រយៈពេលប៉ុន្មានថ្ងៃមកនេះ មានមតិជាច្រើនកំពុងតែនាំគ្នាវែកញែកមិនឈប់មិនឈរ បន្ទាប់ពីប្រទះឃើញតារាសម្ដែងប្រុសរូបរាងស្រស់សង្ហា គឺលោក Jespipat Tilapornputt មានភាពស្និទ្ធស្នាលជាមួយតារាស្រី ladii prang។ ភ្លាមៗនោះ
ប្រទេសថៃ ៖ រយៈពេលប៉ុន្មានថ្ងៃមកនេះ មានមតិជាច្រើនកំពុងតែនាំគ្នាវែកញែកមិនឈប់មិនឈរ បន្ទាប់ពីប្រទះឃើញតារាសម្ដែងប្រុសរូបរាងស្រស់សង្ហា គឺលោក Jespipat Tilapornputt មានភាពស្និទ្ធស្នាលជាមួយតារាស្រី ladii prang។ ភ្លាមៗនោះ អ្នកនិយមលេងអ៊ីនធើរណេតទាំងប្រុសទាំងស្រីសម្រុកនាំគ្នាចូលទៅរិះគន់ និងប្រតិកម្មខ្លាំងៗទៅកាន់តារាប្រុសរូបនេះ ក្រោយពីលោកហ៊ានបង្ហោះឃ្លីបវីដេអូច្រៀងជាមួយតារាស្រី Ladii Prang។
មិនត្រឹមតែប៉ុណ្ណោះ រឿងរ៉ាវខាងលើនេះ ត្រូវបានហ្វេនៗនាំគ្នាតាមដានមិនដែលដាច់នោះទេ គឺគ្រប់សកម្មភាពរបស់តួឯកប្រុសវ័យក្មេងលោក Jes pipat តែម្ដង។ ហើយក៏មានមហាជននាំគ្នាដាក់ការសង្ស័យអំពីទំនាក់ទំនងរវាងតារាប្រុសរូបនេះ និងមិត្តស្រីរបស់លោក គឺតារាស្រី Vill Wannarot ផងដែរ ដោយពួកគេលើកឡើងថា «តើពួកគេនៅតែស្រលាញ់គ្នាដែរទេ0x017d7 ឬមួយក៏បានបែកបាក់គ្នាហើយ»។
ដោយសារតែអ្នកនិយមលេងអ៊ីនធើរណិតបាននាំគ្នាកត់សម្គាល់ថា មួយរយៈចុងក្រោយមកនេះ មិនសូវឃើញតារាប្រុសស្រីមួយគូរនេះ មានរូបថតគូស្នេហ៍ដូចពីពេលមុនៗទៀតឡើយ។ ដូចនេះហើយ ជាហេតុធ្វើអោយអ្នកគាំទ្រហាក់មានមន្ទិលងឿងឆ្ងល់ និងសង្ស័យគ្រប់ៗគ្នាតែម្ដង។ មិនថា ទិដ្ឋភាពសម្ដែង ឬមួយក៏បទចម្រៀងនៅក្នុងរឿងដែលលោកបានសម្ដែងនោះឡើយ ជាពិសេសក្នុងអំឡុងពេលនេះ លោក Jes Pipat មានវត្តមានសម្ដែងរឿងដែលកំពុងចាក់ផ្សាយជាមួយតារាស្រី Prang ផងដែរ។
មិនតែប៉ុណ្ណោះ ត្រូវបានគេតាមដានជាប្រចាំឃើញតារាប្រុសរូបនេះ តែងតែបង្ហោះរូប និងឃ្លីបវីដេអូនៅក្នុងរឿងជាមួយស្រីស្អាត Prang Kannarun នៅលើ Instagram របស់ខ្លួនជាញឹកញាប់ ជាជាងបង្ហោះជាមួយគូស្នេហ៍របស់លោក គឺតារាស្រី Vill Wannarot។ រហូតរឿងនេះ ត្រូវបានគេសង្ស័យតៗគ្នាថា «Prang មានជាប់ពាក់ព័ន្ធនឹងស្នេហារបស់លោក Jes និង Vill ដែរឬអត់?។
គ្រាន់តែរឿងខាងលើនេះ ល្បីពាសពេញបណ្ដាញសង្គមមិនទាន់បានប៉ុន្មានផង ស្រាប់តែថ្មីៗនេះ តារាប្រុសលោក Jes pipat បានបង្ហោះឃ្លីបលេងហ្គីតាច្រៀងជាមួយ Prang ធ្វើព្រងើយ។ ហើយចំពោះព្រឹត្តិការណ៍នេះ ធ្វើឱ្យអ្នកលេង Internet មួយចំនួនមិនសប្បាយចិត្ត រហូតធ្វើឱ្យមានមតិខ្លះផ្ទុះឡើងលើកជាសំណួរថា «តើពេលណា P’Jes ចេញមុខមកនិយាយគ្នាទៅ?»។
យ៉ាងណាមិញ ចំពោះរឿងរ៉ាវមួយនេះផងដែរ យើងនៅមិនទាន់ដឹងច្បាស់នៅឡើយទេថា តើពួកគេបានបែកបាក់គ្នាដោយសារតារាស្រី Prang ឬមួយក៏នៅដូចដើម? ហើយយើងមិនទាន់ហ៊ានថានោះទេ។ ដរាបណាពួកគេចេញមុខមកបកស្រាយ និងចាំស្ដាប់ចម្លើយរបស់តារាប្រុសស្រីទាំង៣ដួងនេះ ចេញមុខមកប្រាប់តែប៉ុណ្ណោះ៕ ដោយ ៖ សុភា ដានេត
ចែករំលែកព័តមាននេះ