រាជធានីភ្នំពេញ ៖ តារាចម្រៀងលោក ជី ដេវីដ បានប្រកាសទុករយៈពេល៨ម៉ោង ចាប់ពីពេលនេះ ដើម្បីអោយជនបង្កដែលបានគប់ទឹកកកមកលើរូបលោកនៅក្នុងហាងផាប់មួយកន្លែង ខណៈពេលដែលលោកបានទៅច្រៀងកាលពីពេលថ្មីនេះ។ ការប្រកាសរបស់តារាចម្រៀងរូបនេះ បានធ្វើឡើង បន្ទាប់ពីលោកទើបតែទទួលវីដេអូដែលថតបានពីកាមេរ៉ាសុវត្ថិភាពជុំវិញករណីនេះ។
ជាមួយនឹងរូបភាពដំបូងដែលត្រូវបានបង្ហោះតាមបណ្តាញសង្គមតា រាចម្រៀងលោក ជី ដេវីដ ក៏បានភ្ជាប់ជាមួយនឹងសំណេរថា «ថ្ងៃនេះ បន្ទាប់ពីខ្ញុំបានមើល Security Video ខ្ញុំពិតជាតក់ស្លុត និងហួសចិត្តជាមួយអាកប្បកិរិយាគួរអោយខ្ពើ.មរអើមពោរពេញដោយការមើលងា.យ ជិះជាន់តម្លៃមកលើរូបខ្ញុំជាអ្នកសិល្បៈខ្លាំងណាស់ គឺខ្លាំងហួសពីការស្មាន។ និយាយដោយស្មោះត្រង់ ក្នុងពេលនេះចិត្តខ្ញុំក៏ចង់លើកលែង ក៏មិនចង់បន្តផុស សឹងតែថាអោយកន្លងហួស ហើយក៏ចប់ទៅចុះ ប៉ុន្តែដោយកម្លាំងអ្នកគាំទ្រ និងមហាជន ខ្ញុំមិនអាចប្រើប្រាស់ចិត្តប្រណីរបស់ខ្ញុំចំពោះមនុស្សដែលមានចិត្តពា.លដូចអ្នកបាននោះទេ វាហាក់ដូចជាមិនគប្បីទាល់តែសោះ បើខ្ញុំនៅតែចចេសចង់លើកលែង»។
លោកថា «ខ្ញុំជាមនុស្សរឹងមាំ គ្រប់បញ្ហាតែខ្ញុំក៏មាន បេះដូងឈឺចាប់នឹងទង្វើថោ.កទាបបែបនេះដែរ ដោយហេតុខ្ញុំផ្ទាល់បានជួបរឿងនេះ ខ្ញុំនឹងក្រោកឈរជាសិល្បករម្នាក់ ដើម្បីលុបបំបាត់ការមើលងា.យ មើលថោ.កដល់សិល្បករ និងសិល្បការិនីដទៃទៀត ក៏ដូចជាក្រោកឈរ ដើម្បីមហាជន និងអ្នកគាំទ្ររបសខ្ញុំ។ ខ្ញុំសូមអរគុណបងប្អូន ខ្ញុំពិតជាមានភាពកក់ក្តៅពីអ្នកគាំទ្រដែលឈឺឆ្អាលសុខទុក្ខរបស់ខ្ញុំ ខ្ញុំសង្ឃឹមថានឹងមានវិធានការចំពោះជននេះ ហើយខ្ញុំក៏សង្ឃឹមថា ជននេះនឹងចូលខ្លួនសុំទោសជាសាធារណៈចំពោះអ្នកគាំទ្ររបស់ខ្ញុំ និងមហាជន ពីទង្វើថោ.កទាបរបស់ខ្លួន ហេតុដែលខ្ញុំនិយាយដូចនេះ ពិតណាស់ពាក្យសុំទោសរបស់ជននេះចំពោះខ្ញុំ គឺវាមិនមានតម្លៃអ្វីអាចផ្សះផ្សារអារម្មណ៍ឈឺចាប់របស់ខ្ញុំបានទេ បើផ្អែកទៅឥរិយាយបទអ្នកក្លាហានក្រោមមេឃរបស់គេ»។
លោកបន្តទៀតថា «ខ្ញុំនឹងផ្តល់ជូន Video ពេញសម្រាប់បងប្អូន បើគ្មានដំណោះស្រាយក្នុងពេល៨ម៉ោង រាប់ចាប់ពីការផុសរូបមួយសន្លឹកនេះទៅ។ ការពិតខ្ញុំមិនចង់បន្សល់ទុកដានឈឺចាប់នៅក្នុង Page របស់ខ្ញុំទេ នេះទឹកកក ចុះបើកៅអី ចុះបើដប កែវ ចាន ចុះបើមិនត្រូវតែខ្ញុំហើយថែមទាំងត្រូវបងប្អូនអ្នកដែលបានមកគាំទ្រខ្ញុំ? ទោះជាឈា.មខ្មៅមួយតួខ្លួនរបស់អ្នកក៏មិនអាចសងគ្រប់ផង»។
លោក ជី ដេវីដ ថា «ក្នុងរូបភាពខាងក្រោមនេះ ជាផ្នែកមួយនៃអាកប្បកិរិយារបស់បុរសកំណា.ចក្នុងអំឡុងពេលដែលខ្ញុំកំពុងច្រៀងនៅម៉ោង (១២:៤១នាទីរំលងអធ្រាត្រឈានចូលថ្ងៃទី៣០ ខែកក្កដា ឆ្នាំ២០២៣) ជនបង្កគឺបុរសសង្ហាលើកដៃម្រាមកណ្តាលនោះឯង។ ខ្ញុំសូមអរគុណដល់ PUB ដែលបានសហការផ្តល់ជា Video ដល់ខ្ញុំ ខ្ញុំពិតជាអរគុណសម្រាប់តឹកតាងដ៏សំខាន់នេះ។ ដោយក្តីគោរពស្រលាញ់ចំពោះបងប្អូន និងមហាជន»។
គួរបញ្ជាក់ថា តារាចម្រៀងរ៉េបល្បីឈ្មោះលោក ជី ដេវីត បានបង្ហាញខ្លួនទៅច្រៀងនៅក្នុងក្លិបកម្សាន្តមួយកន្លែងនៅក្នុងក្រុងព្រះសីហនុកាលពីពេលថ្មីៗនេះ ហើយខណៈពេលលោកកំពុងតែច្រៀងនោះ បែរជាកើតមានរឿងនឹកស្មានមិនដល់ ដោយមានជនខិ.លខូ.ចគប់ដុំទឹកកកទៅកាន់រូបលោក ដែលហេតុការណ៍នោះបានធ្វើអោយអ្នកគាំទ្រតារាចម្រៀងរូបនេះ សម្តែងការខឹងសម្បាយ៉ាងខ្លាំង។
ទោះជាយ៉ាងណា ក្រោយមានហេតុការណ៍កើតឡើងខាងលើនេះ លោក ជី ដេវីដ បានបង្ហោះសារខ្លីមួយនៅលើបណ្តាញសង្គមថា «អរគុណបងប្អូនដោយក្តីគោរពស្រលាញ់ ក៏សុំទោសដែលអោយបារម្ភ ខ្ញុំសន្យាថ្ងៃក្រោយខ្ញុំនឹងមើលថែខ្លួនឯងអោយបានល្អជាងនេះ»។
គួររំលឹកថា ៖ អ្នកគាំទ្រកំពុងរកមុខ ជនខិ.លខូ.ចដែលហ៊ានគប់ដុំទឹកកកដាក់ G-Devith ពេលកំពុងច្រៀង(វីដេអូ) ។ គួរររំលឹកទៀតថា ៖ នាង ដាវីន ទ្រាំលែងបានដាក់មួយឃ្លា ក្រោយដឹងថា មានជនខិ.លខូ.ចយកដុំទឹកកកគប់ G-devith ៕
ចែករំលែកព័តមាននេះ