ប៉ុន្មានថ្ងៃមកនេះ ហាក់ដូចជាកើតឡើងនូវរឿងរ៉ាវមិនចេះចប់ពាក់ព័ន្ធទៅនឹងតារាចម្រៀងប្រុស គឺលោក G-devith ក្រោយមានគេយកទឹកកកគប់លោក ។ នេះបើយោងទៅតាមរយៈការបង្ហោះជាវីដេអូខ្លីៗពីអ្នកគាំទ្ររបស់លោកជាច្រើននៅក្នុងគណនីហ្វេសប៊ុក ក៏ដូចជា
រាជធានីភ្នំពេញ ៖ ប៉ុន្មានថ្ងៃមកនេះ ហាក់ដូចជាកើតឡើងនូវរឿងរ៉ាវមិនចេះចប់ពាក់ព័ន្ធទៅនឹងតារាចម្រៀងប្រុស គឺលោក G-devith ក្រោយមានគេយកទឹកកកគប់លោក ។ នេះបើយោងទៅតាមរយៈការបង្ហោះជាវីដេអូខ្លីៗពីអ្នកគាំទ្ររបស់លោកជាច្រើននៅក្នុងគណនីហ្វេសប៊ុក ក៏ដូចជានៅក្នុង TikTok ដែលបានបង្ហាញអោយដឹងថា មានជនខិ.លខូ.ចដែលមិនស្គាល់មុខ និងមិនដឹងថា តើមានរឿងអ្វី? នៅសុខៗក៏យកដុំទឹកកគប់ទៅលើកំពូលតារាចម្រៀងរ៉េប លោក G-devith រូបនេះ កំឡុងពេលលោកកំពុងតែច្រៀងសម្ដែងអោយគ្រប់គ្នាបានទស្សនានៅលើឆាក។
ហើយក៏ឃើញថា ពេលបានឃើញអាយដលរបស់ខ្លួនត្រូវគេនាំគ្នាគុំកួនស្អប់រួចមក ក៏មានគណនីហ្វេសប៊ុកមួយត្រូវជាអ្នកគាំទ្រ G-devith បានចេញមុខមកបញ្ចេញមតិលើកឡើងចំៗថា «សូមអោយតម្លៃសិល្បៈ ស្រឡាញ់ឬស្អប់ ក៏មិនត្រូវធ្វើអំពើអសីលធម៌ ចំពោះគាត់ដែរ លឺថាមានអ្នកលួ.ចគប់ដុំទឹកកកលើគាត់នៅកំពង់សោម ពេលកំពុងច្រៀង»។
បន្ទាប់ពីឃើញមានគណនីហ្វេសបុកមួយបង្ហោះសារនិយាយអំពីតារាចម្រៀងរ៉េបប្រុស G-devith រួចមក ភ្លាមៗនោះតារាចម្រៀងប្រុសវ័យក្មេងកំពុងតែសាងនៅប្រជាប្រិយភាពពីមួយថ្ងៃទៅមួយថ្ងៃ គឺ នាង ដាវីន បានចេញមុខមកបង្ហោះនៅ Caption ស៊ែរបន្តពីគណនីនោះ ដោយ បានសរសេររៀបរាប់ថា «ក្នុងនាមខ្ញុំជាអ្នកសិល្បៈម្នាក់ មានអារម្មណ៍អាណិតបងប្រុសណាស់ តែងតែជួបនៅរឿងអសុជីវធម៌សម្រាប់បងរហូត សូមអោយតម្លៃសិល្បៈផង បងប្អូនមួយចំនួន ទោះជាអ្នកមិនចូលចិត្តគាត់ក៏ដោយ ក៏មិនគួរធ្វើបែបនេះដែរ នេះជាទង្វើរអាក្រក់បំផុត»។
ពេលក្រឡេកឃើញ តារាចម្រៀងប្រុស នាង ដាវីន និយាយបែបនឹងមិនទាន់បានប៉ុន្មានផង ក៏មានអ្នកស្រលាញ់ចូលចិត្តគាំទ្រ G-devith នាំគ្នាចូលទៅខមិនគ្រប់ៗគ្នាថា «ទោះបីជាយើងមិនចូលចិត្ត ឬស្អប់គាត់ក៏ដោយ យើងមិនគួរធ្វើទង្វើបែបនេះដាក់គាត់នោះទេ ពីព្រោះមនុស្សយើងម្នាក់ៗ គឺសុទ្ធតែមានគុណតម្លៃរៀងៗខ្លួន ដូច្នេះយើងគួរតែអោយតម្លៃដល់អ្នកដទៃផង»។ «បើមិនចូលចិត្តគាត់ទេ ចាំបាច់ធ្វើចឹងដាក់គាត់ធ្វើអី។ តែសម្រាប់អូន គាត់ជា Ido ក្នុងបេះដូង i love you daddy»។
អ្នកខ្លះទៀតក៏បានបញ្ចេញមតិដាក់ទៅចំៗថា «តាំងពីដើមមក ខ្ញុំឆ្ងល់ថា ម្នាក់ៗហេតុអីបានត្រូវស្អប់គាត់? គាត់ទៅធ្វើអីពួកអ្នក បើថាមិនពេញចិត្តគាត់ កុំមើលគាត់ទៅចប់ហើយ ខ្ញុំមិនបាននៅខាងណាទេ តែខ្ញុំឃើញទង្វើគេធ្វើដាក់គាត់ពិតជាអយុត្តិធម៌ណាស់សម្រាប់គាត់ សរសើរត្រង់ GD គាត់រឹងមាំ» និងនៅមានពាក្យជាច្រើនទៀតដែលយើងមិនអាចរៀបរាប់អស់បាននោះឡើយ។
គួរឱ្យដឹងផងដែរថា នៅពេលដែលមានគេព្យាយាមយកដុំទឹកកកគប់ទៅលើលោកនេះដែរ គេបានដឹងថា តារាចម្រៀងរ៉េប លោក G-devith បានទៅធ្វើការ Performe បទចម្រៀងរបស់លោកដែលមានចំណងជើងថា «Body» ស្ថិតនៅក្នុងក្លិប Pub មួយកន្លែង ស្ថិតនៅឯក្រុងព្រះសីហនុ៕ ដោយ ៖ សុភា ដានេត
ចែករំលែកព័តមាននេះ