រាជធានីភ្នំពេញ ៖ មជ្ឈមណ្ឌលដំបូងគេដែលផ្តល់ជូននូវផលិតផល HTC សេវាកម្មបន្ទាប់ពីការលក់សេវាកម្មបណ្តុះបណ្តាល និងការបង្ហាញផលិតផលចុងក្រោយបំផុត គឺជាការបង្ហាញនូវការឆ្ពោះទៅមុខមួយទៀតសម្រាប់ HTC ដែលបានប្រកាសពីភាពជាដៃគូរបស់ខ្លួនជាមួយ Skywav Pte Ltd និងតំណាងដៃគូក្នុងស្រុក The Mehk ដើម្បីបើក
រាជធានីភ្នំពេញ ៖ មជ្ឈមណ្ឌលដំបូងគេដែលផ្តល់ជូននូវផលិតផល HTC សេវាកម្មបន្ទាប់ពីការលក់សេវាកម្មបណ្តុះបណ្តាល និងការបង្ហាញផលិតផលចុងក្រោយបំផុត គឺជាការបង្ហាញនូវការឆ្ពោះទៅមុខមួយទៀតសម្រាប់ HTC ដែលបានប្រកាសពីភាពជាដៃគូរបស់ខ្លួនជាមួយ Skywav Pte Ltd និងតំណាងដៃគូក្នុងស្រុក The Mehk ដើម្បីបើកហាង “HTC Concept Store” ដំបូងក្នុងរាជធានីភ្នំពេញ ប្រទេសកម្ពុជា ។ នេះនឹងជាហាងដំបូងក្នុងប្រទេសកម្ពុជាដែលផ្តល់ជូននូវផលិតផល HTC ផ្តាច់មុខ និងការបង្ហាញពីការវិវឌ្ឍចុងក្រោយបំផុតរបស់ផលិតផល HTC ។ លើសពីនេះ ហាងនេះ ក៏នឹងផ្តល់ជូនអ្នកប្រើប្រាស់នូវការបណ្តុះបណ្តាល និងសេវាកម្មផ្គត់ផ្គង់ក្រោយការលក់ ។
HTC Concept Store នេះ បម្រើនូវមុខងារសំខាន់ៗចំនួនបីដែលមានដូចជា ទីតាំងលក់ផលិតផល មជ្ឈមណ្ឌលតាំងបង្ហាញផលិតផល និងកន្លែងផ្តល់សេវាកម្មជួសជុល ។ សេវាទាំងបីនេះនឹងមានបុគ្គលិកដើម្បីផ្តល់ជូននូវការប្រឹក្សា ការពន្យល់បង្ហាញ និងផ្តល់ដំបូន្មានដល់អ្នកប្រើប្រាស់ផ្អែកលើតម្រូវការរបស់ពួកគាត់ ។ ជាមួយនឹងការបង្ហាញដោយផ្ទាល់នៃផលិតផល HTC ចុងក្រោយបំផុតដែលបង្ហាញជូននៅក្នុងមជ្ឈ មណ្ឌលតាំងបង្ហាញនេះ នឹងផ្តល់ភាពងាយស្រួលជួយដល់អតិថិជនឱ្យទទួលបានការយល់ដឹងកាន់តែច្បាស់អំពីកាវិវឌ្ឍថ្មីនៃផលិតផលមុនពេលសម្រេចចិត្តទិញយកផលិតផល ។
ការរួមបញ្ចូលការបណ្តុះបណ្តាលពីរបៀបប្រើប្រាស់ បានធ្វើឱ្យកាន់តែប្រសើរឡើងសម្រាប់ HTC Concept Store នេះ ដើម្បីផ្តល់ការណែនាំបន្ថែមជួយដល់អ្នកប្រើប្រាស់ផលិតផល HTC ចាប់ពីការប្រើប្រាស់ជាមូលដ្ឋានរហូតដល់លក្ខណៈពិសេស និងជឿនលឿននៃផលិតផលទូរស័ព្ទ Smart Phone ជាច្រើនប្រភេទរបស់ HTC ។ នេះគឺជាផ្នែកមួយនៃការប្តេជ្ញាបន្តជានិច្ចរបស់ HTC ដើម្បីស្វែងរក និងលើកកម្ពស់ឧត្តមភាពក្នុងការផ្គត់ផ្គង់សេវាកម្មបន្ទាប់ពីការលក់ ក៏ដូចជាការអប់រំបច្ចេកវិទ្យាតាមរយៈការពន្យល់បង្ហាញជាពិសេសនៅទីតាំងតែមួយ ។
លោកឃុន រ៉ាម៉ា អ្នកគ្រប់គ្រងហាង The Mehk ប្រចាំប្រទេសកម្ពុជាមានប្រសាសន៍ថា៖«នៅក្នុងទីផ្សារពិភពលោកផ្នែកទូរស័ព្ទ Smart Phone គឺ HTC តែងតែផ្តល់ជូននូវផលិតផលឈានមុខគេជានិច្ច ។ យើងជឿជាក់ថា ហាង HTC Concept Store នឹងផ្តល់ជូននូវបទពិសោធន៍ល្អបំផុតសម្រាប់អតិថិជនរបស់យើងទាំងអស់គ្នាជាមួយនឹងសេវាកម្មទាំងបី ដែលបានរៀបរាប់ខាងលើ ។ ជាការពិតណាស់ លោកអ្នកនឹងរីករាយជាមួយភាពអស្ចារ្យជាច្រើនទៀតនៅពេលខាងមុខជាមួយផលិតផល HTC នៅទីនេះ។
អតិថិជនអាចនាំយកផលិតផល HTC របស់ខ្លួនមកកាន់ HTC Concept Store នេះ ដើម្បីសាកសួរបន្ថែមពីការយល់ដឹងនូវសមត្ថភាពដំណើរការអតិបរមារបស់ផលិតផលខ្លួន ក៏ដូចជាឆែកមើលនូវភាពមិនប្រក្រតីនៃការប្រើប្រាស់ផ្សេងៗ ។ ជាមួយសេវាកម្មជួសជុល ការពិនិត្យមើលជួសជុលដែលមានភាពមិនស្មុគស្មាញអាចនឹងកែសម្រួល ឬជួសជុលក្នុងរយៈពេលពីរថ្ងៃនៃថ្ងៃធ្វើការ ក្នុងករណីដែលមានភាពស្មុគស្មាញ ជាធម្មតាអាចនឹងទាមទារពេលវេលាយូរជាងនេះ ។ ពេលវេលាយ៉ាងឆាប់រហ័សត្រូវបានព្យាយាមធានាសម្រាប់រាល់សេវាកម្មជួសជុលទាំងអស់ដែលធ្វើឡើងនៅ HTC Concept Store ៕
ចែករំលែកព័តមាននេះ