តារាសម្តែង ម៉ាដូណា បានព្រមា.នចាត់វិធានការតាមផ្លូវច្បាប់ចំពោះតារាកំប្លែងអ្នកនាង ខ្ញុង ពាក់ព័ន្ធនឹងករណីជំពាក់លុយប្រមាណជាង៤ម៉ឺនដុល្លារមិនទូទាត់សងតាមការកំណត់។ ដោយសារអត់ទ្រាំលែងបាន តារាសម្ដែង
រាជធានីភ្នំពេញ ៖ តារាសម្តែង ម៉ាដូណា បានព្រមា.នចាត់វិធានការតាមផ្លូវច្បាប់ចំពោះតារាកំប្លែងអ្នកនាង ខ្ញុង ពាក់ព័ន្ធនឹងករណីជំពាក់លុយប្រមាណជាង៤ម៉ឺនដុល្លារមិនទូទាត់សងតាមការកំណត់។ ដោយសារអត់ទ្រាំលែងបាន តារាសម្ដែង ម៉ាដូណា ទម្លាយឈ្មោះអ្នកនាង ខ្ញុង ជាសាធារណៈតែម្ដង ដោយបញ្ជាក់ពីការជំពាក់លុយខ្លួនចំនួន៤៥០០០ដុល្លារ ហើយមិនបានដោះស្រាយឱ្យទៀងទាត់តាមការសន្យា។
តារាសម្ដែង ម៉ាដូណា បានបង្ហោះសារ ដោយប្រើពាក្យសម្ដីធ្ងន់ៗទៅកាន់អ្នកនាង ខ្ញុង នៅលើបណ្តាញសង្គមថា «នាងខ្ញុង នាងឯងឃើញអញស្រួលមិនខ្វល់លុយអញ អញស្រួលណាស់តែកុំអោយអញខឹងដល់.ក អញសម្រួល២ឆ្នាំជាងហើយ ១ខែសុំអញបង់ 500$ អញយល់ព្រម ទាំងប្តីសុំសម្រួល។ តែបង់បាន៣/៤ខែក៏លែងបង់ ឥឡូវង៉ែងចង់យ៉ាងម៉េច មីក្រឡេចក្រឡុច ពីមុនអញឃើញនាងឯងចង់ងា.ប់ អញខំអាណិត និងសម្រួលអារម្មណ៍ ឥឡូវបើនាងឯង ចង់បង្ហោះថា ចង់ងា.ប់ទៀត លុយ45000$ នៅកន្ទុយប៉ុន្មានអញចូលបុណ្យ សល់៤ម៉ឺនដុល្លារអោយនាងឯងកុំអោយអញប្តឹងចូលគុ.ក អញប្រាប់អោយហើយ កុំភ្លេចថា មានស្នាមផ្តិតមេដៃ»។
យ៉ាងណា ក្រោយឃើញការបង្ហោះខាងលើពីតារាសម្ដែង ម៉ាដូណា នាពេលនេះ តារាកំប្លែងអ្នកនាង ខ្ញុង ក៏បានសរសេរសារបង្ហោះឆ្លើយតបវិញថា «ខ្ញុំមិនតប.តទេ ព្រោះខ្ញុំមិនបានបោ.កប្រាស់អ្នកណា ដូចការជេរប្រមា.ថមើលងា.យរបស់អ្នកឡើយ ការជេរប្រមា.ថខ្ញុំទាំងប៉ុន្មានទូលខ្លួនឯងចុះ ខ្ញុំជំពាក់ ខ្ញុំប្រឹងរកសងតាមលទ្ធភាព សូម្បីតែគ្រែដេកក៏ខ្ញុំកាត់សងដែរ ហៅខ្ញុំទៅលេងកម្មវិធីក៏ខ្ញុំទៅកាត់សងដែរ»។
នាងបញ្ជាក់ថា «កន្លែងណាដែរថាខ្ញុំបោ.កប្រាស់ រកបានតិចតួចខ្ញុំដាក់ទៅរហូត ពេលខ្ញុំរកមិនបានខានដាក់ទៅ ក៏បង្ហោះជេរប្រមា.ថមើលងា.យខ្ញុំទាំងប្ដីទាំងប្រពន្ធ ទោះតតាំងមុខច្បាប់ក៏ខ្ញុំលែងខ្លាចដែរ ព្រោះខ្ញុំនៅរស់ជ្រងោដើម្បីរកសង តែអ្នកឯងជេរប្រមា.ថបរិ.ហារកេរ្តិ៍ខ្ញុំជាសាធារណៈនេះយ៉ាងម៉េចវិញ ប្រមា.ថទាំងអាយុជីវិតដល់គ្រួសារខ្ញុំទៀត»។
ដោយឡែក បន្ថែមលើអ្វីដែលនាងបង្ហោះខាងលើនេះ អ្នកនាង ខ្ញុង ក៏បានធ្វើការ live វីដេអូបកស្រាយបញ្ជាក់ថា «លុយដែលនាងជំពាក់ ម៉ាដូណា នាពេលនេះ គឺជាលុយលេងតុងទីនជាមួយគ្នាតែប៉ុណ្ណោះ ដោយមានបញ្ហានៅក្នុងការទូទាត់ទៅអោយគ្នា»។ នាងបន្ថែមថា «កន្លងមក នាងបានសន្យាគ្រប់ម្ចាស់បំណុលទាំងអស់នៅក្នុងការសម្រួលសងតាមលទ្ធភាព ខណៈពេលដែលនាងមិនបានគេចវេស ដោយកំពុងខិតខំរកប្រាក់សងជាបន្តបន្ទាប់ផងដែរ»។
យ៉ាងណា បើតាមអ្នកនាង ខ្ញុង ថា «រាល់ម្ចាស់បំណុលដែលបានបង្ហោះនិយាយអាក្រក់មកលើរូបនាង នាងក៏មិនខឹង និងមិនតប.តអ្វីឡើយ ប៉ុន្តែពេលនេះបង្ហោះប្រមា.ថជីវិ.តមកលើរូបនាងយ៉ាងធ្ងន់ធ្ងរ ដែលធ្វើឱ្យនាងមិនអាចទទួលយកបាននោះឡើយ»។ នាងថា «បើចង់ជេរប្រមា.ថអ្វី គឺធ្វើដាក់នាងម្នាក់បានហើយ ព្រោះបំណុលទាំងអស់ គឺនាងជាអ្នកសាងឡើង ដោយមិនពាក់ព័ន្ធស្វាមី និងកូនរបស់នាងនោះឡើយ»៕
ចែករំលែកព័តមាននេះ