នៅមុននេះបន្តិច តារាកំប្លែងនាយពាក់មីបានបង្ហោះសារនៅលើបណ្ដាញសង្គមហ្វេសប៊ុករបស់លោក ដែលមានឈ្មោះថា «Chem Chanra ចែម ចាន់រ៉ា» ដោយលោកបាននិយាយថា
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា នៅមុននេះបន្តិច តារាកំប្លែងនាយពាក់មីបានបង្ហោះសារនៅលើបណ្ដាញសង្គមហ្វេសប៊ុករបស់លោក ដែលមានឈ្មោះថា «Chem Chanra ចែម ចាន់រ៉ា» ដោយលោកបាននិយាយថា «ស្គាល់មុខ ម្ចាស់ហាងហើយ កុំគេចវេស មកដោះស្រាយជាមួយសមត្ថកិច្ចភ្លាម!!»។
បើយោងតាមនាយពាក់មីរៀបរាប់នៅក្នុងវីដេអូឃ្លីបដែលបានបង្ហោះនៅប៉ុន្មាននាទីមុននេះបន្តិច ខណៈនាយពាក់មីបានសួរនាំអំពីអាការៈរបស់ប្រពន្ធរបស់លោក ដោយប្រពន្ធលោកបានរៀបរាប់ឱ្យដឹងថា នៅពេលដែលគាត់ក្អួតនោះ គាត់មានអាការៈឈឺដើមទ្រូង បន្ទាប់មកក៏តេទៅមជ្ឈមណ្ឌលកែសម្ភស្ស យីហោ «S 88 Beauty» នោះ ប៉ុន្តែមជ្ឈមណ្ឌលនោះមិនលើកទូរស័ព្ទនោះទេ។
ហើយអ្វីដែលធ្វើឱ្យមហាជន ក៏ដូចជាអ្នកគាំទ្ររបស់នាយពាក់មីស្ទើរតែស្រក់ទឹកទៅទៀតនោះ គឺនាយពាក់មីបានធ្វើការបង្ហោះរូបកូនប្រុសមួយសន្លឹកនៅបណ្ដាញសង្គមផ្ទាល់ខ្លួនរបស់លោក រួចសរសេរសំណេងថា «😭 អាណិតកូន សួររកម្តាយ 😭 តែក្នុងបន្ទប់ ICU កំពុងសង្គ្រោះបន្ទាន់ មិនអាចចូលបានទេ 🙏 អរគុណក្រុមគ្រូពេទ្យកាល់ម៉ែត្រ ដែលយកចិត្តទុកដាក់ព្យាបាលប្រពន្ធខ្ញំ 🙏»។
មិនត្រឹមតែប៉ុណ្ណោះ កាលពីជាង១ម៉ោងមុន នាយពាក់មី ក៏បានធ្វើការបង្ហោះនៅលើបណ្ដាញសង្គមផងដែរថា «ប្រពន្ធខ្ញុំសង្គ្រោះបន្ទាន់នៅបន្ទប់ ICU 2ថ្ងៃហើយ 😭 បន្ទាប់ពីគាត់បានព្យួរសេរ៉ូមអោយសាច់.ស នៅមជ្ឈមណ្ឌលកែសម្ផស្ស S88 Beauty នៅថ្ងៃពុធ ទី២ វេលាម៉ោង១រសៀល😭 តើម្ចាស់ S88 Beauty ទាំង13សាខា ជានរណា?»។
គួររំលឹកថា មជ្ឈមណ្ឌលកែសម្ពស្សមួយកន្លែង មានស្លាកយីហោ «អេស៨៨ ប៊ីយូធី ផ្សារធំថ្មី» បានធ្វើឱ្យកែសម្ពស្សឲ្យប្រពន្ធរបស់នាយពាក់មី ហើយក៏ត្រូវគេសង្ស័យថា អាចមកពីការខ្វះបច្ចេកទេស ទើបធ្វើឲ្យស្ត្រីប្រពន្ធពាក់មី មានអាការៈក្អួត និងរាកធ្ងន់ធ្ងរ រហូតដល់ថ្នាក់បញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត ក្នុងបន្ទប់ ICU បង្កឱ្យមានការភ្ញាក់ផ្អើលកាលពីវេលាម៉ោង៥ល្ងាច ថ្ងៃទី៣ ខែសីហា ឆ្នាំ២០២៣ ស្ថិតនៅចំណុចផ្ទះលេខ១១០ ផ្លូវ៥៣ ក្នុងសង្កាត់ផ្សារថ្មីទី៣ ខណ្ឌដូនពេញ។
គួររំលឹកទៀតថា ៖ ប្រពន្ធនាយពាក់មីចូលមជ្ឈមណ្ឌលកែសម្ជស្ស ត្រូវបញ្ជូនទៅសង្គ្រោះបន្ទាន់ភ្លាមៗនៅមន្ទីរពេទ្យ៕
ចែករំលែកព័តមាននេះ