ខេត្តព្រះសីហនុ ៖ រសៀលថ្ងៃទី១១ ឧសភា ២០១១ នៅមន្ទីរពាណិជ្ជកម្មខេត្តព្រះសីហនុ មានរៀបចំពិធីចាប់ឆ្នោតជ្រើសរើសលេខរៀងដាក់ក្នុងសន្លឹកឆ្នោត សម្រាប់ការបោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មខេត្តព្រះសីហនុ អាណត្តិទី១ លើកទី២ ។ ពិធីចាប់ឆ្នោតនេះប្រព្រឹត្តទៅក្រោមវត្តមានចូលរួមជាធិបតីពីលោកវេង សុធី
ខេត្តព្រះសីហនុ ៖ រសៀលថ្ងៃទី១១ ឧសភា ២០១១ នៅមន្ទីរពាណិជ្ជកម្មខេត្តព្រះសីហនុ មានរៀបចំពិធីចាប់ឆ្នោតជ្រើសរើសលេខរៀងដាក់ក្នុងសន្លឹកឆ្នោត សម្រាប់ការបោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មខេត្តព្រះសីហនុ អាណត្តិទី១ លើកទី២ ។ ពិធីចាប់ឆ្នោតនេះប្រព្រឹត្តទៅក្រោមវត្តមានចូលរួមជាធិបតីពីលោកវេង សុធី អនុរដ្ឋលេខាធិការក្រសួងពាណិជ្ជកម្ម និងជាអនុប្រធានគណៈកម្មាធិការរៀបចំការបោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មកម្ពុជា លោកស៊ុន សាខន អភិបាលរងខេត្ត ជាប្រធានគណៈកម្មាធិការរៀបចំការបោះឆ្នោតសភាពាណិជ្ជកម្មខេត្តព្រះសីហនុ និងលោកស្រីយឿង អេង ប្រធានមន្ទីរពាណិជ្ជកម្មផងដែរ។
ថ្លែងក្នុងឱកាសនោះ លោកវេង សុធី បានធ្វើការណែនាំ និងបង្ហាញពីនីតិវិធីចាប់ឆ្នោតយកលេខរៀងរបស់បេក្ខភាពដាក់ក្នុងសន្លឹកឆ្នោតដើម្បីដំណើរការបោះឆ្នោតជ្រើសតាំងសភាពាណិជ្ជកម្មខេត្តនាថ្ងៃទី២២ ឧសភា ខាងមុខនេះ សម្រាប់អាណត្តិទី១ លើកទី២ ។ លោកវេង សុធី បានឱ្យដឹងផងដែរថា គណៈកម្មាធិការបោះឆ្នោតបានសម្រេចបញ្ចប់អាណត្តិសមាជិកចាស់ចំនួន១០រូប និងបានជ្រើសរើសសមាជិកថ្មីចំនួន១១រូប សម្រាប់ប្រកួតប្រជែងជាបេក្ខភាពឈរឈ្មោះបោះឆ្នោតជ្រើសតាំងសមាជិកសភាពាណិជ្ជកម្មខេត្តព្រះសីហនុចំនួន១០រូបលើ១១រូប ហើយមានសមាជិកគាំទ្រចុះឈ្មោះបោះឆ្នោតចំនួន៣២២នាក់ ។ ផ្អែកតាមគោលការណ៍ច្បាប់បោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មខេត្ត សមាជិកគាំទ្រ គឺជាពាណិជ្ជករដែលកំពុងប្រកបអាជីវកម្ម ហើយបានបង់ពន្ធ ប៉ាតង់ ជាសក្ខីភាព។ អ្នកចូលរួមបោះឆ្នោតត្រូវភ្ជាប់មកជាមួយនូវប័ណ្ណបោះឆ្នោត និងអត្តសញ្ញាណប័ណ្ណ ហើយអ្នកបោះឆ្នោតត្រូវមកបោះឆ្នោតដោយផ្ទាល់។
ក្រោយពីមានការចាប់ឆ្នោតយកលេខរៀងរបស់បេក្ខភាពឈរឈ្មោះទាំង១១រូប សម្រាប់ដាក់ក្នុងសន្លឹកឆ្នោត គណៈកម្មាធិការបោះឆ្នោតបានឱ្យដឹងលទ្ធផលដូចខាងក្រោម ៖ ១-បេក្ខភាពឈុន ប៊ុនថា មានលេខរៀងទី៦ ក្នុងសន្លឹកឆ្នោត ២-បេក្ខភាពឈុន សារុំ មានលេខរៀងទី៣ ក្នុងសន្លឹកឆ្នោត ៣-បេក្ខភាពទូច ឆាយ មានលេខរៀងទី១ ក្នុងសន្លឹកឆ្នោត ៤-បេក្ខភាពអ៊ឹង ជាសំណាង មានលេខរៀងទី២ ក្នុងសន្លឹកឆ្នោត ៥-បេក្ខភាពដូ សុង មានលេខរៀងទី៨ ក្នុងសន្លឹកឆ្នោត ៦-បេក្ខភាពឃួន ប៊ុនសែ មានលេខរៀងទី១១ ក្នុងសន្លឹកឆ្នោត ៧-បេក្ខភាពតូវ ជីហួង មានលេខរៀងទី៧ ក្នុងសន្លឹកឆ្នោត ៨-បេក្ខភាពទេស សុធា មានលេខរៀងទី៤ ក្នុងសន្លឹកឆ្នោត ៩-បេក្ខភាពលិ គឹមហួរ មានលេខរៀងទី៩ ក្នុងសន្លឹកឆ្នោត ១០-បេក្ខភាពលឹម លីឆាយ មានលេខរៀងទី១០ ក្នុងសន្លឹកឆ្នោត និង១១-បេក្ខភាពឃុន សុភ័ណ្ឌ មានលេខរៀងទី១១ ក្នុងសន្លឹកឆ្នោត ។
លោកស៊ុន សាខន អភិបាលរងខេត្ត និងជាប្រធានគណៈកម្មាធិការបោះឆ្នោតជ្រើសតាំងសមាជិកសភាពាណិជ្ជកម្មខេត្តព្រះសីហនុ បានឱ្យដឹងផងដែរថា ក្រោយពីការប្រព្រឹត្តទៅកាលបរិច្ឆេទបោះឆ្នោតជ្រើសតាំងសមាជិកសភាពាណិជ្ជ កម្មខេត្តថ្ងៃទី២២ ឧសភា ២០១១ ចំនួន១០រូបរួចមក សមាជិកជ្រើសតាំងទាំង១០រូប រួមទាំងអនុប្រធានសភាអាណត្តិចាស់ នឹងធ្វើការបោះឆ្នោតជ្រើសរើសប្រធានសភាពាណិជ្ជកម្មខេត្តអាណត្តិថ្មីចំនួន១រូប ចំណែកអនុប្រធានចាស់ចំនួន៤រូប នៅបន្តអាណត្តិដដែល ពុំមានការបោះឆ្នោតទេ ។ មានការព្យាករណ៍ជាមុនថា តំណែងប្រធានសភាពាណិជ្ជ កម្មខេត្តអាណត្តិទី១ លើកទី២នេះ នឹងបានទៅលើលោកសុខ សុង ទីប្រឹក្សាសម្តេចជា ស៊ីម ជំនួសឧកញ៉ាលឹម ហ៊ុយឡេង ប្រធានចាស់ដែលត្រូវចូលនិវត្តន៍ ព្រោះបេក្ខភាពមានតែម្នាក់ឯងគ្មានអ្នកប្រកួតប្រជែងឡើយ ៕
ចែករំលែកព័តមាននេះ