រាជធានីភ្នំពេញ ៖ ហាងលក់នំ Ziki Burger ដែលមានទីតាំងស្ថិតនៅតាមបណ្តោយផ្លូវជាតិលេខ៥ គីឡូម៉ែត្រលេខ៨ ច្រាំងចំរេះបានរៀបចំពិធីសម្ពោធ កាលពីថ្ងៃទី១១ ឧសភា ដោយមានការចូលរួមពីលោក Zainudin តំណាងស្ថានទូតម៉ាឡេស៊ីប្រចាំនៅកម្ពុជា លោកMak Fasy ប្រធានក្រុមហ៊ុន Deminziki ប្រចាំនៅកម្ពុជា
រាជធានីភ្នំពេញ ៖ ហាងលក់នំ Ziki Burger ដែលមានទីតាំងស្ថិតនៅតាមបណ្តោយផ្លូវជាតិលេខ៥ គីឡូម៉ែត្រលេខ៨ ច្រាំងចំរេះបានរៀបចំពិធីសម្ពោធ កាលពីថ្ងៃទី១១ ឧសភា ដោយមានការចូលរួមពីលោក Zainudin តំណាងស្ថានទូតម៉ាឡេស៊ីប្រចាំនៅកម្ពុជា លោកMak Fasy ប្រធានក្រុមហ៊ុន Deminziki ប្រចាំនៅកម្ពុជា លោក Mohamad Khairih Anwar នាយកប្រតិបត្តិក្រុមហ៊ុន Deminziki និងលោកសាន ទៀត តំណាងរាស្ត្រ និងជាអនុប្រធានអង្គការមូលនិធិអភិវឌ្ឍន៍អ៊ិស្លាមកម្ពុជា។
ក្រុមហ៊ុនឌីមីនហ្ស៊ីគី គឺជាក្រុមហ៊ុនមួយដែលនាំចូលផ្តាច់មុខនំZiki Burger ពីប្រទេសម៉ាឡេស៊ីមកកាន់ទីផ្សារនៃព្រះរាជាណាចក្រកម្ពុជា ហើយបានធ្វើបញ្ជរលក់នំ Ziki Burger ចំនួន២០កន្លែងនៅក្នុងទីក្រុងភ្នំពេញ ។ ក្រុមហ៊ុនឌីមីនហ្ស៊ីគីមានគម្រោងពង្រីកទីតាំងបញ្ជរលក់នំរហូត៣០០បញ្ជរនៅក្នុងឆ្នាំ២០១៥ខាងមុខនេះ ដោយពង្រាយឱ្យមាននៅតាមបណ្តាខេត្តមួយចំនួនទៀត ដូចជាខេត្តសៀមរាប បាត់ដំបង និងកំពង់ចាម។
នៅក្នុងពិធីបើកសម្ពោធ ក្រុមហ៊ុនឌីមីនហ្ស៊ីគីបានចែកចាយ Ziki Burger ដល់អ្នកចូលរួមទាំងអស់ឱ្យបរិភោគ រួមទាំងក្មេងជាច្រើនដែលរស់នៅក្នុងតំបន់នោះផងដែរដើម្បីឱ្យភ្លក្សរសជាតិនំនេះដែលមានរសជាតិឆ្ងាញ់មានប្រភពមកពីប្រទេសម៉ាឡេស៊ី ហើយនំនេះមានការពេញនិយមខ្លាំងណាស់នៅក្នុងប្រទេសម៉ាឡេស៊ី ៕
ចែករំលែកព័តមាននេះ