មុននេះបន្តិច តារាកំប្លែងនាយពាក់មី ដែលមានឈ្មោះថា ចែម ចាន់តារា បានធ្វើការបង្ហោះសារខ្លីមួយប្រាប់ពីស្ថានភាពជំងឺប្រពន្ធរបស់លោក ដោយបាននិយាយរៀបរាប់ថា
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា មុននេះបន្តិច តារាកំប្លែងនាយពាក់មី ដែលមានឈ្មោះថា ចែម ចាន់តារា បានធ្វើការបង្ហោះសារខ្លីមួយប្រាប់ពីស្ថានភាពជំងឺប្រពន្ធរបស់លោក ដោយបាននិយាយរៀបរាប់ថា «បានចេញពីបន្ទប់សង្គ្រោះបន្ទាន់ ICU ហើយបងប្អូន 🙏 បន្ទាប់ពីនៅក្នុងបន្ទប់សង្គ្រោះបន្ទាន់អស់៣ថ្ងៃ 🙏អរគុណបងប្អូនដែលជូនពរប្រពន្ធខ្ញុំ 🙏 ខ្ញុំកំពុងចាំដំណឹងពីសមត្ថកិច្ច 🙏 »។
មិនត្រឹមតែប៉ុណ្ណោះ ក្រោយពីប្រពន្ធរបស់តារាកំប្លែងនាយពាក់មីចូលសង្គ្រោះបន្ទាន់នៅក្នុងបន្ទប់ ICU នៃមន្ទីរពេទ្យកាល់ម៉ែតនោះ តារាកំប្លែងនាយពាក់មី ក៏បានបង្ហោះសារនៅលើបណ្ដាញសង្គមដែរថា «ស្គាល់មុខ ម្ចាស់ហាងហើយ កុំគេចវេស មកដោះស្រាយជាមួយសមត្ថកិច្ចភ្លាម!!»។
ចំណែកប្រពន្ធតារាកំប្លែងនាយពាក់មី ក៏បានប្រាប់ពីស្ថានភាពជំងឺរបស់ខ្លួនតាមរយៈវីដេអូខ្លីមួយផងដែរថា «នៅពេលដែលគាត់ក្អួតនោះ គាត់មានអាការៈឈឺដើមទ្រូង បន្ទាប់មកក៏តេទៅមជ្ឈមណ្ឌលកែសម្ភស្ស យីហោ «S 88 Beauty» នោះ ប៉ុន្តែមជ្ឈមណ្ឌលនោះមិនលើកទូរស័ព្ទនោះទេ»។
ហើយអ្វីដែលធ្វើឱ្យមហាជន ក៏ដូចជាអ្នកគាំទ្ររបស់នាយពាក់មីស្ទើរតែស្រក់ទឹកទៅទៀតនោះ គឺនាយពាក់មីបានធ្វើការបង្ហោះរូបកូនប្រុសមួយសន្លឹកនៅបណ្ដាញសង្គមផ្ទាល់ខ្លួនរបស់លោក រួចរៀបរាប់ថា «😭 អាណិតកូន សួររកម្តាយ 😭 តែក្នុងបន្ទប់ ICU កំពុងសង្គ្រោះបន្ទាន់ មិនអាចចូលបានទេ 🙏 អរគុណក្រុមគ្រូពេទ្យកាល់ម៉ែត ដែលយកចិត្តទុកដាក់ព្យាបាលប្រពន្ធខ្ញុំ 🙏»។
គួរបញ្ជាក់ថា ៖ គិតចាប់ពីកាលថ្ងៃម្សិលមិញ មកទល់ថ្ងៃទី០៤ ខែសីហា ឆ្នាំ២០២៣នេះ មជ្ឈមណ្ឌលកែសម្ផស្សដែលមានយីហោ «អេស ៨៨ ប៊ីយូធី ផ្សារធំថ្មី» នៅចំណុចផ្ទះលេខ ១១០ ផ្លូវលេខ ៥៣ ភូមិ៤ ស្ថិតក្នុងសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ត្រូវបានបិទខ្ទប់ជាបណ្តោះអាសន្នហើយ ដោយសារតែទីតាំងមួយនេះ ពុំមានច្បាប់អនុញ្ញាតពីក្រសួងសុខាភិបាលនោះឡើយ ថែមទាំងធ្វើឱ្យប្រពន្ធរបស់តារាកំប្លែងនាយពាក់មី ដែលជាជនរងគ្រោះត្រូវបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែតថែមទៀតផង ។
គួររំលឹកថា មជ្ឈមណ្ឌលកែសម្ពស្សមួយកន្លែង មានស្លាកយីហោ «អេស៨៨ ប៊ីយូធី ផ្សារធំថ្មី» បានធ្វើឱ្យកែសម្ពស្សឲ្យប្រពន្ធរបស់នាយពាក់មី ហើយក៏ត្រូវគេសង្ស័យថា អាចមកពីការខ្វះបច្ចេកទេស ទើបធ្វើឲ្យស្ត្រីប្រពន្ធពាក់មី មានអាការៈក្អួត និងរាកធ្ងន់ធ្ងរ រហូតដល់ថ្នាក់បញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត ក្នុងបន្ទប់ ICU បង្កឱ្យមានការភ្ញាក់ផ្អើលកាលពីវេលាម៉ោង៥ល្ងាច ថ្ងៃទី៣ ខែសីហា ឆ្នាំ២០២៣ ស្ថិតនៅចំណុចផ្ទះលេខ១១០ ផ្លូវ៥៣ ក្នុងសង្កាត់ផ្សារថ្មីទី៣ ខណ្ឌដូនពេញ។
គួររំលឹកបន្តថា ៖ ប្រពន្ធនាយពាក់មីចូលមជ្ឈមណ្ឌលកែសម្ជស្ស ត្រូវបញ្ជូនទៅសង្គ្រោះបន្ទាន់ភ្លាមៗនៅមន្ទីរពេទ្យ ។ គួររំលឹកទៀតថា ៖ មុននេះ នាយពាក់មីថា ស្គាល់មុខម្ចាស់ហាងហើយ កុំគេចវេស មកដោះស្រាយជាមួយសមត្ថកិច្ចភ្លាម!! ៕ ដោយ ៖ រដ្ឋា
ចែករំលែកព័តមាននេះ