់ក្រុមហ៊ុនមួយ ដែលជាក្រុមហ៊ុននាងបានចុះកុងត្រាសម្រាប់ការនាំនាងទៅចូលរួមនៅក្នុងកម្មវិធីខាងលើនេះ ។
តាមគម្រោងអតីត Miss World Cambodia 2021 ស្រីស្អាត សារី សុវត្តី នឹងត្រូវចូលរួមកម្មវិធីប្រកួត «Miss World 2024» លើកទី៧១ នៅទីក្រុងញូវដេលី ប្រទេសឥណ្ឌា នៅថ្ងៃទី១៦ ខែធ្នូឆ្នាំ២០២៣ ខាងមុខនេះ ប៉ុន្តែដោយសារមានបញ្ហាជាមួយក្រុមហ៊ុនដែលនាងចុះកុងត្រា ទើបនាងសម្រេចចិត្តមិនចូលរួមប្រកួតនៅក្នុងកម្មវិធីនេះឡើយ។
ស្រីស្អាត សារី សុវត្តី បានរៀបរាប់បញ្ហាខាងលើនេះតាមរយៈសំណេរដ៏វែងបង្ហោះតាមបណ្តាញសង្គមថា «បីថ្ងៃទៀត ថ្ងៃទី៣០ ខែកញ្ញានេះ ខ្ញុំចប់កុងត្រាជាមួយ BKA ហើយ។ កាលពីខាងអន្តរជាតិប្រកាសថា ប្រកួតនៅពាក់កណ្ដាលឆ្នាំ ពេល ភី ប៊ុនកើដ ហៅខ្ញុំទៅជួយថតកម្មវិធីហាងម្ហូបថៃមួយ គាត់និយាយជាមួយខ្ញុំច្បាស់ណាស់ថា ខ្ញុំជាអ្នកតំណាងប្រទេសទៅប្រកួត ដរាបណាមិនឆ្លងដល់ឆ្នាំថ្មី២០២៤ ព្រោះខ្ញុំចាំយូរហើយ។ អត់មានដំណឹង រហូតមកដល់កណ្ដាលខែ មុនខែសីហា ខ្ញុំបានឆាតតាមសួរគាត់ ដើម្បីបញ្ជាក់ដំណឹង ក៏ដូចជាការរៀបចំខ្លួនទៅប្រកួត ព្រោះខ្ញុំត្រូវប្រាប់ខាង sponsor ឈុតរាត្រីស្រមោលសរ ពីវៀតណាមឲ្យត្រៀមឈុតញាក់ៗឲ្យ ហើយខាងគេក៏រង់ចាំតែជួយយូរហើយ»។
នាងបន្តថា «មួយវិញទៀត ខាងហ្វេនផេកជាតិ និងអន្តរជាតិ ក៏បានផុសច្រើនណាស់ គេជួយប្រម៉ូតឲ្យណាស់ គេតាមដាន តាមសួរនាំណាស់ តែខ្ញុំមិនដឹងឆ្លើយថា យ៉ាងម៉េច ព្រោះមិនទាន់ដឹងដែរ»។
នាងបន្តថា «ខ្ញុំបានស្គាល់មិត្តជាបវរកញ្ញាពិភពលោកសឹងតែទាំងអស់ ដោយយើងបានចូលគ្រុបជាមួយគ្នាដើម្បីចែករំលែកដំណឹងគ្នាទៅវិញទៅមក តែក្នុងនោះមានតែខ្ញុំទេ ដែលហាក់មានបានរៀបចំអីសោះ ព្រោះគ្មានព័ត៌មាន។ ដោយសារតែចង់ត្រៀមខ្លួនឲ្យបានល្អបំផុត ដើម្បីកម្ពុជា ទើបខ្ញុំតាមឆាតសួរដំណឹងគាត់ តែខ្ញុំត្រូវបានឆ្លើយតបមកវិញតាមរយៈជំនួយការគាត់ថា «មិនទាន់ច្បាស់ទេថា ខ្ញុំជាអ្នកទៅ»។ ហើយត្រូវបានបន្ទោសថា «ខ្ញុំចេះទៅដើរប្រាប់គេឲ្យផុសក្នុងផេកថា ខ្ញុំជាអ្នកទៅ» ទាំងដែលខ្ញុំមិនដែលទៅប្រាប់នរណាទេ។ តែខ្ញុំយល់ថា គេផុស ព្រោះខ្ញុំជាបេក្ខភារង់ចាំតាំងពីដើមមក ដូច្នេះវាជារឿងធម្មតាតែគេរំពឹងថា ខ្ញុំជាអ្នកត្រូវទៅ។ ណាមួយឈ្មោះខ្ញុំ មានក្នុងបញ្ញីផ្លូវការតាំងពីដើម។ ខ្ញុំត្រៀមចាំយូរហើយ។ លើកឡើងថា កុងត្រាខ្ញុំជិតផុតហើយ ដូច្នេះបើចង់ទៅ ត្រូវចុះកុងត្រា១ឆ្នាំទៀតបានទៅហើយ»។
នាងបន្តទៀតថា «ដំបូង ខ្ញុំសុំត្រឹមតែ៦ខែបានហើយ មូលហេតុព្រោះជាប់កុងត្រាយូរមកហើយ ចង់បន្ត ដើម្បីតែប្រកួតមួយខែ ចឹងមួយឆ្នាំដូចយូរពេក ណាមួយចង់បន្តក្ដីស្រម៉ៃផ្សេងទៀតដែរ។ តែគាត់អត់ព្រម ទាល់តែមួយឆ្នាំ ចឹងខ្ញុំក៏ព្រមថា ចុះកុងត្រាមួយឆ្នាំទៀតក៏បាន ដើម្បីប្រកួត។ ខ្ញុំក៏សួរថា ចុះកុងត្រាពេលណា? ស្រួលបានប្រាប់ដំណឹងគេ នឹងត្រៀមខ្លួនប្រកួត និងរៀបចំកម្មវិធីសប្បុរសធម៌មន្ថែមទៀត ព្រោះនៅមិនដល់ពីរខែផង។ ស្ងាត់… រហូតដល់ពីរបីថ្ងៃមុននេះ ខាងបវរកញ្ញាសិង្ហបុរី ជាមិត្តបវរកញ្ញាដែលស្និទ្ធនឹងខ្ញុំជាងគេបានផ្ញើ screenshoot (ផេកអន្តរជាតិមួយ បានផុសថា បាត់ឈ្មោះខ្ញុំពីបញ្ញីផ្លូវការ ដូច្នេះមានន័យថា ខ្ញុំមិនបានទៅតំណាងប្រទេសទេ) មួយភ្ជាប់ជាមួយភាពភ្ញាក់ផ្អើលថា តើមានរឿងអី? ខ្ញុំពិតជាមិនដឹងមែន មិនដឹងថាឆ្លើយយ៉ាងណា»។
នាងបន្ថែមថា «បន្ទាប់មក ខាងក្រុមហ៊ុនក៏ឆាតមកថា «អូន ឈ្មោះបានផ្ញើទៅហើយ តែមានបញ្ហា ព្រោះរឿងអាស្រូ.វ»។ រឿងអាស្រូ.វ?! រឿងអី? អារឿងពួកមនុស្សថោ.កទា.បលាបពណ៌បំផ្លាញកេរ្តិ៍ឈ្មោះខ្ញុំ ទាំងដែលរឿងមិនពិតផងហ្នឹង តាំងពីខ្ញុំចូលប្រកួតដំបូងឆ្នាំ២០២១មកម្ល៉េះ?! ពុទ្ធោ មិនសមទំនងសោះ ហើយអន្តរជាតិ គេដឹងរឿងមកពីណា? ហើយបើគ្រាន់តែគេចោ.ទចឹង មានបញ្ហា ចុះយូរហើយមិនឃើញថា ណាមួយរឿងមិនរឿងពិតអីផង បើអ្នកត្រូវគេចោ.ទថា ជាបិសា.ច ហើយអ្នកនឹងត្រូវតែជាបិសា.ចពិត? អត់យល់។ ខ្ញុំសួរថា ចុះរឿងតាំងពីមុន ជារឿងមិនពិតផង ហើយផេកអន្តរជាតិផុសខ្ញុំក្រោយរឿងនឹងទៀត ចុះម្ដ៉េចមកថា ការបញ្ជូនឈ្មោះមានបញ្ហា?»។
នាងបន្ថែមទៀតថា «ចុងក្រោយបង្អស់ ថ្ងៃនេះ គាត់ដូរចម្លើយទៅជាថា «ឈ្មោះបញ្ជូនទៅ តែមានបញ្ហាថ្មី គឺខាងស្ថាប័នអន្តរជាតិគេមិនទទួលទេ ព្រោះឈ្មោះជាបេក្ខភាពយូរហើយតាំងពី២០២១» គាត់ថា «គេសួរថា ម៉េចព្រមបញ្ជូនអ្នក២០២២អីទៅ?»។ ខ្ញុំខលទៅភ្លាម តែមិនលើក ហើយខ្ញុំសុំមើលចម្លើយគេនិយាយបែបខាងលើ លើកមុន និងលើកនេះម្ដងជាពីរដងតាម emails តែមិនព្រមឆ្លើយជាមួយខ្ញុំតាំងពីលើកមុន។ អត់មានចម្លើយ»។
នាងបញ្ជាក់ថា «គេប្រកួតខែ១១នេះហើយ បងប្អូន ខ្ញុំព្យាយាមអស់លទ្ធភាពហើយ។ ខ្ញុំរង់ចាំ ខ្ញុំតាមសួរ ខ្ញុំបង្កើតទំនាក់ទំនងល្អជាមួយបណ្ដាប្រទេសផ្សេងៗ ខ្ញុំពង្រឹងសមត្ថភាពផ្នែកទំនាក់ទំនង ខ្ញុំធ្វើការងារសង្គមដោយប្រាក់ខ្លួនឯងផ្ទាល់ ។ល។ ព្រោះខ្ញុំស្រឡាញ់ប្រទេសខ្មែរណាស់ ចង់តំណាងប្រទេសដោយប្រើចំណេះដឹង ភាសា ជំនាញ និងទេពកោសល្យរបាំទៅបង្ហាញគេ។ តែរឿងទាំងអស់ ហាក់មិនយុត្តិធម៌សោះ»។
យ៉ាងណាបើតាមស្រីស្អាត សារី សុវត្តី ថា «ឥឡូវរឿងការទៅប្រកួតនេះទៀត ខ្ញុំសុំចប់ត្រឹមកុងត្រានឹងចុះ។ សង្ឃឹមថា អ្នកតំណាងថ្មីអាចត្រៀមខ្លួនទាន់ពេល និងបានល្អ។ ពីរឆ្នាំជាបវរកញ្ញាពិភពលោកនេះ រៀនបានច្រើន តស៊ូច្រើន អត់ធ្មត់ច្រើន បា.ត់ប.ង់ច្រើន តែក៏ទទួលបានច្រើនដូចជាមិត្តភាពល្អៗ បងប្អូនល្អ បទពិសោធន៍ធ្វើរឿងជាច្រើនខ្លួនឯង ការជួបមនុស្សជាច្រើនប្រភេទ ការលើកទឹកចិត្តគេនឹងខ្លួនឯង ការស្គាល់មនុស្សល្អ មិនសូវល្អជាច្រើន ការស្រឡាញ់និងឲ្យតម្លៃជាតិសាសន៍ខ្មែរកាន់តែជ្រាលជ្រៅ។ល។
យ៉ាងណាបើតាមស្រីស្អាត សារី សុវត្តី ថា «ជាចុងក្រោយ ខ្ញុំអហោសិកម្មឲ្យអ្នកទាំងនោះ ដែលធ្លាប់ធ្វើមិនល្អដាក់ខ្ញុំ សង្ឃឹមថាអ្នករស់បានក្ដីសុខ មានសន្តិភាពផ្លូវចិត្តចុះ។ មេរៀនសង្គម ៖ គ្រប់យ៉ាងក្នុងសង្គមនេះ គឺមិនដូចអ្វីដែលឃើញនឹងភ្នែក ឮនឹងត្រចៀកទេ រឿងភាគច្រើនលម្អៀងណាស់។ សជាខ្មៅ ខ្មៅជាស។ អ្នកធ្លាប់ជួបបានដឹង បានយល់។ អ្នកចាំសើចចំអក និងជាន់ពន្លិចគេ ប្រយ័ត្នជួបផ្ទាល់ យំលែងចេញណា។ ចៀសបានចៀសរឿងដ្រាម៉ា រឿងសម្ដែង រឿងបំពុ.លសង្គម។ ត្រូវចេញពីកន្លែងដែលមិនឲ្យតម្លៃយើង»៕
ចែករំលែកព័តមាននេះ