តារាសម្តែង ព្រះកាយច័ន្ទ បានប្រកាសជាសាធារណៈថា ប្រសិនបើនាងអាចនឹងចូលរួមប្រកួតកម្មវិធី «Miss Grand Cambodia» ឆ្នាំ២០២៤ នេះមែន នាងនឹងសម្រេចជ្រើសរើសគ្រូបង្វឹកនៅក្នុងស្រុក ជាជាងយកគ្រូមកពីក្រៅស្រុក។ ខុសពីបេក្ខភាពមួយចំនួនដែលចង់បាន
រាជធានីភ្នំពេញ ៖ តារាសម្តែង ព្រះកាយច័ន្ទ បានប្រកាសជាសាធារណៈថា ប្រសិនបើនាងអាចនឹងចូលរួមប្រកួតកម្មវិធី «Miss Grand Cambodia» ឆ្នាំ២០២៤ នេះមែន នាងនឹងសម្រេចជ្រើសរើសគ្រូបង្វឹកនៅក្នុងស្រុក ជាជាងយកគ្រូមកពីក្រៅស្រុក។ ខុសពីបេក្ខភាពមួយចំនួនដែលចង់បាន និងយកគ្រូមកពីក្រៅស្រុក ដើម្បីជួយបង្ហាត់រៀនជំនាញនានា សម្រាប់ការប្រកួតនោះ ប៉ុន្តែសម្រាប់ ព្រះកាយច័ន្ទ បែរជាបង្ហាញបំណងថា បើនាងចូលរួមប្រកួត នាងនឹងជ្រើសរើសនៅក្នុងស្រុក ត្បិតនាងយល់ថា គ្រូនៅក្នុងស្រុកក៏មានសមត្ថភាព និងល្អច្រើនផងដែរ។
តាមរយៈសំណេរដែលបានសរសេរបង្ហោះនៅតាមបណ្តាញសង្គមស្រីស្អាត ព្រះកាយច័ន្ទ បានលើកឡើងថា «ជម្រាបសួរបងប្អូនទាំងអស់គ្នា នាងខ្ញុំ ព្រះកាយច័ន្ទ នាពេលនេះ នាងខ្ញុំកំពុងសម្រួលកាងាររបស់នាងខ្ញុំ ដើម្បីមានពេលវេលាគ្រប់គ្រាន់សម្រាប់កាប្រកួត ហើយបើនាងខ្ញុំចូលប្រកួត នាងខ្ញុំនឹងជ្រើសរើសគ្រូបង្វឹកនាងខ្ញុំនៅប្រទេសកម្ពុជាយើងនេះ នាងខ្ញុំជឿជាក់ថា គ្រូបង្វឹកនៅប្រទេសយើងដែលល្អៗ មានច្រើនណាស់ ខ្ញុំជឿជាក់យ៉ាងដូច្នេះ។ ដូចនេះនាងខ្ញុំសូមអរគុណបងប្អូនជាច្រើនដែលស្រលាញ់ និងគ្រាំទ្រនាងខ្ញុំ ហើយបានឲ្យមតិយោបល់ដល់នាងខ្ញុំ ខ្ញុំនឹងប្រឹងប្រែងឲ្យអស់ពីសមត្ថភាព បើនាងខ្ញុំពិតជាចូលប្រកួតពិតមែន»។
ជាការកត់សម្គាល់ បណ្តាប្រិយមិត្តអ្នកគាំទ្រតារាសម្តែង ព្រះកាយច័ន្ទ ជាច្រើននាក់ បានបង្ហាញបំណងចង់ឃើញរូបនាងចូលរួមប្រកួតនៅក្នុងកម្មវិធីកញ្ញាឯកណាមួយ ជាពិសេសកម្មវិធី «Miss Grand Cambodia»។
មិនត្រឹមតែប៉ុណ្ណោះ បណ្តាអ្នកគាទ្ររបស់ស្រីស្អាត ព្រះកាយច័ន្ទ បានលើកឡើងថា «តារារូបនេះ មានរូបសម្រស់ផ្សំជាមួយចំណេះដឹង និងការនិយាយស្ដីមានទឹកដងផ្អែមល្ហែម មានឱជារសនៅក្នុងការនិយាយទៅកាន់សាធារណជន ។ សមត្ថភាព ចំណេះដឹង បទពិសោធន៍ និងទេពកោសល្យរបស់កញ្ញា ព្រះកាយច័ន្ទ ចូលរួមប្រកួតកម្មវិធីមួយណាក៏បានដែរ មិនរើសកម្មវិធីឡើយសម្រាប់កញ្ញា ពីព្រោះកញ្ញាមានទាំងព្រម ។ ព្រះកាយច័ន្ទ អាចចូលរួម Miss Universe (មិនកំណត់អាយុ) Miss World (ការច្រៀងត្រូវ និងទេពកោសល្យរបស់គាត់) Miss Supranatioal (ទេពកោសល្យខាងរាំបាំរ) និង Miss Grand (ច្រៀងរាំមានអ្វីដែលថ្មី ហើយប្លែកគ្រប់ពេល) ដែលកម្មវិធីនេះមួយណាក៏បានដែរ ត្រូវនឹងសមត្ថភាពរបស់នាងគ្រប់ទាំងអស់»។
ការបង្ហាញបំណងខាងលើនេះ ដោយសារពួកគេបានមើលឃើញពីសមត្ថភាព និងរូបសម្រស់របស់នាង គឺមានលក្ខណៈសម្បត្តិគ្រប់គ្រាន់ សម្រាប់ឈានឆ្ពោះទៅគ្រងមកុដនៅក្នុងកម្មវិធីប្រកួតប្រជែងផ្នែកសម្រស់៕
ចែករំលែកព័តមាននេះ