ថ្មីៗនេះ អ្នកទាំងអស់គ្នាប្រាកដជាបានដឹងហើយ រឿងរ៉ាវតារាចម្រៀងនាង ស៊ឹម ថៃណា ដែលបានចេញមុខមកនិយាយទាំងទឹកភ្នែករលីងរលោង និងអួលដើម.កយ៉ាងខ្លាំង ក្រោយពីរងនូវការនិយាយជេ.រប្រមា.ថមើលងា.យគ្រប់សព្វបែបយ៉ាង ដោយសារតែ
រាជធានីភ្នំពេញ ៖ ថ្មីៗនេះ អ្នកទាំងអស់គ្នាប្រាកដជាបានដឹងហើយ រឿងរ៉ាវតារាចម្រៀងនាង ស៊ឹម ថៃណា ដែលបានចេញមុខមកនិយាយទាំងទឹកភ្នែករលីងរលោង និងអួលដើម.កយ៉ាងខ្លាំង ក្រោយពីរងនូវការនិយាយជេ.រប្រមា.ថមើលងា.យគ្រប់សព្វបែបយ៉ាង ដោយសារតែពាក្យសម្តីរបស់បុរសម្នាក់នៅក្នុងហាងដែលនាងកំពុងធ្វើការ។ មិនត្រឹមតែប៉ុណ្ណោះ តារាចម្រៀងស្រីរូបនេះ បានចាត់ទុកពាក្យសម្តីជេ.រប្រមា.ថរបស់បុរសម្នាក់នោះ គឺជាលើកទី១ហើយ ចាប់តាំងពីនាងចូលប្រឡូកក្នុងវិស័យសិល្បៈរយៈពេលជាង២០ឆ្នាំមកនេះ។
មិននៅស្ងៀមតទៅទៀត បន្ទាប់ពីឃើញមិត្តសម្លាញ់របស់ខ្លួនត្រូវគេមើលងា.យភ្លាម ស្រាប់តែតារាចម្រៀងស្រី អ្នកនាង យក់ ថិតរដ្ឋា ក៏ចេញមុខមកបង្ហោះរូប២សន្លឹក ដោយភ្ជាប់ជាមួយសារយ៉ាងវែងនៅលើគណនីហ្វេសប៊ុកផេករបស់ខ្លួនឱ្យគ្រប់គ្នាបានដឹងថា «សម្លាញ់អើយ ឯងឃើញទឹកភ្នែកសម្លាញ់ហូរដោយភាពបរិសុទ្ធ ស៊ឹម ថៃណា គ្នាអាណិតឯងត្រង់អត់មានឪពុកម្តាយនឹងគេ ហើយត្រូវគេនិយាយចេញមកមើលងា.យទៀតមិត្តអើយ តែឯងចង់ប្រាប់ទៅសម្លាញ់ថា រឿងជីវិតរបស់មនុស្សយើងគ្រប់គ្នា គឺវាបែបនេះឯង»។
ស្រី អ្នកនាង យក់ ថិតរដ្ឋា បន្តថា «ហើយគ្នាចង់ឱ្យសម្លាញ់ត្រូវតែជម្នះប្រឹងតស៊ូលើជីវិតមួយនេះអោយបាន បើទោះជាមានពេលខ្លះត្រូវជួបរឿងរ៉ាវ និងឧបសគ្គដ៏ច្រើនយ៉ាងណាក៏ដោយ កុំបណ្តោយអោយឧបសគ្គទាំងនោះ វាឈ្នះយើង ជូតទឹកភ្នែកចេញ ហើយប្រាប់ខ្លួនឯងថា ខ្ញុំមិនចុះចាញ់ទេ ! ខ្ញុំត្រូវតែស៊ូបន្តទៀត កុំអោយសម្ដី ឬទង្វើរបស់មនុស្សមួយចំនួនដែលបានគិតមិនល្អមកលើយើងនឹងមើលងា.យយើង វាបានចិត្តហើយ គិតតែពីជាន់ពន្លិចយើងថែមទៀត។ ចឹងយើងត្រូវតែធ្វើចិត្តអោយសប្បាយៗឱ្យបានច្រើនហើយប្រឹងរកស៊ី និងប្រកបការងារអោយច្រើនណាមិត្តសម្លាញ់ ហើយហាមកើតឌីហ្វេសសិនណាមិត្ត ពួកយើងនឹងនៅជិត និងចាំផ្តល់កម្លាំងចិត្តអោយឯងរហូតណា»។
ក្រោយពីឃើញភរិយារបស់ខ្លួន គឺតារាចម្រៀងអ្នកនាង យក់ថិតរដ្ឋា បង្ហោះសារមិនទាន់បានប៉ុន្មានផង ភ្លាមៗនោះលោក ឃុំ ប៉ុនណាដែត ក៏បង្ហោះសារស៊ែរបន្តពីប្រពន្ធរបស់ខ្លួនបែបនេះថា «ពិតជាមានរឿងមិនចេះចប់សម្រាប់ការមើលងា.យ ប្រមា.ថមកលើអ្នកសិល្បៈ បើខ្ញុំចាំមិនភ្លេចទេ ប៉ុន្មានឆ្នាំមុន ១- ប្អូនស្រី ទេព បូព្រឹក ក៏ធ្លាប់បានគេគប់ទឹកកកដាក់, ២- ប្អូន ជា ដេវិដ ក៏ត្រូវគេគប់ទឹកកកដាក់ដែរ, ៣- ប្អូនស្រី ស៊ឹម ថៃណា ប៉ុន្មានថ្ងៃមុន ក៏ត្រូវបានមនុស្សជេ.រ ប.ញ្ចោរ នៅក្នុងទីតាំងភោជនីយដ្ឋានមួយកន្លែង»។
លោក ឃុំ ប៉ុនណាដែត បន្តថា «និយាយនេះសូម្បីតែភរិយាខ្ញុំ កាលពីពួកយើងច្រៀងនៅ Spark ក៏ធ្លាប់បានគេប៉ះពាល់មើលងា.យដែរ។ ខ្ញុំចង់និយាយទៅកាន់មនុស្សប្រភេទនេះ ទោះបីជាពួកយើងមិនមែនអ្នកសិល្បៈក៏ដោយ ក្នុងករណីធ្វើបែបនេះ គឺបំពានសិទ្ធិបុគ្គលហើយ អ្នកអាចជាប់ទោសទណ្ឌតាមជាក់ស្តែង។ ជាចុងក្រោយ ខ្ញុំសូមឱ្យបងប្អូនប្រជាជនខ្មែរទាំងអស់ និងស្ថាប័នពាក់ព័ន្ធ បងប្អូនសារព័ត៌មានទាំងអស់ មេត្តាយកចិត្តទុកដាក់ផ្សព្វផ្សាយលើកតម្លៃសិល្បៈខ្មែរយើងផង។ ហើយអ្នកដែលចូលចិត្តបំពុលសង្គម សូមកាត់បន្ថយការផ្សព្វផ្សាយចៀសវាងជាគំរូអាក្រក់ដល់ក្មេងៗជំនាន់ក្រោយ ខ្ញុំសូមអភ័យទោសជាមុន បើមានការលើសលស់ ក៏គ្មានបំណងប៉ះពាល់បងប្អូនណាឡើយ អរគុណដោយក្តីគោរព»។
គួររំលឹកថា ៖ ស៊ឹម ថៃណា ស្រក់ទឹកភ្នែក និងនិយាយទាំងអួលដើម.ក ក្រោយត្រូវបុរសម្នាក់ជេ.រប្រមា.ថរូបនាង(វីដេអូ) ។ គួររំលឹកទៀតថា ៖ ទីបំផុត! បុរសដែលគប់ទឹកកកដាក់តារាចម្រៀងរ៉េបលោក ជី ដេវីដ ចេញមុខសុំទោសហើយ ៕ ដោយ ៖ សុភា ដានេត
ចែករំលែកព័តមាននេះ